इंग्रजी मालिका/कार्यक्रम

बॅकप घेताना एन्क्रिप्शन आणि की- मॅनेजमेंट चा तिढा सोडवता आला की येईल. पण ती टेस्ट केस कोणी विचारात घेतली असेल असं वाटत नाही.

कोणी धिस इज अस सीझन ४ बघतंय का?
मला जाम बोअर होतंय. एकतर नवीन डझनभर पात्रं आणून भरली आहेत. त्यांच्याशी रिलेट होता येत नाहीये जसं आधीच्यांशी होता येत होतं. मालिकेचा जीव ३ सीझन्सचाच होता असं वाटतंय.

हा खूप इंटरेस्टिंग दिसतोय प्रोग्रॅम. माझे अनेक मित्र आवडीने पाहतात.

प्राईम वरची यंग शेल्डन ही मस्त मालिका आहे.
बिग बँग थिअरी मधल्या शेल्डन च्या तोंडी असलेले रेफरन्स व्यवस्थित जुळवून त्यावर पूर्ण नवी मालिका काढणे हे कठीण काम होते.फ्रेंड्स नंतर जोई सिरीयल निघाली होती. पण ती काही भागात बंद पडली.इथे व्यवस्थित निभावली आहे ती जबाबदारी.
शेल्डन च्या भूमिकेतला मुलगा गोंडस आहे.त्याचं पाठांतर पण सॉलिड.मिमॉ म्हणजे आजी सुंदर आणि हौशी आहे.(मध्ये मध्ये पेनी ची आठवण येते.)
शेल्डन चा बाप, बहीण मिसी सगळे परफेक्ट.
सर्वात कौतुक म्हणजे मोठा भाऊ जॉर्जी चं पात्र.त्याचं सेल्समन टॅलेंट, टायर दुरुस्तीत असलेलं स्किल, मुलींच्या मागे जाणं येऊ सगळं धमाल रंगवलं आहे.
शेल्डन ची धार्मिक आई मेरी, आणि पेस्टर जेफ दोन्ही पात्रं पण.
ही मालिका पाहण्या आधी बिग बँग थिअरी पाहिली असल्यास उत्तम, नसल्यास नवी मालिका म्हणून पण पाहायला चालेल.
मोठा शेल्डन बोलता बोलता 'माझ्या बायकोच्या डिलिव्हरी च्या वेळी' असा संदर्भ देतो एका वेळी, त्यामुळे बिग बँग थिअरी सिझन 13 येण्याची पण एक धूसर शक्यता ओपन ठेवली आहे.

हो मस्त आहे ही. मी सध्या पहिला सीझन पाहतोय.

नेटफ्लिक्सवरच्या Anjaan: Rural Myths आणि Anjaan: Special Crimes Unit पाहिल्यात का कोणी? पैकी पहिली लिमिटेड एपिसोडसची आहे. दुसरीचा सिझन १ च झाला. ह्यात ६५ एपिसोडस होते. आधी डिस्कव्हरी जीत वर ही सिरियल दाखवली जायची म्हणे पण ते चॅनेल बंद झाल्यावर बहुधा नेटफ्लिक्सवर आली. ह्यात रविंद्र महाजनीचा मुलगा गश्मीर आहे. सुपरनॅचरल कथा आहेत दोन्हीत. दुसरीत काही गोष्टींत मानवी गुन्हेगार आहेत. मला दोन्हींचं सादरीकरण खूप आवडलं. पांढरी साडी, पांढरे डोळे वगैरे टाईप्स आह्ट, रात होनेको है ह्या भयाण सिरियल्सच्या मानाने अंजानच्या दोन्ही सिरियल्स फार उजव्या आहेत.

हो मी बघते अंजान. आवडते ही सिरिज.

अंजानची गश्मीरवाली सिरीज मला आवडली. दुसरी पण चांगली आहे तशी. पण नंतर नंतर कंटाळा आला मला.

अंजली_१२, rmd - मस्त वाटलं तुम्हीही ही सिरियल पहाता हे वाचून. माझा Anjaan: Special Crimes Unit चा एकच एपिसोड बाकी आहे बघायचा. मिस करणार मी ही सिरियल.

