हमस आणि फलाफल

हि पाककृती लिहायच्या आधी याबद्दलची थोडी माहिती ...

फलाफल आणि हमस हे दोन्ही काबुली चण्यापासून बनवले जाते .

१९५० च्या सुरवातीच्या काळात Yemeni Jews या लोकांनी फलाफल लोकप्रिय केले . त्यांनी पिटामध्ये (flatbread चा एक प्रकार ) फलाफल घालून विकायला सुरु केले . या सोप्या आणि जलद रेसिपीमुळे, फलाफल Middle ईस्ट मधील सर्वात लोकप्रिय स्ट्रीट फूड बनले .
इस्त्रायली फलाफल सामान्यत: पिटामध्ये फलाफल ,हमस आणि ताहिनी (फक्त तिळापासून बनवलेली पेस्ट) भरून सोबत आपल्या आवडीच्या भाज्या भरून सर्व्ह केले जाते. या भाज्यांमध्ये काकडी ,टोमॅटोपासून बनवलेल्या क्लासिक इस्त्रायली कोशिंबीरपासून ते गाजर, कोबी, तळलेले वांगे , आंब्याच्या लोणच्याचे Sauce, Yemeni hot sauce यांचा समावेश असतो.

हमसच्या उत्पत्तीविषयीची खूप जुन्या चर्चा आहेत . यामध्ये ग्रीक लोक स्वतःचा हक्क सांगतात पण अरब लोकही त्यांच्या दाव्यांमध्ये तितकेच ठाम आहेत. अगदी इस्त्रायलींही हाच दावा करतात . पण सत्य काय आहे हे कोणालाही खरोखर निश्चितपणे माहित नाही. ऐतिहासिक माहितीच्या आधारे, हमसची उत्पत्ती प्राचीन इजिप्तमधून झाली असावी. हमसचा सर्वात प्राचीन उल्लेख 13 व्या शतकात इजिप्तचा आहे.
ऐतिहासिक कागदपत्रांमध्ये एक डिश दर्शविली जाते, जी आपण आज खात असलेल्या हमससारखेच आहे, जे 13 व्या शतकात कैरोमध्ये खाल्ले जात होते .आता हे हमस मूळचे कोठूनही आहे याची पर्वा न करता, हे एक अतिशय स्वादिष्ट deeping आहे जे केवळ ग्रीक आणि मध्य पूर्वच नव्हे तर जगातील बहुतेक सर्व भागांमध्येही चवीने खाल्ले जाते .

(हि सर्व माहिती अंतरजालावरून साभार !!!!)
चला तर आता वळुया पाककृतीकडे ....

२ कप काबुली चणे रात्रभर पाण्यात भिजवा.
(हे प्रमाण हमस आणि फलाफल दोन्ही साठी मिळून आहे )

हमस -
१/२ कप भिजलेले चणे उकडुन घ्या .
१ वाटी तीळ
१ कप ऑलिव्ह ऑइल
३ ते ४ मोठ्या लसूण पाकळ्या
चवीनुसार मीठ
१ लिंबाचा रस
१ चमचा अतिरिक्त ऑलिव्ह ऑइल
१ चमचा मिरची पावडर

फलाफल -
दीड कप भिजवलेले चणे
१/२ चमचा जिरे
१/२ कप कोथिंबीर
२ हिरवी मिरची
१ मध्यम बारीक चिरलेला कांदा
३ ते ४ मोठ्या लसूण पाकळ्या
चवीनुसार मीठ
१/२ वाटी तांदळाचे पीठ
तळण्यासाठी तेल