जनरल मोटर्स डाएट प्लॅन

काउ, यावर एक भला मोठा धागा आहे माबोवर.
शोधा.
मस्तं माहिती आहे त्यात.

सध्या GM diet प्लान ..पुण्यातल्या (तळेगाव) यूनिट मधे सुद्धा सुरु आहे. feedback उत्तम.

याने वजन खरोखर कमी होते.. आणि पुढच्या १५/२० दिवसात वाढून पूर्वी सारखे होते..

याने वजन खरोखर कमी होते.. आणि पुढच्या १५/२० दिवसात वाढून पूर्वी सारखे होत >>> सहमत. पूर्वी सारखे किंवा त्यापेक्षा जास्त

ह्याने फक्त वॉटर लॉस होतो. नियमित खाणे चालू केले की वजन परत वाढते

आमच्या ऑर्थोपेडिक डॉक्टरांनी हे डाएट अजिबात करु नका असे सांगितले. ह्याने सिस्टिम फ्लश वगैरे न होता उलट स्नायूंवर ताण येतो आणि दुखणी मागे लागतात असे त्यांनी सांगितले.
मी हे डाएट दोनदा केले होते पण तो तद्दन मूर्खपणा होता असे मला वाटते. एकतर त्यावेळेच्या १८-१९ किलो वेटलॉसमध्ये जीएम डाएटच्या काळात फारसे वजन कमी झालेच नाही. ते सहा-आठ महिने सलग आहारावर नियंत्रण केल्यानेच कमी झाले.
त्यानंतर तितक्या प्रमाणात वजन कमी करण्याची गरज सुदैवाने भासली नाही. पण गाफील राहिल्यामुळे दोन-तीन किलो अधूनमधून कमी केले तेव्हा ह्या डाएटच्या वाट्याला गेले नाही.

सिटप्स मारा.. १० चे ३ सेट सुरुवातीला...मग हळूहळू १५, २० , २५ चे सेटस मारा.
किंवा सूर्यनमस्कार ...

काउ शरिराचा व्यायाम वाढवा , आणि तोंडाचा व्यायाम कमी करा , बराच फरक पडेल.

low fat low sugar. अगदी चहा कॉफी सरबत..सगळं बंद. खोबरं, शेंगदाणे, तळलेले पदार्थ बंद. पंजाबी समोसा, बटाटा वडा तर फॅट्सचा बॉम्बच. कधीतरी खायला हरकत नाही. सकाळी नाश्त्याला इडली, पोहे, उपमा, परिमल तांदुळाची आंबिल. पोळी भात कमी करून भाज्या, कोशिम्बिरी, वरण वाढवा. जेवणाचा एक भाग पोळी/भात आणि ३ भाग बाकीचे पदार्थ. रोज पाउण एक तास चालणे. रोज सफरचंद, पेअर, पपई सारखे फळ खाणे. रोज एक ग्लास साय काढलेलं गायीचं दूध पिणे आणि एक वाटी दही खाणे.अळशी भाजून पूड करून रोज १-२ चमचे खाणे. ३ लिटर पाणी. अधे मधे भूक लागल्यास काकडी, टॉमेटो खाणे. पापड लोणच्यासारखे जास्त खारट पदार्थ कधीतरीच खाणे.

भाजी आमटीची फोडणी कमी तेलात खमंग होण्यासाठी कोरड्या कढईत मोहरी घालून भाजणे व त्यावर एक चहाचा चमचा इतकच तेल घालून हिंग, हळद व इतर साहित्य घालणे. मी अशी फोडणी गाजराच्या कोशिम्बिरीला वगैरे करते.

व्यवस्थित पोटभर खाउन एक्सेस फॅट कमी होइल.

भात .... भात बंद करा आधी::राग:

त्याबरोबर माशांचे प्रोटीन घेतात आणि भर्पूर अंगमेहनतीचे कामही करतात हे विसरताय तुम्ही ....

<<काउ शरिराचा व्यायाम वाढवा , आणि तोंडाचा व्यायाम कमी करा , बराच फरक पडेल.>>
------- टायपाच्या बोटान्चा व्यायाम कमी करा असे हवे ना?

आपल्या इथे, विशेषतः महाराष्ट्रात जेवण करण्याच्या अतिशय चूकीच्या पद्धती शिकवितात ज्या पुढे सवयी बनतात. चपाती उजव्या हाताने तोडून तिचा तुकडा बोटांच्या चिमटीत एखाद्या चिमट्यासारखा पकडून त्यात भाजी धरून घास बनवावा आणि तो खावा. यामूळे काय होते की भाजीचा जेवढा हिस्सा आपण एका घासात खाणार आहोत तो चपातीच्या तुकड्याने पूर्णतः झाकला जाईल इतक्या मोठ्या आकारात मोडला जातो. यामुळे जास्त कर्बोदके आपल्या शरीरात जातात आणि इतर घटक अतिशय कमी प्रमाणात. मलाही अशीच सवय होती. मी बोटांना भाजीचा स्पर्शही होणार नाही अशा पद्धतीने तिला चपातीच्या तुकड्यात धरुन, गुंडाळून खात असे. तसेच शक्यतो सुकी भाजीच खात असे. पातळ भाजी अत्यंत नाईलाजाने खावी लागलीच तर तिथेही बोटांना भाजीचा स्पर्श होऊ नये म्हणून चपातीच्या तुकड्याचा आकार अजूनच मोठा ठेवत असे, किंवा मग नुसतेच चपातीचा तुकडा रश्शात बुडवून खात असे. खिचडी खाताना तर अजूनच गंमत होई. वडील चमचा वापरू देत नसत त्यामुळे खिचडी खाताना बोटे भरु नयेत म्हणून मग पापडाचा तुकडा मोडून त्याचा चमचासारखा वापर करून खिचडी खात असे. त्यामुळे ताटलीभर खिचडी खाण्याकरिता तीन पापड खावे लागत. जे अतिशय चूक होते.

