कट्यार पुन्हा काळजात घुसली

Chan lihile aahe.
Chitrapatachya pratikshet.

मी पण आतुरतेने वाट बघतोय चित्रपटाची. मी मूळ संचातले आणि चंद्रकांत लिमये यांचेही प्रयोग बघितले आहेत.

सचिनला आवाज राहुल देशपांडेंचा आहे.

कविराज : पुष्कर श्रोत्री ?. पंडित वसंतखॉं देशपांडेंची गाणी कानामनात इतकी ठसलीत की दुसरं काही ऐकवणार नाही. महागुरूंवर चित्रित झालेलं एक गाणं पाहिलं. कंठसंगीताऐवजी करसंगीत , शारीरसंगीत वाटलं.महागुरूंना गाण्याप्रमाणेच संवादांनाही डबिंग असेल तर बरं होईल.त्यांच्या आवाजात खॉंसाहबांची कल्पना करता येत नाही.अर्थात राहुलचा आवाजही तरुणच आहे.

खासाहेबांची गाणी राहुलच्याच् आवाजात हवी. वसंतरावांच्या जागी दुसऱ्या कोणाची कल्पना करणे त्रासदायक असले तरी इलाज नाहिये, निदान आवाज तरी मूळ असुदे.

चित्रपट नक्कीच पाहणार.

आताच दिल की तपीश ऐकले. आवाज आवडला. राहूलचा आवाज बरोबर बसतो आहे आणि गाणे ऐकायला सुंदर आहे.

सिनेमाची आतुरतेने वाट बघतो आहे.

माझ्यात हिंमत नाही बॉ.
मयेकरांना अनुमोदन. सचिन पिळगावकर बघवत नाही अजिबात.

सूर निरागस हो पाहून खालील प्रश्न पडले.

• कट्यार मधल्या एक से एक पदांनी काय घोडं मारलं होतं ?
• तो कालखंड नक्की कुठला आहे म्हणे ? दरबारी गायक पदरी बाळगण्याचा कालखंड आणि त्यात मधुनच नाचणार्‍या त्या फिल्मी बायका, चकचकाट, लोकांचे पोशाख.. कशाचा कशाला पत्ता नाय. असो.

तो कालखंड नक्की कुठला आहे म्हणे ? दरबारी गायक पदरी बाळगण्याचा कालखंड आणि त्यात मधुनच नाचणार्‍या त्या फिल्मी बायका, चकचकाट, लोकांचे पोशाख.. कशाचा कशाला पत्ता नाय. असो.

म्हणजे तु अजुन बाजीराव मस्तानी चे प्रोमोज आणि गाणी पाहिली नाहीस अजुन.

सचिनने त्या तपिश गाण्यात फारच बालिश अभिनय केलाय

कट्यार मधल्या एक से एक पदांनी काय घोडं मारलं होतं >> तीदेखील आहेत. धीर धरा हो!!!!
सचिन बघवत नाही, पण राहुल "ऐकवतो" त्यामुळे त्याच्यासाठी का होइन पिक्चर बघणार.

खाँसाहेबांच्या पत्नीचे पात्र नाटकात नाही, ते चित्रपटात आहे. त्याचे प्रयोजन काय आहे ते बघावे लागेल.

आरती अंकलीकर लहान असताना ( माझी कॉलेजभगिनी ) तिने फैयाज सोबत लागी करेजवा कटार, दूरदर्शनवर सादर केले होते. अभिषेकीबुवां पेक्षा थोडे वेगळे होते ते. आशा खाडीलकरनेही एकदा, सुरत पिया कि सादर केले होते आणि त्याला जोडून एक तराणाही गायला होता ( नाटकात नाही तो )

ह्या मंडळीनी प्रेक्षकांच्या काळजात कट्यार भोसकली नाही म्हणजे मिळवली ....

ह्याचीही कमला झाली नाही म्हणजे मिळवली. महागुरुचे नाव ऐकल्यापासून चिडचिड वाढली आहे.

>>नाटक तीन तास चालावे म्हणुन जी जे फिलर्स टाकले जातात ते ही गाळले जातील. <<

रात्री ९ वाजता सुरु झालेलं "कट्यार..." पहाटे १-२ वाजेपर्यंत चालत असे ते मुळात त्यातल्या नाट्यसंगीतामुळे - गायकांच्या ताना, हरकती आणि त्यावर मिळालेली उत्स्फुर्त प्रेक्षका़ची दाद. यालाच तुम्ही "फिलर्स" म्हणत असाल; सिनेमात वेळेअभावी तो ऐवज नसण्याची शक्यता असेल तर तो एक मोठा रसभंग ठरु शकेल...

प्रेक्षक डॉन, देवदास, याच रिमेकींग एक प्रयोग या सदरात पाहु शकतात.
>>

कुठे पाहू शकले? हे रिमेक फसलेलेच आहेत. मूळ ची सर तर सोडाच पण किमान दर्जाही गाठू शकले नाहीत हे रिमेक. मूळ डॉन ही तत्कालीन भिकारपटच होता केवळ अमिताभमुळे चाललेला. बालगंधर्वचा आघात पचवताहेत प्रेक्शक अजूनही !

नितिनचंद्र,

तूम्ही कुठल्या संचातले बघितले ? मी बघितलेला प्रयोग ५ तासांचा होता. तरी वसंतरावांच्या प्रयोगात, छोट्या सदानंदाच्या शिकवणीचा प्रवेशच नव्हता. फक्त भार्गवराम आचरेकरांचे दिन गेले भजनावीण हेच एक पद होते.

