शॉर्ट टर्म मेमरी लॉस - कम - धांदरटपणा - कम - वेंधळेपणा - प्लस तंद्रीवर उपाय काय?

ऋ भाऊ थायराॅईड चेक करून घ्या. त्यामुळे होतो असा त्रास. आता मी कितीवेळा सांगीतले एकदा कधीतरी स्वजो आणि सईला आणा इथे धाग्यावर. पण विसरता ना.

वरील उपायाने फायदा न झाल्यास तुम्ही शाखा सोडून अमिरला फाॅलो करा. आपला गजनी कट करा. तसेही तुम्ही म्हणता तुमच्या डोक्यावर घनदाट जंगल आहे आहे आणि प्रत्येक वेळी नवीन स्टाईल करता. (पहा तुमचा सिंजि च्या मेन्स फॅशन धाग्यावरील प्रतिसाद )
गजनी कट करून फिरलात तर लोक सहानुभूतीने मदत करतील

पहिल्या हाकेला मी ओ कधीच देत नाही. सतत कसल्याश्या तंद्रीत असतो.
>>>>
ट्रस्ट मी... हा इससू नाही आहे खरच... लॅटरल थिंकिंग वाल्या लोकांचे असे होते. इट्स या गिफ्ट... एकाच वेळी तुम्ही parallel गोष्टी डोक्यात चालू देऊ शकता... अभिनंदन...

एकदाच कधीतरी धागा कसा काढतात ते विसर ना प्लिज

खरेखुरे शाहरुख फॅन आहात. तो शाहरुखही असाच प्रत्येक चित्रपटात काहीतरी विसरतो. माधुरीसोबतच्या कुठल्याशा सिनेमात पँट घालायचे विसरुन तसाच पूर्ण मॉलभर फिरत असतो. शाहरुख भक्ती सोडून आमिरला फॉलो करणे हा वर पाथफाईंडर यांनी सुचविलेला मार्ग (पाथफाईंडर यांनीच मार्ग सुचविणे हा किती समर्पक योगायोग आहे ना?) बरोबर आहे असे वाटते.

मोबाईलची बॅटरी शून्य होते. मी तो चार्जरला जोडतो. तासा दोन तासाने फोनची आठवण होते. पाहतो तर मोबाईल अजूनही झोपलेलाच. काय तर चार्जर नुसताच लावलेला असतो. बटण चालूच केले नसते >>>>> कायम होत हे अस माझ

एकदाच कधीतरी धागा कसा काढतात ते विसर ना प्लिज >>

पहिल्या हाकेला मी ओ कधीच देत नाही. सतत कसल्याश्या तंद्रीत असतो.>>>>

मी तर एकदा बायकोचं आणि माझं "अरे मी बोलत असते तेव्हा तुझं लक्ष कुठे असतं" या विषयावर खूप प्रेम पूर्वक संभाषण झाल्यावर तिला सांगितलं होतं की " मला आधी माझ्या नावाने हाक मारायची, आणि मग मी तुझ्या कडे मान वळवून पाहिले की मग पुढचे वाक्य बोलायचे, बाकी कोणतीही वाक्ये मी तुला सांगितले होते या हेडिंगच्या अंडर चालणार नाहीत. "

कायम मी माझ्या तंद्रीत असतो आणि ही काहीतरी बोलून रिकामी होणार आणि नंतर म्हणणार मी तुला सांगितलं होतं.
आता ती मुलाला, मावशींना, सासूबाईंना, सासर्यांना, दिराला, बोलत आहे की फोनवर बोलत आहे की मला बोलत आहे हे मला कसे कळणार ???? माझा मेंदू माझं नाव ऐकल्याशिवाय कोणाचे आवाज नोटीस करत नाही हा काय माझा प्रॉब्लेम आहे का ?

बायकांना लग्नानंतर पुरुषांशी काय, कधी आणि कसे बोलायचे याचे क्लासेस द्यायला हवेत कोणीतरी !!!!

