अंजिराची चटणी

सध्या इथे अंजिराचा सिझन एकदम पिक वर आहे (लॉस एंजलिस/ सदर्न कॅलिफोर्निया एरीयात.)
लेट समर ते अर्ली फॉल मधे आमच्या गार्डन मधल अंजिराचं गुणी झाड अगदी भरभरून अंजिरं देतं !

घरी अगदी पोटभर खाऊन , मैत्रीणींना वाटून आणि पक्ष्यांना थोडी खाऊ दिल्यानंतरही दररोज भरभरून अंजिरं येतात.

मग अशा काहीतरी रेसिपीज शोधते.

तर अंजिराच्या चटणीची/अंजिर डिप ची ही रेसिपी :

१. पॅन मधे तेल गरम करायचं, त्यात मोहरी आणि जिरे तडतडून घ्यायचे.
२. टिस्पून बडिशेप +४-५ मेथीदाणे एकत्र छोट्या खलबत्यात कुटून फोडणीत टाकायचे, त्यात हळद हिंग टाकायचे.
३. फोडणीमधे बारीक चिरलेली मिर्ची टाकायची आणि चिरलेला कान्दा मंद आचेवर परतून घ्यायचा.
४. आता चिरलेली अंजिरं टाकून तेलात परतून आणि एकजीव करायची, त्यात रॉकसॉल्ट, जल्जिरा , लोणच्याचा मसाला , १ चमचा लाल तिखट आणि चवी प्रमाणे गूळ टाकून २-३ मिनिटं शिजवायचं, त्यात साधारण अर्धा कप गरम पाणी घालून गॅस बारीक करून दहा मिनिटं शिजवायचं, चटणी तयार !

ही रेसिपी संजीव कपुर रेसिपी वरून इन्स्पायर्ड आहे पण त्यात मी बदल केले त्या वरून केलेले हे माझे व्हर्जन.
मूळ रेसिपी मधे जल्जिरा,लोणच्याचा मसाला , गूळ इ. नाही (त्यांच्या मूळ रेसिपीत फोडणीत कलौंजी आहे, माझ्याकडे नव्हती, लोणच्याच्या मसाल्यात कलौंजी असते असे वाचले होते म्हणून हे बदल केले शिवाय गोड चव बॅलन्स करायला मी जल्जिरा टाकला.
या चटणीची चव थोडी मेथांब्या टाइप लागते

रेसिपीचा मी छोटासा टिकटॉक व्हिडिओ टाकलाय : https://vm.tiktok.com/ZMR6r4xdE/