नाटकाची सुरवातच, बहुदा खाँसाहेब मैफिल जिंकून आल्यानंतर होते.

तूम्ही म्हणता तो रागमालेच्या प्रवेशात, प्रसाद सावकार गद्य म्हणत असत आणि फैयाझ, जान्हवी पणशीकर आणि प्रकाश घांग्रेकर ते राग गात असत. ( मूळ कथेशी सुंसगत नसला तरी मला तो प्रवेश खुप आवडला होता ! )

मान्य नाटकाबरोबर तुलना होणारच पण नितिनचंद्र म्हणतात त्याप्रमाणे चित्रपट हे एक वेगळे माध्यम आहे आणि आताच्या नविन पिढीला ती कथा ओळख घडवण्याकरता अत्यंत उपयोगी ठरेल असे वाटते. त्यातुनच कदाचीत शास्त्रीय संगीत ऐकणारे नविन कानसेनही निर्माण होतील.

ट्रेलर आवडले.

https://www.youtube.com/watch?v=1iTazEogwiY

मी बघोतलेले नाटक दोन अडीच तासाचेच होते.. लहान सदाशिव व पंडितजी ही दोन्ही पात्रेच नव्हती. त्याशिवायच नाटक होते.

आमच्या गावी हे (नाट्क)२५ ता. ला होणार आहे. अर्थातच आम्ही जाणारच आहोत. पण स्टारकास्ट माहिती नाही.

या नाटकात ११ पात्रे गाणारी आहेत त्यामुळे एखाद दुसरे दुय्यम पात्र आले नाही तर ते प्रवेश गाळून अ‍ॅडजस्टमेन्ट करीत असावेत. मला तर खांसाहेबांचे शागीर्द रियाजाला दांड्या मारणारे पुतणे आवडायचे. चंद्रकांत कोळी एक होते त्यात. अर्थात ते दोघेही पट्टीचे गायक होतेच. वसंतरावाना घेई छंद मध्ये संगत करत.
मी वसंतरावांचे (भार्गवराम, प्रकाश इनामदार.घांग्रेकर, फैयाज) आणि चंद्रकांत लिमयांचे पाहिलेय. आफळ्यांचे आणि रादेंचे पहायची हिम्मत होत नाही.

नवरोबांनी वरिजिनल पाहिलंय....वसंतरावांचं. मी हेच पहिल्यांदा पहाणार.

मीहि मूळच पाहिलेय. चित्रपटात सगळे नाटकासारखे असणे कसे शक्य आहे? बदल असणारच ना!

बालगंधर्व त्याच्या लिमिटेशन्स सकट चांगला होता. आणि चांगला चालला.

कट्यार काळजात घुसली सिनेमाचे नुसते ट्रेलर जरी सुरु झाले तरी काळजात कालवाकालव होतेय. मी लहानपणी पाहिलेय हे नाटक ओरिजिनल संचातले, आणि चंद्रकांत चंद्रकांत लिमयेंचे तर अनेकदा. त्यामुळे खासाहेब -पिळगांवकर व संगीत- शंकर एहसान लॉय वगैरे असं सगळं ऐकायलाही कसं तरी होतंय...कोणीतरी शनिवारवाडा पाडून त्या जागी मॉल बांधणार आहे असं तरी वाटतेय...किंवा पणजीच्या लग्नातली तिची पैठणी फाडून शिवलेली डिझायनर कुर्ती बघायला लागेल अशी काहीशी भावना झाली आहे. नव्या गोष्टीची नवलाई न वाटता परंपरा बदलण्याची भिती वाटणं ..... आपलं वय झालंय असं समजावं का?

मेधाव्ही सर्व पोष्ट पटली. आणि कालवाकालव अगदी काळजापर्यन्त पोचली.
फक्त शेवटच्या प्रश्नाचं उत्तर नाही देता येत! :स्मितः

>>त्याप्रमाणे चित्रपट हे एक वेगळे माध्यम आहे<<

बरोबर, आणि ते नाटकापेक्षा अत्यंत प्रभावी आहे यावर दुमत नसावं. मुळ नाटकाच्या कथेला/संगिताला योग्य तो न्याय दिला गेला तर ४-५ तासांचा सिनेमा पहायला रसिक नक्किच येतील...

>>या नाटकात ११ पात्रे गाणारी आहेत<<
गाणारी ११ कि सगळी मिळुन ११?

तुमची पोस्ट थोड्याफार प्रमाणात पटतीये पण मग नव्या गोष्टीचे स्वागत "शनिवारवाडा पाडून त्या जागी मॉल बांधणार" असं करण्याऐवजी "शनिवारवाडा पुन्हा बांधून त्याचे वैभव या काळाला पण दाखवून देणार" असे पॉझिटीव्ह अ‍ॅटिट्युड नी करावे असे वाटते.

या धाग्यावर अवांतरः
बाजीराव मस्तानीचा प्रोमो बघीतला. हे असे आणि एवढे संगमरवरी बांधकाम होते का शनिवारवाड्यात?
आरसे आणि पायाला हात लावण्याचे दृश्य "प्यार किया तो..." च्या कॉपी पेस्ट चा प्रयत्न आहेत.

मराठीतले गाव आणि राव ईंग्रजीत गाओ / राओ कसे होतात? 'raav' लिहायला काय जाते?
आमच्या कॉलेज ने माझ्या कागदपत्रांवर वर gaon लिहून दिले आहे. दक्षीण भारतीय बाईंची कृपा.

बाकी, ते बाजीरावांच्य पत्नीचे चित्रपटातील पात्र जरा अतीच हसत होते असे वाटले. आपल्या जान्हवी सारखे!