हिरव्या मिर्च्यांची भाजी!

तोंपासु. एका माणसाच्या प्रमाणात करून बघणार. पाकृबद्दल धन्यवाद
आशु - लेवांची ऑथेन्टिक पाकृ असेल तर टाक ना इथे/ वेगळ्या धाग्यावर.

मस्त चमचमीत तिखट अन चवदार भाजी. लहानपणी खानदेशी भागात असतांना बर्याचदा हि भाजी खाल्लीय. आणि त्यात आंबटचुका भरपूर घालायचे त्यामुळे ती तिखटजाळ नाही व्हायची. खानदेशी शेवभाजी, मिरचीची भाजी अन सोबत बाजरीच्या भाकऱ्या दर रविवारचा मेनू.

पाकृ दिल्याबद्दल धन्यवाद.

खरंच सांगायचं तर अतीतिखट नाही होत ही भाजी. नेहेमीपेक्षा बर्यापैकी तिखट होते. मात्र मिरचीचा फ्लेवर+ठसका असतोच. मी ही भाजी द्रोणातून पिणारेही पाहिलेत.
कुस्करू कुस्करू हाना! पैकी असते

डाळ, मिरच्या (तुकडे मोडून...वाटून नाही), हिंग, थोडा कच्चा टोमॅटो,शेंगदाणे शिजवून घ्यावे. फोडणी करून त्यात कढीपत्ता, कांदा, आलं, लसूण हे लालसर परतवून घ्यावे. त्यातच खमंग भाजलेलं कोरडं खोब्रं परतावं मग त्यात पालक्/आंबट्चुका वगैरे नरम परतून घ्यावं.
आणि मग वरचं शिजवून घेतलेलं वरण ओतून गरम पाणी ओतावे, खूप कोथिंबीर टाकून भाजी उकळू द्यावी. झालं!

ह्या भाजित व्हेरिएशन्स पण येतात. वरणगावी पद्धतीत, वरच्याच कृतीत फोडणीत अ‍ॅडिशनल भाजलेले दाणे, लसूण, कोथिंबीर, भाजकी मिरची यांची थोडी चटणी घालून बाकी सर्व सेम कृती केली जाते (मग ऑफकोर्स वरणातून शेंगदाणे वगळावे लागतील आणी मिरची पण जर्रा कमी करावी लागेल अकॉर्डिंगली) , ती जबराट लागते...भात असो, नायतर भाकरी.

वरच्या कृतीत १ चमचा धणा पावडर, मीठ, आणि गरम मसाला हे राह्यलं

आम्च्याकडे मिरची आणि तुरडाळ अशी सुकी करतात. तुम्ही वापरल्या त्याच्या २ - ३ पट मिरच्या असतात. अर्थात पोपटी.

नुसती मिरची आणि थोडा शेंगदाण्याचा कुट अशीही एक करतात. यात अख्ख्या मिरचीला उभी चीर देउन ( नकलुन म्हणतात याला ) नेहमीच्या फोडणित ही मिरची आनी कुट टाकुण, पाणि शिपदुन शिजवतात. अहाहा. काय लागतात या भाज्या शिळ्या भाकरी बरोबर

मस्त सोपी रेसीपी!
मिरच्यांची भाजी वर्हाडात फेमसच! मी खाल्लेल्या भाजीत, पालक+चुका+भरप्पूर हिरव्या मिरच्या+लवंगी मिरच्या+शेंगदाणे+खोबरं अशी होती. सॉर्ट ऑफ पातळभाजी टाईप पण मिरच्या म्हण्जे आग नुसती! त्यात त्या हिरव्या पाल्यामुळे अजिबात कळत नाही की भाजी जहाल तिखट असेल ते! पण 'लागते' बेष्ट!>>>> १००+++++
आमच्या कडे अशीच करतात

पाकृ टीपासहित आवडली. करणे शक्य नाही. योकुने दिलेल्या रेशिपीत वांगबी घालत्यात. एका मैत्रिणीने पाठवली होती. चव घेतली व छान झाली सांगितले तिने रेसिपी दिली ती इथे टाकणार होते न करता पणफोटूशिवाय रेसिपी ..बात कुछ हजम नही होती ... आंबटचिका पालक वांग्यामुळे तिखट जाळ होत नाही असे पट्टीचे तिखट खाणारे म्हणतात...

जबरी आहे!! मिनी व्हर्जन करून बघणार..तिखट्या पाहुण्यांना खूश करता येईल.

पाककृतीसाठी आभारी आहे.
१२ मिरच्या नाही टाकु शकत, पण सहा टाकुन नक्की करणार. ते वॉटर्ड डाऊन वर्जन होईल खरे, पण चालतय.

