पाक कृती स्पर्धा क्र.३: मिलेटस वापरून व्हेज पुलाव- अश्विनीमामी

मी जन्मभर व्हाइट राइस, गरम पोळी गृप मध्ये जेवत आलेले आहे. त्यामुळे मिलेट्स माझ्यासाठी नवीनच. इतका स्वयंपाक केला त्यात बिर्याण्या पुलाव बासमती वापरून, नाहीतर आंबेमोहोरचा वरण भात, उकड व गरम भाजलेली गव्हाची पोळी, पराठे हे नित्य खाणे. मिश्र मिलेट्स चे पाकीट आणून बरेच दिवस झालेले आज ह्या स्पर्धे मुळे मुहूर्त मिळाला. अँड आय वॉज इन फॉर अ प्लेझंट सरप्राइज.

मी पहिले मिलेट्स भाजून लगेच शिजवणार होते. पण जालावर सर्च केल्या वर ही सर्व धान्ये किमान आठ ते दहा तास भिजत घालून मगच वापरावीत असे कळले. मग एक वाटी भिजत घातले. हे पाण्यात घातल्यावर थोडा कचरा, थोडी हळद असे यलो पाणी निघाले ते फेकून दिले व स्वच्छ पाण्यात भिजत ठेवले.

सकाळी उठून मटार व कॉर्न थॉ करायला ठेवले, बाकी भाज्या कापल्या. घरी आज फ्लॉवर, कांदापात, सिमला मिर्ची होते तेच घेतले.
आता प्रत्यक्ष कृतीला सुरुवात मोरया:

कढईत तेल गरम करून त्यात तेजपत्ता टाकला. मग आले लसूण पेस्ट, भाज्यांचे तुकडे टाकले मध्यम आचे वर परतायचे. त्यातच हळद हिंग व धणे जिरे पाव्डर टाकली. भाज्या स्टर फ्राय करायच्या झाकण नाही ठेवायचे व पाणी नाही घालायचे. चवीला थोडे कमी मीठ घाला. मग हा पॅन उचलून बाजूला ठेवायचा.माझ्याकडे इंडक्षन कुक्टॉप आहे त्यामुळे एका नंतर एक प्रोसेस करावी लागते. नाहीतर साइडला दुस र्‍या गॅस वर पण मिलेट्स शिजवता येतात
.

आता दुसरे भांडे गरम करत ठेवा व त्यात भिजवलेल्या मिलेट्स घाला, ज्यात भिजवले तेच पाणी घालायचे असते पण मी ते टाकून फ्रेश घातले.
भिजवलेल्या मिलेट्स वर किंचित फेस आलेला दिसला. ते सर्व पाणी फेकून दिले - उगीच वास लागायला नको. एक वाटी मिलेट्स ला दीड
वाटी प्रमाण परफेक्ट आहे. मी दोन वाटी पेक्षा थोडे कमी घातले पण ते ही जरा जास्तच वाटले मला. मंद आचेवर मिलेट्स शिजवून घ्यायच्या.
जसे आपण वर्‍याचे तांदूळ शिजवतो तसे. माझा हा पहिलाच अनुभव असल्याने मी सिमिलॅरिटी शोधत होते . मंद आच हे महत्वाचे आहे.
शिजवताना त्यात एक चमचा तूप घाला हे नक्की करा मस्त स्वाद येतो. व किंचीत मीठ. मंद आचे वर सात तेदहा मिनि टात मिलेट्स शिजते
व्यवस्थित.

मग त्यात वरील स्टर फ्राय भाज्या घालून हलक्या हाताने मिसळून घ्या. व मंद आचेवर झाकण ठेवून परत तीन ते पाच मिनिटे ठेवा.

गरम गरम सर्व्ह करा. वरून कोथिंबीर बारीक चिरून घाला. आवडत असल्यास तूप, लिंबाची / लिंबू लोणच्याची फोड द्या. पापड द्या.
माझ्याकडे हिरव्या टॉमाटोची चटणी होती तीच मी घेतली.

फ्रेश व वेगळी चव आहे. मी केलेल्यातला एक तृतियांश ब्रेफा मध्ये खाल्ला व बाकी चा डब्यात आणला. दुपारी एक दीड वाजे परेन्त भुकेची जाणीव पण झालेली नाही. आत्ता लंच केले त्यात गारही मस्त लागला. मावे करायला वेळ झाला नाही. माबोकृपेने नवी रेसीपी हातातून घडली.
मला मधुमेह असल्याने खरेतर भाता ऐवजी मिलेट् खायला आहे. पण इतके दिवस डेअरिन्ग होत नव्हते. धन्यवाद संयोजक.