ज्वारीची भाकरी

अंजली सुरेख ताट आणि भाकरी.
आमच्या सासरच्या घरच्या भाकर्‍या. आम्ही भाकरीत मीठ घालत नाही. पांढर्‍या शुभ्र भाकर्‍या शाळुच्या होतात.
सासर सांगली जिल्ह्यातल अगदी छोट गाव.

ताटात अंबाडीची भाजी, वांग्याची भाजी, कारळ्याची चटणी ,खरडा,घरच्या लोणची आंब्याच लोणचं,शेंगदाण्याच पळु (हे जनरली अस सुटं दिसत नाही. पण जाऊबाईंनी मिक्सर मध्ये केलय त्यामुळं. आई खलबत्त्यात करते.),डाळीची कैरी ऐवजी घरचे आंबट आवळे घातलेली चटणी आणि दही.

वरच्या बुट्टीला दुरडी म्हणतात. लग्न ठरल्यावर, वास्तु शांती ला वगैरे गारवा द्यायची पद्धत असते. आता डब्यात देतात पण त्यालाही अजुनही दुरडीच म्हणतात.
गावात ही पद्धत इतकी जास्त आहे कि अगदी नविन गॅस घेतला तरी गारवा देतील.
मला वाटत गाव अत्यंत गब्बर आहे, उसाचा तुफ्फान पैसा आहे, बायांना/बापड्याना शेतीची काम जास्त नाहीत (उसामुळ,हेच जर तुर,मका असेल तर शेतीची काम जास्त) त्यामुळ हे सगळ करण्याचा उत्साह दांडगा.
गारव्यात भाकर्या, शेंगदाण्याच्या पोळ्या, पीठल, वांग्याची भाजी, खव्याच्या पोळ्या इत्यादी पदार्थ असतात.
लग्नात गारवा आला कि शेजारच्या पाजारच्या बघण्यासाठी बोलावतात. सगळे डबे मांडून ठेवतात. पाहुणे कसे मिळालेत याची पहिली चुणुक गारवा दाखवतो. थोडक्यात शक्ती प्रदर्शन.

सीमा, स्लर्र्र्र्प..

सीमा चा झब्बु पण भारी

शेंगदाण्याच पळु>> हे नविनच एकलय क्रुती देणे,

प्राजक्ता आम्ही शेंगदाण्याच्या चटणीला पळु म्हणतो आणि मेतकुटाला पळणीट.

गजानन, शिराळ्यात हेच खात असणार कि.

बी..
अहो पानगे म्हणजे गोल असतात.. चपटे गोल डायरेक्ट निखार्‍यात भाजतात ते..

घरी पोळपाटावर थापलेल्या भाकरीपेक्षा हातावरच्या भाकरी जास्त आवडतात..
पोळपाटावर थापलेल्या भाकरीपेक्षा त्या जाड असतात पण गज्जब लागतात..
मला इथल्या तांदळाच्या भाकरी नै आवडत..
कुणास ठाऊक, आधीपासुन तश्या पातळ पांढर्‍या खाऊन नाही म्हणुनही असेल कदाचीत..

कसली भारी कृती आहे! मस्तच. शेवटचा फोटो जबराट आलाय. आत्ता बसून ओरपावसं वाटतंय!
सीमा, तू दिलेला फोटोही भारीच. कुठलं ताट घेऊन जेवू असं झालंय

आमच्याकडे रोजच एक वेळ भाकरी असते.

खेड्यात कण्या करतात..
जाडसर जात्यातुन काढलेलं ज्वारीच पिठ गंजात शिजवतात..सोबत ठेचा आणि बेसन..
मस्त लागतं

पोळपाटावर थापलेल्या भाकरीपेक्षा >>> भाकर काटवटीत थापतात ( अर्थात काटवट आता फारशी कुठे दिसत नाही, त्याला पर्याय परात ).
गारवा इंटरेस्टिंग आहे.

अंजु, ते दही अमेरिकेहून आलेल्या सुनबाईनी वाढलयं त्यामुळं ताटात आहे. वाटीतच पाहिजे.
भाज्यांचा क्रमही चुकलाय.
अमेरिकेच्या सुनबाईंना कागदी प्लेटात , फ्रोजन चपात्या घेवून खायची सवय.

पांढर्‍या शुभ्र भाकर्‍या शाळुच्या होतात.
<<
शाळु अन दादर.

दोन्ही ज्वारीच्या प्रजाती आहेत. शाळु खास हुरड्यासाठीची अन दादर म्हणजे रब्बी हंगामातली ज्वारी.

दीमा , शाळु थोडी लालसर असते ना ?

दुरड भारी! आम्च्या शेजारच्या काकू दुरडित पोळ्या भाकरी ठेवाय्च्या त्यात एक पाढराशुभ्र लाल काड्याचा रुमाल आणी त्यात पोळ्या वर भाकरी असायची,

मालदांडी एक असते तिच्यापण भाकर्‍या खुप मस्त होतात.

गारव्याचे फोटो पाहून पोटात खरंतर भुकेचा आगडोंब उसळला. त्या भाकरी किती सुंदर शुभ्र दिसतायत.

आईची एक खास मैत्रीण कोल्हापूरची आहे, त्या काकू आमच्याकडे काही कार्यक्रम झाला की "गारवा" घेऊन येतात.

अम्जली आणि सीमा मस्त फोटो.

अंजली ,
वॉव , काय मस्तं जमल्यायेत !
सीमा,
झब्बु लय भारी ..
तो पा सु.

मी धपाटेच जास्त खाल्ले भाकरी पेक्षा
<<<

सीमाचा फोटो पण जबरी आहे. सीमा ते कवडी दही कसे जमले हे दहीच्या बाफावर जमेल तेव्हा सान्गशील का? आमच्या दह्याला ( चितळेचे असुनही ) कवडी येतच नाही.

सीमा भाक-या आणि ताटातले सर्व पदार्थ सॉलिड भारी.

माहीतीही छान. गारव्याबद्दल माहीती नव्हतं. माझ्यासाठी नवीन माहीती .

दगडी, मालदांडी, शाळू भाकरीसाठी.
कुचकुची, गुळभेंडी हुरड्यासाठी.>>>> हे सगळे ज्वारीचे प्रकार आहेत की वेगळी धान्यं?

आमच्याकडे एक उजळ रंगाची ज्वारीची टपोरी दाण्यांची जात असते, तिला डुकरी म्हणतात.

आम्हाला कोकणातल्या लोकांना हे ज्वारी बाजरीचं नॉलेज अजिबात नाही. एवढे प्रकार, एवढ्या जाती. मस्तच.

वॉव अंजली!!!