अरे मस्तच.
मोबाईल चार्जिंगला लावुन बटण चालु न करणे, मधेच मोबाईल हरवला की काय अशी शंका येणे पण तो आपल्याच बॅगेच्या दुसर्‍या कप्प्यात असणे, ऑफिसातुन निघताना पाउस नसेल तर छत्री विसरणे ह्या गोष्टी मी पण बरेचदा करते.
ते मनुका सम्जुन कचरा उचलल्यावर आई किंचाळली आणि घाबरुन कचरा चहाच्या कपात टाकला ते विज्युलाइज करुन खुप हसले.

@बिपीन धन्यवाद
अतरंगी तुम्हालाही धन्यवाद. तुमच्या प्रतिसादातुन मला मार्ग दाखविल्याबद्दल.

हे तर सर्वांच्याच बाबतीत होतं... छोट्या छोट्या गोष्ती विसरतो माणुस ...........

वेंधळेपणावर अलरेडी धागा आहे की. भाग १ आणि २ निघाले एवढे किस्से टाकले होते लोकांनी.

{{{ वेंधळेपणावर अलरेडी धागा आहे की. भाग १ आणि २ निघाले एवढे किस्से टाकले होते लोकांनी. }}}

आधी ह्या विषयावर धागा आहे की नाही हे चेक न करता नवा धागा काढणे म्हणजे स्वतःच्या वेंधळेपणाची कबूलीच की.

तसाही त्यांचा स्वतःचा धागा त्यांना प्रत्येक विषयावर हवा असतो. धागा मिलेनियर बनल्यावर अ‍ॅडमिन त्यांना बक्षीस म्हणून स्वप्नातले घर देतील असा त्यांचा समज दिसतोय.

शरिराची हालचाल आणि डोक्यातले विचार हे ओउट अव फेज आहेत हे निरीक्षण.
उपाय: वरच्या मजल्यावर जिन्याने चढायचे असेल तेव्हा फक्त पुढच्या पायरीकडेच लक्ष ठेवा.

वय कीती रुन्मेष तुझे?
माझा असा अंदाज आहे की तीशीकडे झुकल्यावर मेंदू स्वतःला ऑप्टीमाईज करतो,ती प्रोसेस काही वर्ष चालू राहते त्या काळात विस्मरण होत असावे ,हा माझा व्यक्तीगत अनुभव आहे.
मला सिगारेटचे व्यसन आहे त्याने थोडं हुकल्यासारखं वाटतं,खरतर स्मोकर्सना अल्झामर्स होत नाही असे म्हणतात पण सिगरेटमुळेच मला विस्मरण होते आहे असे वाटते.

घरी टीव्ही बघता बघता चहा बिस्कीट खात असताना बिस्कीटाला चिकटवलेला मनुका किंवा काजू खाली पडतो. मी समोरच्या टीव्हीवरून नजर न हटवता अंदाजानेच मनुका समजून खाली पडलेला कचरा उचलतो. तोंडात टाकणार ईतक्यात आई किंचाळते. मी घाबरतो. आणि वेंधळ्यासारखा घाईघाईत तो चहात टाकतो.>> हे क ह र आहे हं ऋ.
मी वाचल्यापासून वेड्यासारखी हसतेय.

वेंधळेपणा आणि शाॅर्ट टर्म मेमरी लाॅस च्या बाबतीत मी तुझी सख्खी बहिण शोभेन.
गजनी आल्यापासून नवरा मला गजनी / शाॅर्ट टर्म मेमरी लाॅस या नावांनीच हाक मारतो.
सतत विसरणे आणि त्यातच पुन्हा वेंधळेपणा.. कधीकधी लाज वाटते स्वतःचीच पण उपाय सापडला नाही.

मी तर अनेकदा पाण्याचा पंप लावल्यावर विसरून जाते. टाकी भरून वाहून घरामागच्या अंगणात पण पाणीच पाणी होतं. पंप बिचारा बोअरिंगमधलं पाणी संपल्याने बंद पडलेला असतो. मग कुठल्यातरी कामासाठी मागच्या दारी गेल्यावर आठवण होते. मग सगळी कामं सोडून ते पाणी उपसत बसते. अलार्म लावून ठेवला तर तो कशासाठी हे पण विसरायला होतं.

बायकांना कोणी तरी बुलेट पॉईंट्स मध्ये बोलायला शिकवावे हा एक पुरुषांकडून होणाऱ्या वेंधळेपणावर उपाय होऊ शकतो.

