देव्हारा घेण्यासाठी चांगले दुकान सुचवा

Submitted by प्रज्ञा९ on 29 March, 2024 - 10:18

मला सागवानी देव्हारा घ्यायचा आहे. मी पुण्यात बाजीराव रोडवरची दुकानं, शास्त्री रोडवरचं 'देवघर' हे दुकान आणि कुलकर्णी पेट्रोल पंपाजवळचं दुकान बघून आलेय. निलायम पुलाखालची दुकानं बघणार आहे या आठवड्यात.
ओट्यावर ठेवता येईल असा छोटासाच, 1 फुटाच्या आसपास उंच असा घ्यायचाय. मुख्य शंका अशी, की अशा देव्हार्याची साधारण किंमत काय असेल?
3000-4000 इतकी कमी असेल का? मला वाटत नाही. ऑनलाईन बघितल्यावर कन्फ्युजन वाढलंय. 3-4 k ते पार 20-25k रेंज दिसतेय.
या मापाचा चांगला देव्हारा 10000-12000 ला असेल असं वाटतंय.
दुकानाचे पर्याय आणि किमतीचा अंदाज हवा आहे.

विषय: 
धार्मिक-साहित्य
Groups audience: 
माहिती हवी आहे
Group content visibility: 
Use group defaults
शेअर करा

मटेरियल वर आहे.पार्टीकल बोर्ड लाकडी, mdf चे असतील तर स्वस्त असतात.
यांच्याकडे पण एकदा जाऊन बघ.रिव्ह्यू चांगला आहे.
Screenshot_2024-03-29-20-00-48-615_com.android.chrome.jpgScreenshot_2024-03-29-20-00-56-197_com.android.chrome.jpg

Submitted by mi_anu on 29 March, 2024 - 10:33

फेसबुक वर एक घे भरारी नावाचा ग्रुप आहे. तिथे आधीच्या पोस्टी सापडतील देव्हार्‍याबद्दल. उद्योजक आणि ग्राहक यांच्याकरताच आहे तो ग्रुप.

Submitted by मेधा on 29 March, 2024 - 10:51

कसला योग्य वेळेला धागा आलाय. मला घ्यायचाच आहे.
पण अगं असेल एवढी किंमत. कदाचित जास्त पण असेल. मी साधारण ५ वर्षांपूर्वी एक छोटासा देव्हारा घेतला होता तेंव्हा त्याची किंमत साडे तीन हजार होती. देवघर मधूनच घेतलेला.

Submitted by रीया on 29 March, 2024 - 11:07

The query is, sagwan is not so cheap that it will cost 3-4k. But for small unit, it won't even go around 20-25k. So what would be the approximate cost...
My budget is around 12k.
35k onwards is for sisam wood.

Again, we can't even find out which wood is really used. आपण फसलो तरी कळणार नाही कारण त्यातले तज्ञ नसतो आपण. म्हणून जरा माहिती घेतल्याशिवाय खरेदी करू नये असं ठरलं. सागवानीच घेणार नक्की.

Submitted by प्रज्ञा९ on 29 March, 2024 - 12:16

आम्ही शास्त्री रोडवरच्या 'देवघर' या दुकानातुन घेतलाय..... मिडियम साईझ आहे..... ८-१० हजाराच्या आसपास घेतलाय!
निलायम पुलाखाली सेम तश्याच डिझाईनचा किंबहुना त्यापेक्षा मोठा ४-५ हजाराच्या आसपास मिळतो पण क्वालिटीत फरक आहे.

I will recommend to get it from देवघर!!

Submitted by स्वरुप on 29 March, 2024 - 13:35

आम्ही कुलकर्णी पेट्रोलपंपाजवळच्या दुकानातून आणला आहे. किंमत आठवत नाही कारण आई बाबा घेऊन आले होते. आम्हाला हवा होता तसा लहान आणि मुख्य म्हणजे लाकडी मिळाला. स्टील किंवा धातूचा शक्यतो नको होता. त्या दुकानात बरीच व्हरायटी होती असं आई तेव्हा म्हणाल्याचं आठवतय.

Submitted by पराग on 29 March, 2024 - 14:15

चिंचवड च्या हेमंत मधून घेतला आहे ( वर मी अनु ह्यांनी स्क्रीन शॉट टाकलाय त्यापैकी )
मोठा होता त्यामुळे किंमतही दणदणीत होती.
पण इतका आवडलेला की किंमतीचा विचार तेव्हाही नाही आणि आताही नाही वाटत.
Worth it. कारण संपूर्ण सागवानी लाकूड आणि छान कोरीवकाम.
पुण्यातले फार माहीत नाहीत.
पण मध्यंतरी युट्युब वर मंडई जवळील सागवानी देवघर बनवणारे आणि विकणारे असा एक व्हिडिओ पाहिलेला. मराठी व्हिडीओ होता. नाव आता लक्षात नाही. शोधून सापडले तर सांगतो नक्की.

Btw online घेताना त्याच्या क्वालिटी, खात्रीचे लाकूड ह्याविषयी मला तरी शंका वाटेल म्हणून online नव्हता घेतला.

Submitted by झकासराव on 30 March, 2024 - 07:08

थँक्स झकासराव.
'हेमंत' मधे नक्कीच जाणार. घेतला की कळवते इथे. लेकीची परीक्षा आहे, 12 तारखेपर्यंत. मग घेऊ.
(तसा काही संबंध नाही दोन गोष्टींचा, पण तरी एक आपलं म्हणायचं Wink )

Submitted by प्रज्ञा९ on 30 March, 2024 - 11:01

मी साधारण ६-८ महिन्यांपूर्वी निलायम पुलाजवळच्या दुकानांमध्ये गेले होते. तिथे बर्मा टीक लाकूड वापरतात, असं सांगितलं. आकारा बरोबरच नक्षी कामावर किंमत ठरते.

Submitted by अनघा_पुणे on 30 March, 2024 - 11:21