संक्रांति चेक्कुलु

परातीत तांदळाचे पीठ चाळून घ्या. शक्यतो ताजे पीठच घ्या. माझे जरा जुने झालेले होते. पण चवीत फारसा फरक नाही पडला. मला एकल किचन मुळे अर्धा किलो ग्रोसरी, पावकिलो भाजी पण जास्तच होते. अधून मधून रिव्यु घेउन खराब झालेली ग्रोसरी टाकून द्यावी लागते.

त्यात लोणी, जिरे, तीळ, आले मिरची वाट ण, कोथिंबीर, कढिपत्ता , भिजवलेला साबुदाणा व मूग डाळ घालून एकदा कोर डे मिसळून घ्या. लोणी सर्वत्र लागले पाहिजे. एक चमचा तेल घाला. मग कोमट पाण्याने भिजवून घ्या. फार घटट किंवा पातळ भिजवू नका. जस्ट राइट भिजले पाहिजे. थालिपीठ साठी भाजणी भिजवून घेतू त्या टाइप. दहा मिनिटे ठेवा.

तळणी साठी तेल गरम करायला ठेवा. मध्यम आच, मंद गॅस हे लक्षात असू द्या. हाय हीट नाही.

आता थोडा कौशल्याचा भाग आहे.

पिठाचे बारके गोळे करून घ्या. एक झिप लॉक टाइप प्लास्टिकची पिशवी पोळ पाटावर किंवा फ्लॅट सरफेस वर ठेवा त्यावर एक गोळा ठेवा.
वर दुसरी पिशवी ठेवा. मग एखादी फ्लॅट सरफेस वाली वाटी / बारके पातेले घ्या व त्याने वरच्या पिशवीवर दाब द्या. गोळा फ्लॅट झाला पाहिजे.

मग पातेले व वरील पिशवी दूर ठेवा . खालची पिशवी उचलुन चेक्कलु अलगद तेलात सोडा. असेच सर्व करायचे.

अगदी बदामी रंगावर तळून घ्यायचे आहे. जास्त लाल झाले की जरा कडक होईल. तळले पूर्ण गेले पाहिजे पण लाल नाही होता कामा.
काही थोडे फुगतात.

परडीत टिशू घालून त्यावर काढा. गार झाले की एअर टाइट डब्यात ठेवा . गार झाले की लगेच खाता येइल. तीन चार दिवस नक्की टिकेल.

मी काही गोळ्यांची छोटी, छोटी बोरे हातानेच वळली व बदामी रंगावर तळली. चेक्कलु पेक्षा एक कणी जास्त तळली.

एक वेगळ्या प्रकारचा स्नॅक तयार आहे.

हैद्राबादेत ज्युबिली हिल्स च्या आधी फिल्म नगर मध्ये अपोलो हॉस्पिटल आहे. तिथे मागे एका बारक्या टेकडीवर वेंकटेशाचे देउळ आहे. तिथे आम्ही बरेचदा जात असू दर्शनाला. तिथे हे चेक्कलू बनवत असत. मंदिराच्या बेसला मागे गोठा, यज्ञ वेदी, असा सर्व आश्रम टाइप सेट अप होता. जाउन जाउन पंडित ओळखीचा झाला होता. प्रसाद असल्याने फार मागून खाता आले नाही तेव्हा पासून रेसीपी शोधत होते.

संक्रांती साठी खास बनवले जाणारे पदार्थ - आपल्या पारंपारिक दिवाळी फराळ सारखे - आहेत त्यातील हा एक आहे. मिक्षचर, रिबन पकोडा, शेव, गोड पदार्थ दोन तीन प्रकारचे, मुरुक्कु असा पूर्ण सेट आहे. मुंबईत रिबन पकोडा मिळ तो पण त्याच्या शुद्धतेची काही शाश्वती नाही. झोपड पट्टीत बनवलेला असू शकतो. पण डेस्परेशन मध्ये हा पण एक दोन दा घेतलेला आहे. दुधाची तहान ताकावर. एकदा हा पण उरलेल्या तांदुळपिठाचा बनवून बघते, सोपी रेसीपी आहे.

तांदळाच्या पिठाची बोरे १९९१ मध्ये चेन्नईत ट्रेनिन्ग ला गेले होते तेव्हा बारके पाकीट आणून हॉटेलात रुम मध्ये बसून खाल्ली होती. तेव्हा पासून एकदा बनवायची होती. ती कोकोनट ऑइल मध्ये तळलेली होती.