विवाह (सप्तमस्थान )

पण कोणी तसे विचारायला येत नाही. >> स्वतः बद्दल नाही हो विचारू हा प्रश्न पण ज्याच्याशी आपण लग्न करणार तो नवरा पुढे जाऊन कोणाशी लिव्ह-इन केल मग? त्याच्या पत्रिकेत हा योग आहे का हे आई-वडिलांनी नको तपासायला मुलीच्या? निदान ज्योतिष लोकांनी सांगायला नको का?

अपर्णा,

तुमच्या शंकेचे निरसन करण्याचा हा प्रयत्न.

खाली दिलेल्या आकृतीत कुंडलीच्या घरांमध्ये जे आकडे दिले आहेत, ते आकडे त्या स्थानांचा क्रमांक दर्शवतात. क्र. १ चे घर म्हणजे प्रथम स्थान वगैरे.

सर्वसाधारण कुंडल्यांमध्येही असे आकडे टाकलेले असतात, जे त्या त्या स्थानांतील राशीचा क्रमांक दाखवतात.

मेष लग्न(राशी नं १) च्या पत्रिकेतील क्रमांक वर दिलेल्या पत्रिकेनुसार असतील, किंबहुना वर दिलेली पत्रिका मेष लग्नाची आहे असे म्हणू शकाल.

प्रत्येक राशीचा एक ग्रह स्वामी असतो. ती राशी ज्या घरात, त्या स्थानाचा तो ग्रह अधिपती मानला जातो.

या मेष लग्नाच्या पत्रिकेत सप्तम स्थानात ७ वी रास म्हणजे तुळ रास येते, तुळेचा स्वामी शुक्र म्हणजे इथे सप्तमेश शुक्र.

मकर लग्नाच्या पत्रिकेत, सप्तम स्थानात ४ हा आकडा असेल, म्हणजेच कर्क रास असेल. तिचा स्वामी चंद्र म्हणून मकर लग्नाच्या पत्रिकेत सप्तमेश चंद्र

^^^
मकर लग्नाच्या पत्रिकेत सप्तमात कर्क रास येते. सिंह नव्हे.
मकर लग्नाला सप्तमेश चंद्र आहे.

लेख अजिबात समजला नाही, इतकेच लिहायचे साहस केले याबद्दल क्षमस्व! तुमच्या ज्ञानाला मात्र मनापासून सलाम!

श्रुति,

चुक लक्षात आणून देण्यासाठी धन्यवाद! मी प्रतिसाद दुरुस्त केलाय आता.

गमभन, थँक्यू . आता कळलं मला.

पण कोणी तसे विचारायला येत नाही. >> स्वतः बद्दल नाही हो विचारू हा प्रश्न पण ज्याच्याशी आपण लग्न करणार तो नवरा पुढे जाऊन कोणाशी लिव्ह-इन केल मग? त्याच्या पत्रिकेत हा योग आहे का हे आई-वडिलांनी नको तपासायला मुलीच्या? निदान ज्योतिष लोकांनी सांगायला नको का?>>>>

ह्यालाच तर पत्रिका "जुळवणे" म्हणतात. एखाद्या मुलाची पत्रिका मुलीशी जुळत नाही ह्याचाच अर्थ त्या पत्रिकेत काहीतर गोम असते. प्रत्येक ज्योतिषाने जर खरं उत्तर दिलं तर अनेक प्रश्न सुटतिल.

माझ्या कडे लग्न जमवायला ज्या पत्रिका येतात, त्यांचा मी पूर्ण अभ्यास करते. नुसते गुण जुळवुन थांबत नाही किंवा पत्रिका मेलन पण करत नाही तर पुर्ण पत्रिकेचा अभ्यास करते. एक उदाहरण

मुलीच्या अष्टमात किंवा सप्तमात मंगळ होता. बर्‍याच ज्योतिषांनी ही पत्रिका रिजेक्ट केली. कारण अष्टमातला मंगळ म्हणजे वैधव्य, पती अकाली जाणे. पण नुसते असे करुन भागत नाही. मुलगा जर दिर्घायुषी असेल तर काहीही फरक पडत नाही. तिचे लग्न जुळवताना दिर्घायुषी मुलगा पहाणे आवष्यक. असा मुलगा मिळाला. लग्न झाले. ४० वर्षांच्या वैवाहिक जीवना नंतर तो नवरा वयाच्या ७०व्या वर्षी मेला. म्हणजे वैधव्य योग होता पण त्या मुळे नवरा अकाली वा स्वतःचं आयुष्य भोगल्याशिवाय मेला नाही. तो त्याचं आयुष्य भोगुन्/जगुनच मेला. त्याच बरोबर तिच्या नशीबातलं वैधव्य गेलं नाही. वयाच्या ६८ व्या वर्षी का होइना तीला ती अनुभुती आलीच...

(हे उदाहरण अगदी जवळच्या नातेवाईकांचं आहे. मी अभ्यास केल्यावर मला उलगडा झाला)

असे अनेक पदर लग्न करताना तपासावे लागतात. मुलीच्या पत्रिकेत मुल होताना प्रचंड त्रास होता किंवा मूल न होण्याचेही चान्सेस होते. पण नवर्‍याची पत्रिका अशी आहे की १००% मुल होणारच. त्याच प्रमाणे लग्ना नंतर त्य मुलीला ४ वर्षांनी मुलगी झाली खुप त्रास होवुन. पण झाली. नवर्‍याच्या पत्रिकेत सुध्धा जर मुलाचे चान्सेस कमी असते तर मात्र संतती योग खडतर होता.

