स्मोकी मलाई चिकन

ही रेसिपी मी इन्स्टा रील्स वगैरे वर दिसलेल्या रेसिपीज चे मिश्रण होऊन बनली आहे. जिन्नस बरेच आहेत असे वाटत असले तरी कमी कष्टात पण अगदी रेस्टॉरन्ट सारखी मस्त चवीची र्रेसिपी आहे. हवी तेवढी माइल्ड किंवा स्पायसी पण बनवता येते. पार्टीला वगैरे न्यायला बेस्ट आयटेम आहे.
चिकन चे पीसेस धुवून (फार मोठे नकोत) कट करून घ्या. मी थाय पीसेस घेतले. ब्रेस्ट पीस पण चालतील.
मलाई वाटण - २-३ हिरव्या मिरच्या, २-३ काड्या कोथिंबीर वाटून घ्या. एकाबोल मधेही हिरवी चटणी, क्रीम , दही हे नीट मिक्स करून घ्या. फार लाड करायचे असल्यास काजू पावडर घाला १-२ चमचे.
आता एक जाड बुडाची कढई गॅस वर मिडियम हाय वर ठेवून त्यात बटर किंवा तेल घालून गरम करा. मी दोन्ही अर्धे अर्धे घेते.
तेलात चमचाभर आले लसुणाची पेस्ट घालून किंचित परता, मग त्यात चिकन, मीठ, तळलेल्या कांद्याचा चुरा, २ चिमूट मिरे पूड, २-३ वेलदोडे कुटून , गरम मसाला, चिली फ्लेक्स ( चवीला माइल्ड हवे असेल तर हे नाही घातले तरीचालतील) घालून चिकन परतून घ्या. चिकन परततानाच आपल्याला पूर्णपणे शिजवायचे आहे. गरज लागल्यास गॅस जरा कमी करा.

चिकन शिजल्यावर आधी केलेली मलाई पेस्ट त्यात घाला. कन्सिस्टन्सी किती घट्ट आवडते त्यानुसार थोडे पाणी घाला आणि झाकण ठेवून उकळी येऊ द्या. १-२ मिनिटात साइड ने तेल सुटायला लागले की वरून थोडि वेल्दोडा पावडर आणि कसुरी मेथी चुरून घाला आणि गॅस बंद करा.
आता बेस्ट पार्ट! म्हणजे स्मोक देणे. बर्‍याच जणांना महित असेल ही प्रोसेस. एक अम्ध्यम आकाराचा कोळसा चिमट्यात धरून गॅस वर धरा. तो नीट सरसरून पेटला की फुंकर घालून एका डावात किंवा स्टील वाटीत किंवा अ‍ॅल्युमिनियम फॉइल च्या द्रोणात ठेवून वरून चमचाभर तूप घाला. लगेच धूर यायला सुरुवात होईल., की ताबडतोब ते कोळश्याचे भांडे. डाव आपल्या रश्श्याच्या कढईत अलगद वरून ठेवा किंवा नुसता धरा आणि झाकण बंद करा. (कोळसा ग्रेवीत बुडवायचा नाहीये)

३-४ मिनिट तो धूर कढईत कोंडला गेला पाहिजे. त्यानंतर तो डाव/ भांडे बाहेर काढा आणि कढईवर झाकण ठेवून ५ मिनिटे रस्सा थोडा मुरु द्या.
या स्मोक चा अतिशय मस्त फ्लेवर रश्श्याला येतो. तर असे स्वादिष्ट स्मोकी, मुलायम मलाई चिकन तयार! नान/ तंदुरी रोटी सोबत खायला घ्या.