२६ मे : वर्षाविहाराच्या दवंडीची दवंडी आली आणि मायबोलीवर नव्याने आनंदाची लकेर उठली.
८ जून : प्रत्यक्ष दवंडी झाली, वर्षाविहाराचं ठिकाण जाहीर झालं आणि यू.के.’ज् रिसॉर्ट हे नाव मायबोलीवर सर्वतोमुखी झालं.
... आणि आज हा वर्षाविहार-२०१०च्या सविस्तर माहितीचा धागा आलाय तुमची उत्सुकता शमवायला.
एखाद्या गोष्टीची खुमारी वाढवत न्यायची असेल तर ती अशी!
गेली सात वर्षं चालू असलेला हा वर्षाविहाराचा उपक्रम आहेच तसा नाविन्यपूर्ण, लज्जतदार, खुमासदार, हवाहवासा वाटणारा!
तर मंडळी, मायबोली घेऊन येत आहे वर्षाविहार-२०१०...
एक असा उपक्रम ज्यात मायबोलीवरचे सभासदच नव्हेत तर त्यांचे कुटुंबीयही सहभागी होऊ शकतात. मायबोलीवरचं लेखन, इतर अनेक उपक्रम, इथे चालणार्या गप्पा, चर्चा, चेष्टा-मस्करी (आणि क्वचित काही तात्विक मतभेद सुध्दा ;)) याबद्दल समस्त मायबोलीकरांचे कुटुंबीय रोज काही ना काही ऐकतच असतात. त्या गप्पा, ती धमाल त्यांना प्रत्यक्ष अनुभवायला मिळते ती वर्षाविहारादिवशी. वविदिवशी नवीन भेटीगाठी होतात, ओळखी होतात, आधीच्या ओळखींचं मैत्रीत रुपांतर होतं, मैत्रीचे नवीन धागेही विणले जातात.
यंदाचा हा मैत्रीचा सोहळा संपन्न होणार आहे १८ जुलै २०१० या दिवशी, खोपोली इथल्या यू.के.’ज् रिसॉर्टच्या साथीनं. पाऊस तर दरवर्षी असतोच संगतीला.
पण मंडळी, तो दिवस साजरा करण्याची पूर्वतयारी म्हणून काही गोष्टी नियमानुसार आणि ठराविक दिवशी करणं गरजेचं आहे.
त्यापैकी पहिली गोष्ट म्हणजे वविला येणार्यांची नावनोंदणी.
वविला registered मायबोलीकर आणि त्यांचे कुटुंबिय (पति/पत्नी/मुले) येऊ शकतात. इच्छुक मायबोलीकरांनी त्यासाठी vavi@maayboli.com या पत्त्यावर ई-मेल करायची आहे.
नावनोंदणी करताना सभासदांनी खालील गोष्टींची माहिती देणे आवश्यक आहे.
१. नाव
२. मायबोलीचा user id
३. संपर्कासाठी दूरध्वनी क्रमांक (भ्रमणध्वनी क्रमांक दिल्यास उत्तम)
४. कुठल्या शहरातून येणार (मुंबई, पुणे इ.)
५. आपला नेहमी वापरात असलेला email id
६. सहभागी होणार्या एकूण व्यक्तींची संख्या (प्रौढ/ मुले).
७. लहान मुले (६ ते १० किंवा ३ ते ५ वयोगट) असल्यास त्यांचे वय
८. मायबोली गृपबरोबर बसने येणार की स्वतंत्र येणार?
९. पैसे कसे भरणार? प्रत्यक्ष की ऑनलाईन?
नावनोंदणीची अंतिम तारीख आहे ११ जुलै २०१०.
एकूण इच्छुकांच्या संख्येनुसार बसभाडे ठरवण्यास मदत होते. त्यामुळे लवकरात लवकर आपली नावनोंदणी करा.
नावनोंदणीचे काम पूर्ण झाले की पुढचे महत्त्वाचे काम म्हणजे पैसे जमा करणे.
