खेळ: शब्दांचा झब्बू -३ : व्यक्ती विशेषण

Submitted by संयोजक on 18 September, 2021 - 21:34

गेल्या काही गणेशोत्सवांमधे लोकप्रिय झालेला : खेळ शब्दांचा !
आपण नेहमी वेगवेगळ्या प्रकारांचे झब्बू खेळत असतोच. कधी पत्त्यांचा , कधी गाण्यांचा तर कधी म्हणींचा. या वर्षीही आपण खेळणार आहोत शब्दांचा झब्बू. प्रकार सोप्पा आहे एकदम. दररोज एक विषय असेल. त्याला धरून आपण झब्बू खेळायचा आहे. या उपक्रमातून आपण खेळ तर खेळणार आहोतच त्याचबरोबर वापरात असलेले किंवा नसलेले असे मराठी शब्द वापरणार आहोत. काहींना सगळे शब्द माहिती असतील तर काहींना नवीन शब्द कळतील आणि त्यांचा आपल्या दैनंदिन जीवनात उपयोगही करता येईल.
काही नियम :
१) संयोजक दर दोन दिवसांनी एक विषय देतील.
२) त्या विषयावर आधारित पहिला क्लू देतील.
३) तो क्लू वापरून त्या विषयावर आधारित शब्द लिहायचा.
४) जो सगळ्यांत आधी बरोबर शब्द लिहील तो पुढचा क्लू देणार.

आजचा विषय : व्यक्ती विशेषण ( व्यक्ती/पाळीव प्राणी/ नाते संबंधी) यांना वापरायचे विशेषण
उदा. सासू म्हटली की हेच आठवणार
?ष्ट (उत्तर खाष्ट)

हा भामटा अंगात काय घालून येईल आणि कसा फसवेल सांगता येत नाही.
?फं?

विषय: 
उपक्रम
शब्दखुणा: 
मायबोली गणेशोत्सव २०२१
Groups audience: 
मायबोली गणेशोत्सव २०२१
Group content visibility: 
Use group defaults
शेअर करा

बरोबर.

Submitted by मानव पृथ्वीकर on 18 September, 2021 - 23:46

आर्या नाही.
निगरगट्ट म्हणजे डांबरट किंवा निर्लज्ज

Submitted by कुमार१ on 19 September, 2021 - 02:26

<<निगरगट्ट म्हणजे डांबरट किंवा निर्लज्ज<<
हो का! Uhoh आम्ही निगरगट्ट म्हणजे भावना शून्य म्हणून वापरत होतो!भावनाविवश प्रसंगी एखादीच्या डोळ्याला पाणी नाही आलं तर, "काय निगरगट्ट आहे ती! तिला काहीच कस वाटलं नाही"! अस म्हणायचो!

Submitted by मी_आर्या on 19 September, 2021 - 02:33

माझा असा समज होता की :
भावनाशून्य - म्हणजे ज्याला दुसऱयाविषयी जराही पाझर फुटत नाही.
विकारहीन - ज्याला कसलाच विकार, लोभ, उरला नाही - मुक्ती पावलेला, शुद्ध, विरक्त.

चूभूघ्याद्या०

Submitted by गजानन on 19 September, 2021 - 02:54

बरोबर.

Submitted by मानव पृथ्वीकर on 19 September, 2021 - 03:02

शब्दकौमुदीचा वर दिलेला दुवा पाहिला.

माझ्यामते भावना आणि विकार यांच्या अर्थात फरक आहे. सगळ्याच प्रकारच्या भावनांना आपण विकार म्हणत नाही.

वरचे मानवचे उदाहरण घ्यायचे झाले तर भावना हे व्यक्तिचे नाव म्हणून वापरले जाते. विकार नाव ठेवले जात नाही.

विकार:
https://dsal.uchicago.edu/cgi-bin/app/molesworth_query.py?qs=%E0%A4%B5%E...

भावना:
https://dsal.uchicago.edu/cgi-bin/app/molesworth_query.py?qs=%E0%A4%AD%E...

Submitted by गजानन on 19 September, 2021 - 03:27

Pages