स्त्रिया जास्त आनंदी असतात कि पुरूष ?

पुरूष जास्त आनंदी असतात कि स्त्रिया ?
हा प्रश्न खरं तर पडायलाच नको. आपण नेहमी बघतोच कि पुरूषच जास्त आनंदी असतात. पण एकाने व्हॉट्सअ‍ॅपवर एक लेख सोडला होता. त्यात एका सर्व्हेचा उल्लेख केला होता त्यात स्त्रिया आनंदी असतात असे म्हटले होते.
पण आपल्याला माहितीच आहे कि या सर्वे बिर्वे मधे काही दम नसतो. जास्तीत जास्त शंभर एक लोकांना प्रश्न विचारतात आणि काहीही निष्कर्ष काढलेले असतात. त्यामुळे लगेचच दुसर्‍याने त्या ग्रुपवर त्या पोस्टला टॅग करून खाली दुसरी लिंक सोडली होती, ज्यात पुरूष आनंदी असल्याचे म्हटले होते.

मला तरी खालील कारणांमुळे पुरूष आनंदी राहत असावेत असे वाटते.

१. एकच हेअर स्टाईल लाईफ टाईम - आज वेणी कि मोकळे केस , बॉबकट करायचा कि बॉय कट कि स्टेप कट असलं टेन्शन नसतं.
रोजच्या रोज बिनधास्त साबण लावून खसाखसा केस धुतले तरी चालतात. इतक्या दिवसांनी धुवायचे, शांपू लावायचा, मग ड्रायर आणि काय काय असलं काहीही टेन्शन नसतं,

२. कुठल्याही लग्नाला जातानाही पाच मिनिटात तयार होऊ शकतात. बाहेरून कितीही मळून आले तरी पँट तीच ठेवून हात पाय धुवून फक्त शर्ट बदलून खाली जाऊन पीं पीं पीं करायला मोकळे होतात.

३. दहा मिनिटात शॉपिंग करून मोकळे होतात.

४. जेवायला आज करू असलं टेन्शन नसतं. जवळच्या कुठल्याही हॉटेलात जाऊ शकतात.

५. निमंत्रण. दिलं तरच मैत्री असलं काहीही नसतं. बोलावलं नसलं तरी मित्राकडे जाऊ शकतात. आढे वेढे , इगो आड येत नाही.

६. त्यांना एकमेकांना सॉरी म्हणता येतं,

७. ट्रीपला जाताना फक्त एक शर्ट आणि एक पँटवरच भागतं. ओव्हरनाईट साठी जास्तीत जास्त एकच ड्रेस जास्तीचा असतो आणि तो ही बॅगेत कसाही कोंबून बसतो.

८. प्रत्येक सणाला , समारंभाला कपडे घेण्याचं टेन्शन नसतं.

९. दुसर्‍या पुरूषाच्या ड्रेस कडे पाहून दु:ख होत नाही.

१०. दागिन्यांची गरज नसते,

११. मेक अप चं टेन्शन नसतं. झोपेतून उठून पण बाहेर जाऊ शकतात. मी कसा दिसतो हे टेन्शन नसतं...

स्त्रियाच जास्त आनंदी असतात असे वाटत असेल तर त्याचीही कारणे लिहा. पण त्याआधी वरचे खोटे आहे का हे मनाला विचारून पहा,
अजूनही बरीच कारणे असू शकतात.तुम्हाला माहिती असतील तर ती पण सांगा