जबराट रेसिपी आहे! ईवलुशी करून बघेन , लेट्स सी .

ही बहुतेक पहिली रेसिपी असेल ज्यावर सगळेजण " रेसिपी करून बघणार नाही " ( अशा अर्थाच्या ) इतक्या प्रतिक्रिया लिहिताहेत

" रेसिपी करून बघणार नाही " ( अशा अर्थाच्या ) इतक्या प्रतिक्रिया लिहिताहेत >> 'करून बघणार' म्हणून पण बरेच प्रतिसाद आहे पण 'करून खाउन बघणार' असं कोणिही म्हणत नाहिये

थोड्याच दिवसात मायबोलीवर 'मूळव्याधीवर उपाय सांगा' हा धागा दिसेल नवी लेखनात

यात थोडा बदल.... साध्या हिरव्या मिरच्यां ऐवजी काळ्पट हिरव्या छोट्या लवंगी मिरच्या वापरतात. जहाल तिखट भाजी होते. जेवताना लोक टॉवेल घेऊन बसतात घाम पुसायला.... हात रुमाल पुरत नाही.
ही भाजी मी खांदेशात , वर्हाडात आणि विधर्भात सगळी कडे खाल्ली आहे. पण मलकापुरला मित्राच्या घरी खाल्लेली सगळ्यात जास्त आवडली होती आणि सगळ्यात जास्त तिखटपण.
ही भाजी थंडीच्या दिवसात करतात जेणेकरुन त्रास कमी होतो.

नाशिकच्या नणंदेचा किंवा मैत्रीणीचा पत्ता देणे वर्जिनल टेस्ट घेऊन येते!
भाजी इंटरेस्टिंग वाटते आहे पण इतक्या मिरच्या एकावेळी हातातून सुटनार नाहीत! ५ ते ६ मिरच्या घालून केली तर चालेल का?

मंजूडी

त्यात त्या हिरव्या पाल्यामुळे अजिबात कळत नाही की भाजी जहाल तिखट असेल ते! पण 'लागते' बेष्ट! >>> हे वाचल्यावर मी 'कुठे ?' असं विचारायचा मोह टाळला मघाशी

मै, पण ती तेलाचा तवंग आलेली भाजी इतकी मस्त दिसतेय ना. सध्या थंडीही भरपूर त्यामुळे करुन पाहायला हवी ( माईल्ड व्हर्जन अर्थात )

तिखट न जास्त नको असेल तर भाजी वर थोड कच्च तेल लिम्बु टाकून पण खातात. लवन्गि मिरची चवीला जास्त छान लागते.

ओय, ते वॉटरडाऊन व्हर्जन वाल्यांनी 'अधिक टीपा' वाचल्या नाहीत का?

<<झाकण उघडताच कदाचित मिर्चीच्या वासाने फटाफट शिंका/ ठसका येऊ शकतात>>
खाणे आणि करणे होणारच नाही

बारा गावचं पाणी प्यायलाय ऐवजी नवीन वाक्प्रचार सुरू करावा लागेल. बारा मिरच्यांची भाजी खाल्लीय..

डाळ गन्डोरीच म्हणतात याला... लेवा पाटील समाज जळगाव जिल्ह्यातला.

Thanks for the recipe. Made it for dinner. Yummy !

करून खाऊन बघणार. मै मिरच्या बारक्या अती तिखट वापरल्या का थोड्या जाड्या असतात त्या? मिरच्या वाटून घेतल्यावर चित्रात मिरचीचा तुकडा दिसतोय म्हणजे फोडणीत परत मिरची घालायची की काय???

थुफो पाकृ आहे. फारच आवडली.

बाटलीभर पेप्टोबिस्मॉल पिऊ, पण डाळगन्डोरी खाऊ! जय महाराष्ट्र!

खाणार्‍यांचे दुसर्‍या दिवशी काय होते ते लिहीले नाही..

रेसिपी पाहूनच मला अ‍ॅसिडिटी होतेय
ही अशी नाही, पण लवंगी छोट्या मिरच्या, ज्या अतिजहाल तिखट असतात, त्यांची भाजी आमच्या घरी विदर्भात खास बाबा नि काकांसाठी केली जायची. मिरच्या चिरून, फोडणीला टाकून त्या शिजल्या की बेसन लावून वाफ आणली जात असे. नि मग भाकरीबरोबर खायची. मिरच्यांचा झुणका म्हटलं तरी चालेल. महाभयंकर तिखट.

बाकी रेसिपी मस्तय मैत्रेयी.