वर्षाविहार-२०१० साठी वर्गणी आहे :
प्रौढ : रु. ६५० प्रत्येकी. (रिसॉर्ट : रु. ४००, बस : रु. २००, इतर खर्च : रु. ५०)
मुले (वय ६ ते १० वर्षे) : रु. ४०० प्रत्येकी.
५ वर्षांपर्यंतच्या मुलांना काहीही शुल्क नाही.
(इतर खर्चामधे सांस्कृतिक कार्यक्रमासाठी लागणार्या खर्चाचा अंतर्भाव आहे.)
पुणे आणि मुंबई इथे ११ जुलै २०१० या एकाच दिवशी वविचे पैसे जमा केले जातील.
पुणे - स्थळ: बालगंधर्व नाट्यगृहाच्या तिकीटखिडकीशेजारील कट्टा. वेळ: ११ जुलै २०१०, सं. ५.३० ते ८.००
मुंबई - स्थळ: शिवाजी पार्क, उद्यान गणेश मंदिराच्या प्रांगणात. वेळ: ११ जुलै २०१०, सं. ५.३० ते ८.००
समजा पैसे भरून जर आयत्यावेळी काही कारणाने वविला येणं रद्द केलं तर बसचे भाडे वजा करून उरलेले पैसे परत करण्यात येतील.
स्वतंत्र येणार्यांनी बसभाडे देण्याची अर्थातच गरज नाही.
ऑनलाईन पैसे भरणार्यांना ज्या अकाऊंटमध्ये पैसे भरायचे आहेत त्याची सर्व माहिती ईमेलने कळविली जाईल.
मुंबई आणि पुणे सोडुन इतर ठिकाणच्या तसेच भारताबाहेरील कोणालाही वर्षाविहारास येणे शक्य असेल तर त्यांनी जरूर यावे.
वर्षाविहार-२०१० संयोजन समिती :
पुणे -
प्रणव कवळे (प्रणव कवळे) फोन : ९७३००१८१२८
सचिन (सचिन_dixit) फोन : ९८९०८२०७००
राजेश जाधव (राज्या) फोन : ९८८१४९८१८९
मल्लीनाथ (MallinathK) फोन : ९९६०३६६५६६
मुंबई -
विनय भिडे (विनय भिडे) फोन : ९८२०२८४९६६
निलेश वेदक (नील वेद) फोन : ९७०२७२१२१२
कविता नवरे (कविता नवरे)
अमित देसाई (असुदे) फोन : ९३२१९१७२१५
प्रीति छत्रे (ललिता-प्रीति)
आनंद केळकर (आनंद्_सुजू): ९८२०००९८२२
http://uksresort.com/ या दुव्यावर यू. के.’ज् रिसॉर्टची अधिक माहिती मिळू शकेल.
आपल्याला काही शंका असल्यास आपण इथे मेसेज टाकू शकता अथवा vavi@maayboli.com या ई-मेल आयडीवर संपर्क करु शकता.
गेल्या वर्षी मावळसृष्टी इथे पार पडलेल्या ववि-२००९ला मायबोलीकर आणि त्यांचे कुटुंबीय यांची विक्रमी उपस्थिती होती. तो विक्रम यंदा मोडला जावा अशी सर्वांचीच इच्छा आहे.
वविची रुपरेषा साधारण अशी असेल......
सकाळी ९.०० वाजेपर्यंत पुणे व मुंबईच्या बसेस रिसॉर्टवर पोहोचतील
सकाळी ९.३० ते १०.०० न्याहारी करुया
१०.०० ते १०.३० स्विमिंगपूलात उतरण्यासाठीचे चेंजिंग
१०.३० ते १२.३० स्विमिंग पूल व इतर उपलब्ध राईड्स/रेन डान्स मधे धम्माल मस्ती
१२.३० ते १.०० परत चेंजिंग
१.०० ते २.०० जेवण
२.३०-४.३० मनोरंजन
५.०० वाजता चहा व बिस्किट्स
५.३० वाजता जड अंत:करणाने आपापल्या शहरात नेणार्या बस मधून प्रयाण.
तेव्हा, भेटू या, २०१०च्या वविला!
