निसर्गाच्या गप्पा (भाग २५)

Submitted by जागू-प्राजक्ता-... on 21 March, 2015 - 09:43

(निसर्गाची नैसर्गिक गुढी/तोरणे)

सर्व निसर्गप्रेमींना सप्रेम
नमस्कार,

गोनीदां, डॉ. शरदिनी डहाणूकर, दुर्गाबाई यांजसारखे जे निसर्गप्रेमी आहेत ते सतत आठवणीत असतातच पण त्यांचा विशेष आठव होतो ऋतूबदल होतो तेव्हा - काय सुरेखरित्या या नैसर्गिक गोष्टीला ते शब्दबद्ध करु शकतात !!

गोनीदांनी " माचीवरला बुधा" या कादंबरीत लिहिलेले हे वर्णन का पहाना ...
"फाल्गुन लागला. अन चाफ्याची सगळी पानं गळून पडली. त्यांच्या टोकाला बारीक बारीक कळ्या धुमारल्या. ती टोकं तांबूस चकचकीत दिसू लागली. होता होता कळ्या फुलल्या. सगळं टेमलाईचं पठार चाफ्याच्या वासानं घमघमायला लागलं.उंबराचीही पानावळ पार झडून
गेली होती. पण फाल्गुन लागताच त्या झाडाच्या अंगी चैतन्य रसरसलेलं दिसू लागलं. त्याच्याच अंगी का, सगळ्याच झाडांची तीच गत झाली. रानची सगळीच झाडं नव्हाळली, देखणी दिसायला लागली. त्यांच्या फांद्याच्या हातांना जणू कोवळी तांबूस नखं फुटली. त्या कोवळ्या झळाळीनं सगळं रान श्रीमंत झालं." (साभार - माचीवरला बुधा - गोनीदा - मॅजेस्टिक पब्लिशिंग हाऊस)

जरी आपण सगळे शहरी असलो तरी आपल्या आसपासच्या झाडापानात जो बदल होत असतो तो पाहून आपण
आंत कुठेतरी सुखावतो, श्रीमंत होत असतो. या निसर्गाची विविध रुपे पहाताना त्यातून जी निर्मळ प्रसन्नता, शांति व सौंदर्य यांची लयलूट केली जाते त्याची साठवण आपल्या मनात कशी करता येईल हे जरुर
पहावे.

सार्‍या झाडांसारखेच या नव्या वर्षाचे आपण उत्फुल्ल मनाने स्वागत करु या, कोवळ्या पालवीसारखी एक सुंदरशी सतेज गुढी आपल्याही मनात उभारुयात - चैतन्यमय होऊया, अमृतमय होऊया
....

असतो ऽमा सद्गमय |
तमसोऽमा ज्योतिर्गमय |
मृत्योर्मा अमृतं गमय |
ॐ शांति: शांति: शांति: ||

सर्वांना नववर्षाच्या
अनेकानेक हार्दिक शुभेच्छा ....

वरील प्रस्तावना मायबोलीकर शशांक पुरंदरे यांच्याकडून.

निसर्गाच्या गप्पा या धाग्याची सुरुवात ५ डिसेंबर २०१० पासून झाली. आज २५ वा धागा गुढी पाढव्याचा मुहुर्त साधून मराठी नविन वर्षाच्या प्रारंभदिनी सुरू करताना आनंद होत आहे.

मागील धागे.

निसर्गाशी निगडीत काही पुस्तकांची यादी १५ व्या धाग्यापर्यंत पाहता येईल.

विषय:

निसर्ग

शब्दखुणा:

निसर्ग

Groups audience:

घरची बाग

Group content visibility:

Public - accessible to all site users

शेअर करा

वा नव्या भागाबद्द्ल सगळयांचचं

वा नव्या भागाबद्द्ल सगळयांचचं अभिनंदन !!!

शशांकजी, सुंदर मनोगत.

Submitted by मनीमोहोर on 21 March, 2015 - 10:29

वाह.. नवीन वर्षाची नवीन , गोड

वाह.. नवीन वर्षाची नवीन , गोड सुरुवात

सर्वांचे अभिनंदन..

Submitted by वर्षू. on 21 March, 2015 - 10:25

(No subject)

Submitted by पुरंदरे शशांक on 21 March, 2015 - 10:33

व्वा जागू!२५व्या धाग्याबद्दल

व्वा जागू!२५व्या धाग्याबद्दल विशेष अभिनंदन!

शशांकजी,प्रस्तावना सहज,ओघवत्या भाषेत अगदी अप्रतिम!

Submitted by sariva on 21 March, 2015 - 10:34

सुरेख फोटो, सुरेख

सुरेख फोटो, सुरेख प्रस्तावना!
नवीनवर्षाच्या शुभेच्छा!
हा गप्पांचा गुलमोहोर सदा बहरत राहो!

Submitted by आर्च on 21 March, 2015 - 10:39

सुंदर प्रस्तावना व प्रचिही !

सुंदर प्रस्तावना व प्रचिही ! नुतनावर्षाभिनंदन!

Submitted by मंजूताई on 21 March, 2015 - 11:02

अ ति श य सुरेख प्रस्तावना.. न

अ ति श य सुरेख प्रस्तावना..
न विन भागाच्या, न विन व र्षाच्या खुप शुभे च्छा..

Submitted by सायु on 21 March, 2015 - 11:04

नैसर्गीक गुढी खुप आ व डली

नैसर्गीक गुढी खुप आ व डली शशांकजी...

Submitted by सायु on 21 March, 2015 - 11:05

अगदी सुयोग्य शब्दातली

अगदी सुयोग्य शब्दातली प्रस्तावना अन रंगोत्फुल्ल मनमोहक नैसर्गिक गुढी … नववर्षाची प्रसन्न सुरुवात...
'रानची सगळीच झाडं नव्हाळली, देखणी दिसायला लागली. त्यांच्या फांद्याच्या हातांना जणू कोवळी तांबूस नखं फुटली. त्या कोवळ्या झळाळीनं सगळं रान श्रीमंत झालं.">>> किती सुन्दर लिहीलय .हे पुस्तक वाचलच पाहिजे.

Submitted by भुईकमळ on 22 March, 2015 - 03:22

आज मी एक सुन्दर झाडान्ची

आज मी एक सुन्दर झाडान्ची कविता काव्य विभागात टाकली आहे सर्व निगप्रेमीनी ती वाचावी अशी विनन्ती
निसर्गप्रेमीना नवर्षाच्या पालवत्या शुभेच्छा...
http://www.maayboli.com/node/53188

Submitted by भुईकमळ on 22 March, 2015 - 04:30