Anjaan: Special Crimes Unit चा शेवटचा एपिसोड पाहिला. Supernatural मधले काही भाग ह्या सिरियलमध्ये वापरल्यासारखे वाटतात. उदा. The yellow-eyed demon इथे वनराज म्हणुन दाखवलाय.

आता The Mist पहायला सुरुवात केली आहे. ह्याचा चित्रपट आवडला होता. आणखी चांगल्या सुपरनॅचरल सिरिज असतील तर प्लीज सांगा.

@मीरा.
इथे मीरा यांनी मसाबा मसाबा सुचवले होते. मला आवडले .. funny, refreshing and light ... Thanks Meera.

सध्या miss marple बघतेय सोनी लिव वर .
पायरो बघत होतेआ, आता ही चालू केली .

सगळ्यात जास्त काय आवडतय तर ते १९३०-४० मधलं वातावरण.
त्यांचे कपडे , घरे , रहाणीमान , बोलणं - एकदम मस्त वाटतयं
एक छोटसं गाव , जिथे सगळे एकमेकाना ओळखतात , एक छोटसं चर्च, टुमदार घरं , बाजूलाचं जंगल .
एक्दम फील गुड.

झी कॅफेवर १२ ऑक्टोबर पासून लिटल विमेन दाखवणार आहेत.
आमची हर्मायनी ग्रँजर दिसली म्हणजे फिल्म तुकड्या तुकड्यांत दाखवणार आहेत. <<<< हा लिटील विमेन अजिबात बघू नका. वेळ वाया जाईल.

हा वाला (एमा वॅटसन वाला)लिटल वुमेन बघून फार त्रास होईल आधी पुस्तक वाचलं असेल तर.

चौघीजणी वाचवलं नाही? (मनात 'नही' ओरडून कानावर हात) पुस्तक इतकं मस्त आहे आणि वाचवलं नाही तर पिक्चर फ्लअ‍ॅशबॅक आणि फोर्थ चा गोपालकाला आहे तो कसा सहन होणार ?

यावर एक हिंदी मालिका आली होती ना कोणे एके काळी?>>>>
कच्ची धूप.

चौघीजणी पुस्तक बोअर आहे ह्याच्याशी सहम्त. पिक्चर बघणं शक्य नाही. कदाचित बरा असेल पुस्तकापेक्षा पण रिस्क कोण घेईल?

चौघीजणी बोअर आहे म्हणणारे बरेच निघतायत
अरे देवा. जगबुडी.

मी ही उशीरा वाचले बहुतेक चौघीजणी, अति बोअर झाले. काही रिलेटेबल च वाटले नाही . ते "ज्यो, लाडक्या "वगैरे तर अगदी वाचवेना. कदाचित जरा अ‍ॅडलसन्ट एज मधे चांगले वाटत असावे.

मला त्यातल्या मिस मार्च मुलींना ज्या गोष्टी शिकवते त्या आजही रिलेट होतात. फक्त 'आपलं पण जुळायला पाहिजे' चांगल्या मुलांचे लक्ष वेधायला आपण स्वतः नाही ते बनून दिखाऊ बनू नका. आधी स्वतःच्या पायावर उभ्या रहा. स्वतःचे गुण वाढवा. (डेस्पो बनू नका.)
चारही बहिणी आयुष्यात वेगवेगळे विचार, वेगवेगळा दृष्टीकोन ठेवूनही आपल्या आयुष्यात सुखी होतात (बेथ सोडून)
लॉरी चे अचाट रोमान्स चे विचार सोडून त्याला प्रॅक्टिकली समाजात प्रेझेंटेबल,विचारात प्रॅक्टिकल मुलीबरोबर सेटल व्हावं लागतं.
आपले प्रांजल विचार किती मोठी किंमत मोजायला लावणार आहेत हे ज्यो ला उशिरा कळतं.
मेग ला स्वतःच्या संसाराच्या आणि बजेट च्या मर्यादा कळायला लागतात.
मला चौघीजणी इटर्नल वाटतं.

चौघीजणी कधी वाचल याला महत्त्व आहे. मी दहावी नंतर वाचलं तेव्हा खूपच आवडलं.
आता माहिती नाही तेवढच क्लिक होईल का नाही ते.