क्लॅम लिंग्विनी पास्ता

पास्ता पाकिटावर दिलेल्या सुचनेनुसार शिजवून घ्या.

मोठ्या आडव्या भांड्यात बटर वितळवून अथवा तेल तापवून त्यात बारीक चिरलेला लसूण घालून थोडा ब्राऊन होऊ द्यावा.

मग त्यावर कुकिंग वाईन घालून गॅस मोठा करून सुमारे ३ - ४ मिनीटे उकळवून घ्यावी. ह्यामुळे वाईनमधील अल्कोहोल बर्‍याच प्रमाणात निघून जाते. (पूर्णपणे जात नाही)

त्यात चिकन ब्रॉथ टाकून उकळी आणावी. व मग अल्फ्रेडो सॉस घालावा.

आता त्यात शिजलेल्या क्लॅम्स घालावे व मीरेपूड, चिली फ्लेक्स, मीठ घालावे.

हे शिजवलेल्या रेडीमेड क्लॅम्सचे पाकिट.

एक उकळी आल्यावर शिजलेला पास्ता घालावा. नीट परतून घ्यावा. कापलेली पार्सले घालावी. पास्ता तयार.

डीश मध्ये काढून घेतल्यावर वरून हवे असल्यास ग्रेटेड चीज टाकू शकता.