मराठी असे आमुची मायबोली!

मराठी असे आमुची मायबोली .

मराठी भाषा दिन पार पडला! एका दिवसाचे जे असंख्य समर्पित दिवस साजरे (?) करण्याचे प्रस्थ , फॅशन सध्या आहे त्यात हा ही एक दिवस!

ह्या वर्षीच्या म भा दिनाच्या संयोजक मंडळात काम करताना ( माझा सहभाग त्यातही किडूक मिडूकच होता) वारंवार काही तरी बोचत होतं. एका दिवसा च्या ऐवजी चार दिवस उपक्रम ठेवले , तरी कार्यक्रम संपल्यावर मराठी भाषा दिन संपला . समारोप!
मदर्स डे ला आईला 'विश' करण्यासारखच झाल .

माधव ज्युलियन यांच्या कवितेत म्हटलय तस,
हिच्या लक्तरांची असे लाज आम्हा
नका फक्त पाहू हिच्या लक्तरां,

पण लक्तरं एका दिवसाच्या उपक्रमानी राजवस्त्र होतील का?

हिची थोर संपत्ति गेली उपेक्षे-
मुळे खोल कालार्णवाच्या तळी

ही उपेक्षा संपणार का? कशी? मराठी शाळांची रोडावणारी संख्या, पुढच्या पिढी बरोबर सैल होत जाणारे मराठीचे बंध, रोजच्या बोलण्यात वाढत जाणारे इतर भाषांतील शब्द. त्याहीपुढे जाउन , विचार करण्याची भाषा बदल्तेय का? अगदी माझ्याही बाबतीत हा बदल मला ठळक जाणावतोय.

मराठी भाषा दिनाचा हा कार्यक्रम एक दरवर्षी होणारा सोहळा ह्यापलिकडे , निरंतर चालू रहाणार्‍या उपक्रमांचा उगम व्हावा अस वाटल.
असे कोणते उपक्रम असावेत ह्याबद्दल काही कल्पना आहेत . पण त्याबद्दल ब्रेन स्टॉर्मिंग ( विचारमंथन , कल्पना विस्फोट) व्हाव म्हणून हा धागा.

मला सुचलेल्या काही कल्पना -
१)विकीपिडीयावर मराठीत लिहिणे ( हे खरतर इथे २०११ च्या मभादिनी सुरू केलेल आहे ) http://www.maayboli.com/node/24419 ह्याच धाग्यात तिथे लिहिले गेलेल्या मराठी लेखांची सुची आहे . कस लिहायच ह्याबाबत सुचना /माहितीही.

२) यंदाच्या शब्दवेध उपक्रमात सुरु केलेला प्रचलीत इंग्रजी शब्दाना चपखल मराठी शब्दां शोध

अजून काही सुचतय तुम्हाला?