शशक पूर्ण करा २ - काटा - ललिता-प्रीति

Submitted by ललिता-प्रीति on 17 September, 2021 - 10:49

गाडीत एकटी, दूरचा प्रवास आणि हवी ती गाणी लावायचं स्वातंत्र्य. आणखी काय हवं वाटत असतानाच समोर लक्ष गेलं आणि तिला ते दृष्य दिसलं...

क्षणार्धात तिनं ॲक्सिलरेटरवरचा पाय काढला. ब्रेक मारत गाडी जरा डावीकडे घेतली. गिअर बदलला. उजवा पाय ब्रेकवर टेकवलेलाच ठेवला. पायांना हलकासा कंप सुटला होता. हात किंचित घामेजायला लागले होते. तिनं आधी खिडकीची काच अर्धी उघडली. उदित नारायणला गप्प केलं. त्या दृष्याकडे पुन्हा नजर टाकत घड्याळ बघितलं. उगीच!

फोन करायचा? कुणाला? त्यानं काय होणार? शी! आधी कसं नाही कळलं आपल्याला?

परत समोरचं दृष्य...
थांबायचं का? की पुढे जात राहायचं?

काहीही केलं तरी पेट्रोलचा काटा E वरून वर सरकणार नव्हताच...

विषय: 
उपक्रम
शब्दखुणा: 
मायबोली गणेशोत्सव २०२१
Groups audience: 
मायबोली गणेशोत्सव २०२१
Group content visibility: 
Public - accessible to all site users
शेअर करा

Proud

भारी जमलेय

आणि एकदाची गाडी इस्टार्ट झाली म्हणायची तुझी इथे Wink

Submitted by कविन on 17 September, 2021 - 10:53

शशक पूर्ण करा २ - याच्या सुरुवातीच्या ओळी संयोजकांनी कुठे दिल्या आहेत ते मला सापडलं नाही. पण इतर काही सदस्यांच्या कथा आल्या, त्या पाहून त्यातली सुरुवात मी उचलली.

Submitted by ललिता-प्रीति on 17 September, 2021 - 11:02

आणि एकदाची गाडी इस्टार्ट झाली म्हणायची तुझी इथे >>> माझ्या डोक्यात शशकची आणखी जरा एक वेळखाऊ कल्पना आहे. पण त्यामुळेच ती वेळेत लिहून होईल की नाही ग्यारंटी नाही. Sad

Submitted by ललिता-प्रीति on 17 September, 2021 - 11:03

मस्त!

Submitted by भास्कराचार्य on 17 September, 2021 - 11:12

माझ्या डोक्यात शशकची आणखी जरा एक वेळखाऊ कल्पना आहे. पण त्यामुळेच ती वेळेत लिहून होईल की नाही ग्यारंटी नाही>> आपल्याला काय वेळेच मोठसं? डोक्याला खाद्य मिळाल्याशी कारण. लिही तू Wink वेळ संपली तर खाजगीत दाखव मला Lol

Submitted by कविन on 17 September, 2021 - 12:07

छान.

Submitted by मानव पृथ्वीकर on 17 September, 2021 - 13:40

Lol झक्कास. आवडलंच!! ह्याबद्दल एक मीम आहे - मी क्वचित प्रेझेंटेशन द्यायचं असलं की वापरते: दोन प्रकारची लोकं असतात-
CarfuelPeople.jpg #फेबुवरचंकुणीतरी

Submitted by Barcelona on 17 September, 2021 - 23:25

सीमंतिनी Lol
त्या मीममधली उजवीकडची मी... आणि as if by rule, डावीकडचा माझा नवरा Biggrin

Submitted by ललिता-प्रीति on 18 September, 2021 - 00:46

मस्तच जमलीये. .
एकदा या अनुभवातून गेले आहे त्यामुळे हे फारच रिलेट झाले.

सिमंतीनी, चित्र छानच आहे. .
ललिता, सेम पिंच. . सेम पिंच. .

Submitted by धनवन्ती on 18 September, 2021 - 01:10