सांडगे (भेंडी + गवार)

गवार, भेंडी स्वच्छ धुवुन, पुसुन घ्या... गवारी च्या शेंगाचे देठ खुडुन एका शेंगेचे दोन तुकडे असे प्रतेकी करुन (वीळीने चिरल्या तरी चालतील) मिक्सर मधुन भगराळ गिरवुन घ्या... प्रत्येक घाण्यात थोडया शेंगा दिसल्या पाहिजेत...
आता भेंडी जशी भाजीला चिरतो तशीच चिरायची.. पहीला घाणा गिरवतांनाच ५, ६ मिरच्या घालुन भेडी
बारिक गिरवुन घ्या. चांगला लगदा तयार झाला पाहिजे.. उरलेली भेंडी मात्र जाडसर गिरवायची...

सगळे गिरवलेले जिन्नस परातीत काढुन घ्या... त्यात जीरं, धणे पुड, मिठ घालुन व्यवस्थीत कालवुन घ्या.
ताटाला तेल लावुन त्यावर मोठे वडे टाकावेत, ताटावरच त्याला आकार दयावा,(पातळ/ चपटे नको, मोठे फुगीर हवेत+ हातावर सांडगा घालु नये)३,४ तासानी सराटयानी उलथवुन दुसर्‍या बाजुने उन दाखवावे... दुसर्‍या दिवशी सांडगे बर्‍यापैकी वाळ्लेले असतात ते परातीत काढुन दिवस भर उन दाखवावे... चांगले वाळले की बंद डब्यात ठेवावे..

तळतांना मात्र तेल चांगले गरम झाले की गॅस बंद करुन द्यावा आणि मग एक एक सांडगा तळुन काढावा... (सांडगा नाजुक असतो म्हणुन लवकर जळायची भीती असते)