खरे तर उत्तर भारतीय (विशेषत: पंजाबी) लोकांप्रमाणे चमच्यांचा वापर करावा. चमच्याने सुकी अथवा पातळ भाजी खात राहावी व मधून मधून चपातीचे बारीक तुकडे खावेत. तसेच पातळ भाजी खाण्यास प्राधान्य द्यावे. सोबत कोशिंबीर, वरण, इत्यादी देखील चमचाने खात राहावे. आता मीही अशीच सवय लावून घेतली आहे. परिणाम अतिशय उत्तम आहे.

खरे तर उत्तर भारतीय (विशेषत: पंजाबी) लोकांप्रमाणे चमच्यांचा वापर करावा. चमच्याने सुकी अथवा पातळ भाजी खात राहावी व मधून मधून चपातीचे बारीक तुकडे खावेत. तसेच पातळ भाजी खाण्यास प्राधान्य द्यावे. सोबत कोशिंबीर, वरण, इत्यादी देखील चमचाने खात राहावे. आता मीही अशीच सवय लावून घेतली आहे. परिणाम अतिशय उत्तम आहे. >>

चांगला मुद्दा आहे.
मी पण अशीच सवय करून घेतलीय.
पूर्वी ताटात भाताचा डोंगर, एवढुश्शी डाळ आणि भाजी खात असे.
चपाती आवडत नाही म्हणून खात नसे.
पूर्वी अ‍ॅक्टिव लाईफ स्टाईलला ते चालून गेलं.
आता मात्रं भाजी/डाळ्/सॅलड्/दही एका चमच्याने खाते आणि चपाती / भात नावाला घेते.
फरक पडतो.
मलाही जेवताना फिंगर टिप्स सोडून बाकी हाताला लागलेलं अज्जिबात चालत नाही.

यामूळे काय होते की भाजीचा जेवढा हिस्सा आपण एका घासात खाणार आहोत तो चपातीच्या तुकड्याने पूर्णतः झाकला जाईल इतक्या मोठ्या आकारात मोडला जातो. यामुळे जास्त कर्बोदके आपल्या शरीरात जातात आणि इतर घटक अतिशय कमी प्रमाणात
>>

हे कस परिणाम घडवत? एकुणात पोळी वेगळी खाल्ली किंवा तुकड्या तुकड्यांनी खाल्ली तरी पोळीत जेवढी कर्बोदके आहेत ती तर जाणारच न पोटात? सगळ जेवण झाल की व्यवस्थित जात असेल की इतर घटक पण?

मुळात असे म्हणायचे आहे की भाजी/आमटीबरोबर तोंडी लावण्यापुरती भात / चपाती खा..

जो डाएट तुम्ही दीर्घकाळ ( ५ ६ महिने) पाळू शकाल, तो करा. आणि एक दीड तास व्यायाम करा.

मुळात असे म्हणायचे आहे की भाजी/आमटीबरोबर तोंडी लावण्यापुरती भात / चपाती खा.
>>

अस आहे का बराय बराय. ज्याला जे जमत ते करा ... पण व्यायाम करा.

तेल - कमीत कमी (घालायचे असेल तर ते वरून कच्चे घालावे )
मसाला/तिखट - चालते.
मीठ - चालते (फक्त रक्तदाबासाठी डॉक्टरने सांगितले असेल तर कमी करावे).

काउ, पहिल्या दिवशीच्या डाएटचा मुख्य उपयोग एक्स्ट्रा सोडिअम लॉस असतो.
तुम्ही कुठलेही फळ मीठ लावून खाऊ नका. कोबीची भाजी हा काय प्रकार मला कळत नाही.
सूप फार चविष्टं प्रकार आहे. मिळतील त्या भाज्या, उदा. कोबी, कांदा, फ्रेंच बीन्स लसूण, आलं सगळं मिळीन कमीत कमी दोन वाट्या घ्या. त्या धुवून बारिक कापून कुकरात दहा वाट्या पाणी घालून एकदा प्रेशर आल्यावर सहा सात मिनीटे ठेवा.
भाज्यांचा क्रंचीनेस पार जायला नको.
मग एका पातेल्यात हे भरून गार करून फ्रिजात ठेवा.
लागेल तसं वाटी वाटी गरम करून घ्या.
या सूपात मीठ पहिल्या एक दोन दिवस घालू नका किंवा अगदी थोडे घाला.

पहिल्या दोन दिवसांच्या डाएटचा मुख्य हेतू एक्स्ट्रा सोडिअम फ्लश ऑट करणे हा असतो.
त्यामुळे पाणी सतत पीत रहा.

ज्या लोकांना सतत चमचमीत खाण्याची, स्नॅकींगची, लोणचं-पापड, हॉटेलचं खाण्याची सवय असते त्यांना पहिल्या दोन दिवसात वजनात प्रचंड फरक जाणवतो.
इथे तुम्ही ओबेसिटी सोडल्यास फिजीकली अदरवाईज फिट आहात हे गृहित धरलेले आहे.
डायबेटिक्स्/हायपरटेंशन्/इस्चिमिक किंवा कोणताही हार्ट डिसीज्/रिनल डिसऑर्डर इ. तुम्हाला नाहीत हे गृहित धरलेले आहे.