विचार

ह्या विचारांचं काही विचारू नका..
कधी अगदी झोकात येतात,
सारखे डोक्यात फिरत राहतात
तर कधी अजीबात माझ्या
जवळही फिरकत नाही
तसं थोडा वेळ शांत रहायला
माझीही हरकत नाही.
पण नंतर ह्या शांततेची नखं
मनाची कोवळी पाने खुडून जातात...
आणी मग ते पक्षांसारखे दूर
घरट्यामधुन उडून जातात...
आकाशात ऊंच गेल्यावर मग
पुन्हा पाहतात घरट्याकडे
जिव्हाळा आहे ना माझा त्यांना
म्हणुन परततात माझ्याकडे!
चला, येतीलच इतक्यात ते
त्यांच्या भुकेची सोय केली पाहीजे
शेवटी किती म्हटलं तरी
ते माझे आपलेच आहेत ना!!