ह्यालाच पत्रिका मेलन म्हणतात....

अन्विता, मोकिमी आणि गमभन छान माहिती देत आहात.

प्रथम स्थानातील ग्रहांची दृष्टी सप्तम स्थानावर पडते व कशी याची माहिती देऊ शकाल काय?

प्रत्येक ग्रहाला त्याची स्वतःची द्रुष्टी असते. प्रत्येकाला ७वी द्रुष्टी असतेच.... जो ग्रह प्रथमात असेल त्याची नॅचरली ७व्या स्थाना वर द्रुष्टी असणारच....

शुक्र आणि चंद्र हे शुभ ग्रह मानले जातात. गुरु बुध हे सम म्हणजेच शुभ नाही की अशुभ नाही. या शिवाय शनी आणि मंगळ हे अशुभ मानले जातात. शुभ ग्रहांची द्रुष्टी शुभ मानली जाते तसेच अशुभ ग्रहांची अशुभ मानली जाते. तसे राहु आणि केतु हे देखील अशुभ ग्रह मानले जातात पण त्यांना द्रुष्टी असते की नसते यावर खास अनुभव नाही म्हणुन उल्लेख केला नाही. गुरु, शनी, मंगळ यांना काही विशेष द्रुष्टी असतात.

छान समजावले मोकिमी.. ज्योतिष हा विषय खुपच इंटरेस्टींग आहे.

माझा भगवंतावर अढळ विश्वास आहे त्यामुळे कुंडली वगैरेंच्या वाटेला कधी जातच नाही आणि जायची शक्यताही नाही. तरी एकंदरीतच कुंडली सिरीज मध्ये जे विश्लेषण अन्विता, मोकिमी आणि गमभन देत आहेत ते खूप चांगल्या प्रकारचं, अगदी ह्या विषयात 'ढ' (माझ्यासारखं) असलेल्यालाही काहीतरी अंदाज येईल असं आहे.

वरचं वाचून सहजच मनात आलं ते विचारतेय. जास्त विचारणार नाही

१) प्रत्येक ग्रह त्याच्या पुढे सात घरं असलेल्या स्थानाकडे बघतो का?

२) शनि, मंगळ, गुरु ह्यांना एकाहून जास्त दृष्टी असते म्हणजे ते एकाच वेळेला त्यांच्यापासून सातव्या (बाय डिफॉल्ट) आणि अजूनही जास्त ठिकाणी बघतात का? मला हे वाचून बुद्धीबळातली प्यादी, उंट, घोडे, हत्ती वगैरे जसं विशिष्ट प्रकारे चालतात तेच आठवतंय.

३) ज्योतिष ह्या विषयात अत्यंत सखोल अभ्यास आणि गाढा अनुभव असल्याशिवाय केलेले तर्क चुकीचे ठरल्यास नवल नाही. कारण नुकतेच आलेले बाफ बघून, पाठ्यपुस्तक वाचून दिलेल्या प्रश्नांची उत्तरे लिहावीत एवढे सरळ अनुमान काढता येत नसावे असे वाटते.

४) ही ग्रहांची नावं म्हणजे आकाशातल्या भौतिक ग्रहांची असली तरी ते तेच ग्रह नसावेत. हा प्रत्येक ग्रह (मग रवी हा प्रत्यक्षात तारा असला, राहू केतू ह्या फक्त संज्ञा असल्या तरी...) म्हणजे इंटर्नेटवर जश्या साईट्स असतात, त्यांचा काहीतरी पत्ता असतो, त्यात काहीतरी स्पेसिफिक इन्फॉर्मेशन असते तसं काहितरी वाटतंय. म्हणजे कुंडलीचा आराखडा आणि त्यात प्लेस केले गेलेले ग्रह हे त्या व्यक्तीने ह्या जन्मात येताना काय पुंजी सोबत आणली आहे त्याचा आराखडा असावा. सर्वबाजूंनी आणि सखोल अभ्यास केलेल्या व्यक्तीकडून ह्या आराखड्याचा अंदाज (केवळ अंदाजच) घेऊन त्यानुसार माणूस स्वतःची बुद्धी, परिश्रम, अनुभव आणि श्रद्धावानांच्या बाबतीत श्रद्धा घेऊन पुढे जायचा प्रयास करत असावा. अर्धवट अभ्यास आणि अत्यल्प अनुभव असलेल्या व्यक्तींनी काही तर्क केले तर त्यावरच अवलंबून राहणार्‍या व्यक्तींनी पुढे घ्यायच्या स्टेप्सही चुकीच्या ठरु शकतात.

तुम्ही खूप मनापासून आणि सोप्या भाषेत (लेख कळला नाही, पण प्रतिसादांमध्ये लिहिलेलं जरा कळतंय) ह्या विषयावर लिहिताय.... शुभेच्छा

धन्यवाद अन्विता