मुंबईच्या बस रुटची माहिती खालील प्रमाणे
१) बस बोरिवली नॅशनल पार्कहून सुटेल वेळ ५.४५ am (ह्या स्टॉपकरता श्री. विनय भिडे ह्यांच्याशी संपर्क साधावा)
२) जोगेश्वरी हायवे (जोगेश्वरी-विक्रोळी लिंक रोड कॉर्नर) - ६.२० am
३) दीनदयाळ नगर मुलूंड (पुर्व) ६.२५ am (ह्या स्टॉपकरता श्री. आनंद केळकर ह्यांच्याशी संपर्क साधावा)
४) ऐरोली ब्रिज ७.१० am
५) ऐरोली सेक्टर ५: ७.१५ am
६) वाशी ७.३० am
७) कळंबोली मॅकडोनल्ड (एक्स्प्रेस हायवेचा स्टार्ट) ८.०० am
मुंबई रुट संदर्भात काही शंका असल्यास कृपया १० जुलै पर्यंत इमेल करा किंवा ११ जुलै रोजी संध्याकाळी ५.३० ते ७.३० ह्या वेळेत श्री विनय भिडे ह्यांना शिवाजी पार्क येथे प्रत्यक्ष भेटून किंवा फोन करुन संपर्क साधावा.
पुणे बस रुटची माहिती खालील प्रमाणे
बस नंबर - MH12 FC 3344
बसचा रंग - पांढरा / केशरी - (अंबिका ट्रॅव्हस)
१) बस सावरकर भवनहून (बाल गंधर्वच्या पाठीमागे) सुटेल वेळ - ६.१५ am (६ ते ६.१५ पर्यंत बस तिथे थांबेल)
२) डेक्कन - ६.३० am (बसस्टॉप समोर)
३) राजाराम पुल - ६.४५ am (सिंहगड रोड्-व्यंकटेस्वरा हॅचरीज)
४) कोथरुड (किमया हॉटेल) - ७.०० am
प्रत्तेकाने वेळेपुर्वी तेथे उपस्थित रहाणे आवश्यक आहे.
पिंपरी-चिंचवडहुन येणार्यांनी कृपया मुंबई-पुणे द्रुतगती मार्गाच्या फाट्याजवळ थांबावे, त्यांना तिथुन पिक केले जाईल.
नोंदणी केलेल्या सर्वांनी कृपया आपला थांबा आणि बरोबर येणार्या मंडळींची नाव इमेल करुन कळवावी, ही माहिती वहातूक कंत्राटदाराला परवान्यासाठी लागणार आहे. ज्या मेंबर्सनी थांबा कळवला नसेल तर ते कोथरूड येथे बसणार आहेत असे ग्रूहीत धरले जाईल.
सुचना: रिसॉर्ट मधे पाण्यात उतरताना पोहोण्याचा पोषाख असणे आवश्यक आहे. (महिलांसाठी: पोहोण्याचा पोषाख नसल्यास टेरिकॉट्/नायलॉन मटेरिअलचे लेगिंग्ज आणि टि शर्ट चालतील) पाण्यात उतरताना शक्यतो कॉटनचे कपडे/ जीन्स वगैरे गोष्टी टाळाव्यात)
धन्यवाद.
त्यालाच 'श्रमपरिहार' म्हणतात.
त्यालाच 'श्रमपरिहार' म्हणतात.
![Happy](https://dk5wv51hv3hj1.cloudfront.net/files/smiley/packs/hitguj/happy.gif)
LOL आशुडी! ए गपा रे, त्या
LOL आशुडी!![Happy](https://dk5wv51hv3hj1.cloudfront.net/files/smiley/packs/hitguj/happy.gif)
- भन्नाट! ![Happy](https://dk5wv51hv3hj1.cloudfront.net/files/smiley/packs/hitguj/happy.gif)
ए गपा रे, त्या बिचार्या फदीवर घसरु नका, आधीच चार वर्षात सहा ऑडीटे फेस करुन त्याच्या तोन्डाला फेस आलाय!
