लेखनस्पर्धा -२ - फिटे अंधाराचे जाळे झाले मोकळे आकाश ..

लोकहो, साधे, सरळ, सुरळीत, अडचणी नसलेले जीवन म्हणजे मिठाशिवाय बनवलेले चवहीन जेवण असते. असे जीवन जगण्यात मजा नसते. आयुष्यात येणारे एक एक अडथळे पार करत, येणाऱ्या कठीण प्रसंगांना सामोरे जात त्यांच्यावर मात करणे हाच सुखी आणि समाधानी जीवनातील एक भाग असतो. परंतु कधी कधी आपल्या आयुष्यात असे काही पेचप्रसंग उभे राहतात ज्याच्यामध्ये आपण पूर्णतः अडकून जातो. त्याच्यातून बाहेर पडायचा प्रयत्न केला तर गुंता अधिकच वाढत जातो. आता यातून आपली सुटका नाही असे वाटून आपण हताश होतो पण तेवढ्यात अशी काही घटना घडते किंवा अशी काही परिस्थिती निर्माण होते ज्याच्यामुळे त्या गुंत्यातील एक एक धागा अलगद सुटायला लागतो. हळू हळू अनपेक्षितरित्या आपण त्यातून बाहेर पडतो आणि सुटकेचा निश्वास सोडतो. अशाच काही प्रसंगाबद्दल तुम्हाला लिहायचे आहे. तुम्ही अशा पेचप्रसंगातून कसे बाहेर पडून मोकळ्या आकाशात श्वास घेतलात ते.

हे वाचतानाच तुमच्या डोक्यात भूतकाळातील गोष्टी तरळल्या असतील. मग वाट कसली बघताय. लेखणी घ्या आणि सुरुवात करा अशा प्रसंगाबद्दल लिहायला.

हि स्पर्धा आहे.

स्पर्धेचे नियम व अटी -
१. 'मायबोली गणेशोत्सव २०२३' या ग्रुपमध्ये नवीन धागा काढून त्यात लेखन करावे. 'मायबोली गणेशोत्सव २०२३' हा ग्रुप १९ सप्टेंबर २०२३ रोजी उघडेल.
२. धाग्याचे नाव लेखन स्पर्धा-२ - फिटे अंधाराचे जाळे झाले मोकळे आकाश ..- मायबोली आयडी किंवा खरे नाव (ऐच्छिक- जर प्रशस्तिपत्रकावर खरे नाव पाहिजे असेल तर ) अशा प्रकारे द्यावे.
६. कोणीही कितीही प्रवेशिका देऊ शकतो.
७. प्रवेशिकेची अंतिम तारीख अमेरिकेतील पश्चिम किनाऱ्यावरील प्रमाणवेळेनुसार (पॅसिफिक टाइमझोन) २८ सप्टेंबर २०२३ रोजी रात्री १२ वाजेपर्यंत (भारतीय वेळेनुसार २९ सप्टेंबर २०२३ दुपारी १२:३० वाजेपर्यंत )

|| गणपती बाप्पा मोरया ||