Index investing

मी गेले काही महिने मी सातत्याने शेअर मार्केट मध्ये वेगवेगळ्या कालावधी साठी गुंतवणूक कशी करावी या विषयी वाचन आणि अभ्यास करत आहे. सगळ्यात अवघड प्रकार म्हणजे वेल्थ क्रिएशनच्या दृष्टीने दीर्घकालीन गुंतवणूक कशी आणि कुठे करावी. त्यासाठी  सर्वात उत्तम मार्ग म्हणजे चांगले  fundamental असलेली कंपनी अभ्यास करून निवडणे आणि त्यात दर महिन्याला काही रक्कम टाकत राहणे. पण स्ट्रॉंग  fundamental असलेली कंपनी निवडणे आणि त्यात उतार चढाव होत असताना संयम बाळगून शांत बसून राहणे हे प्रत्येकाला जमेलच असे नाही.

मग माझ्या सारख्या fundamental analysis चा गंध नसलेल्या माणसाला जे काही पर्याय शिल्लक राहतात त्यातला well known म्हणजे म्युच्युअल फंड. आजमितीला भारतात साधारण  ८६५ म्युच्युअल फंड ( Equity+debt+hybrid, ETFs not included) आहेत. त्यातले फक्त ४९७ फंड्स १० वर्षांपेक्षा जुने आहेत. जर ९ सप्टेंबर २०२० रोजी चा डेटा पाहिला तर गेले दहा वर्षे अस्तित्वात असलेल्या ४९७ फंडस् पैकी फक्त १९० फंडस ने निफ्टी पेक्षा जास्त रिटर्न दिले आहेत. म्हणजे आता परत कोणता म्युच्युअल फंड घ्यायचा याचा सुदधा अभ्यास करणे आले. पण परत एवढे कष्ट माझ्याच्याने होत नाहीत आणि माझ्याकडे तेवढे ज्ञान पण नाही.

यावर काय करता येईल हे शोधत असतानाच मी Nifty Indices ची वेबसाईट पाहात होतो. तो पर्यंत मला निफ्टीच्या broad based indices आणि sectoral  indices विषयी थोडीफार माहिती होती पण strategy indices विषयी काहीच माहिती नव्हती. ती वेबसाईट नीट पाहताना मला लक्षात आले कि त्यातल्या काही इंडेक्सने कित्येक म्युच्युअल फंड पेक्षा आणि निफ्टी ५० सारख्या broad based indices पेक्षा जास्त रिटर्न दिले आहेत. पण आपलया सारख्या  कमी भांडवल असणाऱ्या, SIP करू इच्छिणाऱ्या गुंतवणूकदाराला जर इंडेक्स मध्ये गतवणूक करायची असेल ईंडेक्स फंड किंवा ETF हवेत. पण आजमितीला भारतात इंडेक्स फंड आणि त्यात पण ETF फार कमी आहेत. शिवाय जे फंड आहेत ते मुख्यतः  broad based indices वर आधारित आहेत. Sectoral किंवा thematic फंड फारच कमी आहेत.

हा सगळा अभ्यास मी साधारण जुलै मध्ये केला तेव्हाच्या डेटा नुसार आलेले रिटर्न्स खालील प्रमाणे.

यातील काही इंडेक्स या रीसेंटली लाँच केलेल्या आहेत. पण NSE वर दिलेल्या डेटा नुसार वरील प्रमाणे रिटर्न्स मिळतात.

यातील

1. Nifty FMCG
2. Nifty Consumer Durable Goods
3. Nifty Alpha 50
4. Nifty 100 Alpha 30
5. Nifty Alpha Low Volatility 30

या indicesने सातत्याने  निफ्टी ५०, आणि मार्केट मध्ये उपलब्ध असलेल्या म्युच्युअल फंड पेक्षा जास्त रिटर्न दिलेले आहेत.

या ५ इंडेक्सचे निफ्टी ५० आणि निफ्टी नेक्स्ट ५० यांच्यासोबत तुलना केल्यास फरक लगेच लक्षात येतो.

यातील 1. Nifty FMCG 2. Nifty Consumer Durable Goods या दोन Sectoral indices आहेत. त्या मी थोडावेळ बाजूला ठेऊन फक्त Strategy Indices वर लक्ष केंद्रित केले. कारण त्यात आपल्याला अपेक्षित असे diversification मिळते. त्यांचे गेल्या १५ वर्षातील प्रत्येक वर्षाचे रिटर्न खालील प्रमाणे. यात  Nifty Alpha 50, Nifty 100 Alpha 30 यांचा drawdown जास्त आहे. पण Nifty Alpha Low Volatility 30 हि बऱ्यापैकी स्टेबल इंडेक्स आहे.

ईंडेक्स फंड मध्ये आणि त्यात पण Nifty Alpha 50, Nifty 100 Alpha 3, Nifty Alpha Low Volatility 30यात गुंतवणूक करणे म्युच्युअल फंड पेक्षा जास्त सुरक्षित आहे, असे माझे मत झाले आहे.
पुढच्या भागात आपण Sectoral आणि काही strategic इंडेक्सचे थोडे जास्त विश्लेषण करू.  

मागच्याच महिन्यात ICICI Prudential ने Nifty Alpha Low Volatility 30 वर ETF लाँच करून माझा बराच त्रास वाचवला आहे. त्यात तर मी गुंतवणूक सुरु केलीच आहे आणि आता मी बाकी इंडेक्सवर आधारीत फंड किंवा ETF लाँच वाट बघतोय होण्याची  वाट बघत बसलो आहे.

Why Warren Buffett says index funds are the best investment
https://www.cnbc.com/2018/01/03/why-warren-buffett-says-index-funds-are-...

नोट:- इंडेक्स वरील सर्व analysis , रिटर्न्स  हे १६ जुलै च्या दिवसाअखेर केले आहेत. 

माहितीचा स्रोत:-
https://www.niftyindices.com/ वरील डेटा आणि ईतर माहिती.

Disclaimer:-

मी सेबी प्रमाणित आर्थिक सल्लागार किंवा आर्थिक सल्लागार नाही. माझ्याकडे शेअर मार्केट, आर्थिक गुंतवणुकीसंबंधित काहीही पात्रता नाही. वर लिहिलेली सर्व माहिती एक शेअर मार्केटचा अभ्यास या दृष्टीने केलेली आहेत. वरील सल्ल्यावर विसंबून कोणीही गुंतवणूक करू नये. केल्यास, लेखक जबाबदार नाहीत. कोणत्याही प्रकारची गुंतवणूक करताना आपल्या सेबी प्रमाणित आर्थिक सल्लागाराचा, आर्थिक सल्लागाराचा सल्ला घ्यावा.