बाकी एका बाबतीत पुणेकरान्नी बाजी मारली बरका - अगदी बसचा फोटोच दिला:)- कट्क्टच नाय पायजेल
यू आर म्हणजे राईट बरका
यू आर म्हणजे राईट बरका लिम्बूदा, आता तीच बस आली की झालं...![Proud](https://dk5wv51hv3hj1.cloudfront.net/files/smiley/packs/hitguj/proud.gif)
बसवाल्यांना आयत्यावेळी बशी बदलायची सवय असते रे बाबांनो. आफिल राहू नका....
काही कारनास्तव येनार नाही.
काही कारनास्तव येनार नाही. पिकनिक खुप मिस करेन.... तुम्हा सगळयान्ना शुभेच्चा!!
स्विमिंग पूल मधे काळजी घ्या.
पैसे भरल्यानंतर अगदी आयत्या
पैसे भरल्यानंतर अगदी आयत्या वेळी कॅन्सल झालं तर त्या व्यक्तीचे पैसे परत मिळणार का गेले की गेले??
कॅन्सल झालं तर त्या व्यक्तीचे
कॅन्सल झालं तर त्या व्यक्तीचे पैसे परत मिळणार का गेले की गेले??
>>
मंजे तुला बसभाडं कापुन उरलेले पैसे मिळतील.
का गं मंजिरी? मनोज आता नाही
का गं मंजिरी? मनोज आता नाही येणार म्हणतोय?
नाही ग यो, अश्वे, आपली एक
नाही ग यो, अश्वे, आपली एक शंका फिटवून घेतीये.. समजा असं झालं तर काय नियम आहेत?
अस झाल तर दोन वेगवेगळे नियम
अस झाल तर दोन वेगवेगळे नियम आहेत मंजे
नियम एक (खरा) (तुझ्यापुरता ठेवायला): समजा पैसे भरून जर आयत्यावेळी काही कारणाने वविला येणं रद्द केलं तर बसचे भाडे वजा करून उरलेले पैसे परत करण्यात येतील. >> हे वर च्या मजकुरातच वाचलय मंजे
नियम दोनः (मनोजला सांगण्यासाठी) सग्गळे पैसे पाण्यात (पाण्यात न भिजताच पाण्यात) जातील तुझ्यामुळे नियमच आहे तसा अस ठसवायचं. शेवटी नावाला जागण्यासाठी तरी तो नक्कीच कँसल करणार नाही![Proud](https://dk5wv51hv3hj1.cloudfront.net/files/smiley/packs/hitguj/proud.gif)
कवे आता कसं... शंका फिटली,
कवे
आता कसं... शंका फिटली, काळजी मिटली.. ![Proud](https://dk5wv51hv3hj1.cloudfront.net/files/smiley/packs/hitguj/proud.gif)
ए मला डुज/ डोन्ट्स सांगा की
ए मला डुज/ डोन्ट्स सांगा की कुणीतरी...
डुज डोंटस काय असतात
डुज डोंटस काय असतात योडे?
डुजः धम्माल करायची, सगळ्यात भाग घ्यायचा, मस्करी करायची, करु द्यायची सगळ स्पोर्टिंगली घ्यायचं, गृपीझम न करता अख्खा माबोचा एक गृप करायचा
डोंटसः हे सगळं वर लिहिलय त्यात बाधा येईल ते नाही करायचं
एक महत्वाच (संयोजक सांगोत न सांगोत मी सांगून घेते
) : बसथांब्याच्या वेळा पाळायच्या. नाहितर बाकीचेही ताटकळतात आपल्यामुळे ![Proud](https://dk5wv51hv3hj1.cloudfront.net/files/smiley/packs/hitguj/proud.gif)
काही कारनास्तव येनार नाही.
काही कारनास्तव येनार नाही. पिकनिक खुप मिस करेन.... तुम्हा सगळयान्ना शुभेच्चा!!
स्विमिंग पूल मधे काळजी घ्या.
बसथांब्याच्या वेळा पाळायच्या.
बसथांब्याच्या वेळा पाळायच्या. नाहितर बाकीचेही ताटकळतात आपल्यामुळे![Proud](https://dk5wv51hv3hj1.cloudfront.net/files/smiley/packs/hitguj/proud.gif)
>>
कवे हे तुझ्यासाठी..
