रवा-काजू बर्फी (फोटोसहीत)

रवा+साखर+दूध+तूप पातेल्यात एकत्र करून दीड तास ठेवावे. नंतर कढईत एकत्र करून गॅस वर मंद आचेवर सतत ढवळत राहावे. सुरुवातीला खूप तूप कडेने दिसेल

पण साधारण १५ मिनिटांनी तूप एकत्र होऊन मिश्रण घट्टसर' व्हायला सुरुवात होते .
जसजसे मिश्रण घट्ट होईल तसतसे बाजूने साखर दिसायला लागेल. समजा साखर दिसली नाही तरी साधारण २०-२५ मिनिटांनी मिश्रण घट्टसर होईल पण गोळा नाही होणार. नंतर गॅस वरून खाली काढून घट्ट मिश्रणात मिल्क पावडर,रंग आणि इसेन्स घालून पुन्हा नीट एकत्र करावे.
ताटाला तूप लावून गोळा थापावा.
हा गोळा गरम असतानाच थापावा लागतो त्यामुळे हातात प्लास्टिक ची पिशवी घालून थापावा,त्यावर लगेच काजूची पूड पसरवावी आणि परत थापावे म्हणजे पूड थोडी आत जाईल आणि मिश्रण आळून येईल. थोडे गार झाल्यावर वाटीच्या तळाने लेव्हलिंग करून घ्यावे आणि अर्ध्या-एक तासाने वड्या पाडाव्यात!