पोह्याचे कटलेट

कृती - जाडे पोहे दहा मिनिटे भिजवून मग निथळत ठेवावे. तोवर बटाटे उकडून व वरीलप्रमाणे भाज्या वाफवून घ्याव्यात. मग बटाटे वगळता सगळ्या भाज्यांमधील पाणी पिळून लगे हाथ वा मूँह पिऊनही घ्यावं. सूपसारखं लागतं आणि पुढे कटलेट्स तयार करण्यासाठी तरतरीही येते. भाज्या व बटाटे एका भांड्यात वा तसराळ्यात एकत्र मळून घ्यावे. भिजवलेले पोहे त्यात घालून तिखटमीठ, कोथिंबीर, आलेलसूण पेस्ट व मसाला घालून मळून घ्यावे. अर्थात हलक्या हाताने.
छान एकजीव करून मग मर्जीप्रमाणे आकार देऊन टोस्टच्या चुऱ्यात लोळवावे (ओः घोळवावे). तवा गरम करून त्यावर कटलेट च्या मिश्रणाचे तयार आकार ठेवून मग तेलाचा शिडकावा झाला की कटलेट्स मंद आचेवर एका बाजूने खमंग भाजून घ्यावी. मग उलटवून दुसर्‍या बाजूनेही तेलाच्या थेंबांत न्हाऊ घालावीत. मंद आचेवर दहा मिनिटांत तयार होतात.
वरील प्रमाणात मध्यम आकाराची साधारण वीस - बावीस कटलेट्स झाली.
जोडीला टोमॅटो सॉस किंवा अगदीच उत्साहात असाल तर पुदिना चटणी मस्त लागते.
महत्त्वाचं म्हणजे अगदी कमी तेल लागलं. अर्थात मी डीप फ्राय केले नव्हते.