ए गप्पे योडे, गटगला दरवेळी
ए गप्पे योडे, गटगला दरवेळी मला खडा पारशी करतेस ठाणा स्टेशनला. म्हणून ती खास सुचना आहे तुझ्यासाठी![Proud](https://dk5wv51hv3hj1.cloudfront.net/files/smiley/packs/hitguj/proud.gif)
डोंट्सः पावसावरच्या कविता
डोंट्सः पावसावरच्या कविता
ए गप्पे योडे>>>>योडे, आता
ए गप्पे योडे>>>>योडे, आता कवीला लली चावली आणि तुझी मंजी केली तिने![Proud](https://dk5wv51hv3hj1.cloudfront.net/files/smiley/packs/hitguj/proud.gif)
बसथांब्याच्या वेळा पाळायच्या.
बसथांब्याच्या वेळा पाळायच्या. नाहितर बाकीचेही ताटकळतात आपल्यामुळे <<<< अगदी अगदी
कवे, मंजे मने तु येतेयस ना??
कवे, मंजे![Lol](https://dk5wv51hv3hj1.cloudfront.net/files/smiley/packs/hitguj/lol.gif)
मने तु येतेयस ना??
कवीला लली चावली आणि तुझी मंजी
कवीला लली चावली आणि तुझी मंजी केली तिने![Proud](https://dk5wv51hv3hj1.cloudfront.net/files/smiley/packs/hitguj/proud.gif)
डुजः ललिपासून सुरक्षीत अंतरावर थांबावे
फदी, "सुरक्षित अंतर ठेवा" ?
फदी, "सुरक्षित अंतर ठेवा" ?![Biggrin](https://dk5wv51hv3hj1.cloudfront.net/files/smiley/packs/hitguj/biggrin.gif)
यो मी विचार करत्ये काय कराव
यो मी विचार करत्ये काय कराव याचा.![Proud](https://dk5wv51hv3hj1.cloudfront.net/files/smiley/packs/hitguj/proud.gif)
डुज/ डोन्ट्स सांगा की
डुज/ डोन्ट्स सांगा की कुणीतरी... >>>![Proud](https://dk5wv51hv3hj1.cloudfront.net/files/smiley/packs/hitguj/proud.gif)
डोन्ट डू डुचकेगिरी
ड्यु आय्य ला डोन्ट गिव त्रास ,... नाहितर तो वैतागायचा...:फिदी:
मुंबई-पुणे द्रुतगती
मुंबई-पुणे द्रुतगती मार्गाच्या फाट्याजवळ थांबावे ???
हिंजेवाडी की अजून कुठल्या?
डुजः ललिपासून सुरक्षीत
डुजः ललिपासून सुरक्षीत अंतरावर थांबावे
फदी, "सुरक्षित अंतर ठेवा" ? >>>
माझा ट्रक करून टाकलात तुम्ही लोकांनी...![Lol](https://dk5wv51hv3hj1.cloudfront.net/files/smiley/packs/hitguj/lol.gif)
माझा ट्रक करून टाकलात तुम्ही
माझा ट्रक करून टाकलात तुम्ही लोकांनी...
लले ओवर लोडेड....
ए मल्या, वविला आलोकी मला आधीच
ए मल्या, वविला आलोकी मला आधीच बाजुला घेऊन गुपचूप दाखवुन ठेव बर का!
![Proud](https://dk5wv51hv3hj1.cloudfront.net/files/smiley/packs/hitguj/proud.gif)
मुंबई बसची काही माहीती मिळू
मुंबई बसची काही माहीती मिळू शकेल का??
उदा: बस नंबर, नाव, रंग वगेरे!!!!
अमोघ, सकाळी साडे सहाच्या आत
अमोघ, सकाळी साडे सहाच्या आत पोहोचा दीन दयाळ नगराला. वर्णन कशाला प्रत्येक्ष बसच दाखिवतो![Proud](https://dk5wv51hv3hj1.cloudfront.net/files/smiley/packs/hitguj/proud.gif)
अम्या
अम्या![Lol](https://dk5wv51hv3hj1.cloudfront.net/files/smiley/packs/hitguj/lol.gif)
Pages