कोणतीही गोष्ट सांगताना उगाच लांबड न लावता मोजक्या आणि नेमक्या शब्दात सांगितलं की ते काम लगेच होऊ शकते.

उदा.

येताना आपल्या घराच्या दोन लेन पलीकडे ते किराणा मालाचे दुकान आहे ना, तो कोपऱ्यावर भाजीवाला पण बसतो बघ, आपण मागच्या आठवड्यात त्याच्या कडे गेलो होतो, ते दुकान. तिथून येताना थोडे छोले आणि गरम मसाला घेऊन ये. आई बाबा आले आहेत दुपारी. एवढ्या लांबून बसने आले भर दुपारी त्यात बस स्टँड पासून रिक्षा पण मिळत नाही. एवढ्या अंतराचे तीस रुपये घेतले त्याने. एक काम कर ना येताना कोकम सरबत नाहीतर लिंबू आण मस्त सरबत करू या. आणि लिंबू आणताना जरा रेट विचार आणि मग घे नाही तर मागच्या वेळ सारखे 20 रुपयाला 3 सुकलेले लिंबू आणलेस तसं काही तरी करशील. "

आता या मध्ये चुका होण्याचे किती चान्सेस आहेत....
त्यापेक्षा
1. आई बाबा आलेत.
२. दिवाळीत ऋता भेटली होती त्या दुकानात जा. 250 ग्राम छोले आणि एव्हरेस्ट चा 100 ग्राम मसाला आण.
3. कोकम सरबत ची बाटली आण. कोणताही ब्रँड चालेल.
4. ते नसेल तर चार लिंबू घेऊन ये 5 रुपयाला 2 मिळतील.

इतक्या स्वच्छ सुंदर साध्या स्टेप्स मध्ये सांगितल्यावर कसा काय वेंधळेपणा होईल ??? पण हे बायकांना कधी कळणार ???

बाकी सगळं लक्षात ठेव, फक्त मायबोलीचा युसर नेम पासवर्ड तेव्हढा कायमचा विसर.

कधीतरी दाखवा आम्हा गरीबांना मनुका चिकटवलेले एखादे बिस्कीट..........

बाकी सगळं लक्षात ठेव, फक्त मायबोलीचा युसर नेम पासवर्ड तेव्हढा कायमचा विसर.
Submitted by हिम्सकूल on 5 August, 2017 - 04:40>>>>>>हे असले मानभावी सल्ले द्यायला येता का मायबोलीवर,नीट लिहीता येत नसेल तर लिहू नका.आणि ऋन्मेषचे धागे वाचायची सक्ती केलेली नाही तुम्हाला.

फोनचे बिल भरायला विसरणे याची आमच्या घरात पिढ्यांपिढ्यांची परंपरा आहे. आई, बाबा मी भाऊ सगळे एक सारखेच.

त्यामुळे मी सगळ्या रिमाईंडर सेट केल्या आहेत. त्यात पण फोन चे बिल भरायची शेवटची तारीख 6 आहे त्यामुळे 3 तारखेला एक, 5 तारखेला एक आणि 6 तारखेला एक अशा तीन रिमाईंडर सेट केल्या आहेत. त्यातली एक कोणतीतरी बरोबर वेळ असताना वाजते आणि बिल भरले जाते.

यावर बिल डायरेक्ट अकाउंट मधून कट व्हायचे उपाय कोणी सांगू नका लगेच, माहीत आहे तरी आम्ही वापरत नाही.

रिमाईंडर रिपीट करण्यासाठी वेगवेगळे पर्याय देऊन मोबाईल कॅलेंडर वाल्यानी भलतीच सोय केली आहे.

यावर बिल डायरेक्ट अकाउंट मधून कट व्हायचे उपाय कोणी सांगू नका लगेच, माहीत आहे तरी आम्ही वापरत नाही.>>>>>>>>

वेंधळेपणावर अलरेडी धागा आहे की. भाग १ आणि २ निघाले एवढे किस्से टाकले होते लोकांनी.
>>> असले कंमेंट्स फार दिसतात... आमच्यासारख्या नवीन लोकांना जुने धागे माहीत नसतात.. काय फरक पडतो नवीन धागा आला तर.