पत्रिकेवरुन स्त्री कि पुरुष?

पत्रिकेवरुन व्यक्ती स्री की पुरुष ओळखा, जिवंत कि मृत ओळखा हे आव्हान डॉ अब्राहम कोवूर या भारतात जन्मलेल्या व श्रीलंकेत स्थायिक असलेल्या बुद्धीप्रामाण्यवादी चळवळीचा जनक असलेल्या माणसाने जगभरात जाहीर दिले होते.अंधश्रद्धा निर्मुलन समितीने तीच परंपरा आजही पुढे चालू ठेवली आहे.आज ते आव्हान २१ लाखांचे आहे.अजून कोणत्याही ज्योतिषाने हे आव्हान स्वीकारले नाही.काही ज्योतिषांना हे आव्हान स्वीकारता येत नाही याची खंत आहे.

जर कोणी अनिसचे कार्यकर्ते असतील तर त्यांनी महाराष्ट्र ज्योतिष परिषद आणि अनिस यांच्यातला पत्रव्यवहार उघड करावा. महाराष्ट्र ज्योतिष परिषदेने हे आव्हान काही वर्षांपुर्वी काही अटी घालुन स्विकारले आहे.

या अटींवर अनिस ने गुळणी धरली आहे.

वाद विवाद करण्याची ही जागाही नाही आणि धागा ही नाही.

>>> त्यांचा फोन नं ही मिळाला आहे हा घ्या 9320719190<<<<

प्रकाशजी, हे जर पब्लीक रेकॉर्ड असेल तर म्हणजे हा नंबर आधिच जाहीररित्या प्रकाशित केला गेला असेल तर ठीक पण हा नंबर खासगी ठेवला असेल व काही निवड्क लोकांनाच दिला जात असेल तर मात्र काही चूक आहे.

तुम्हाला तो नंबर कदाचित साक्षात श्री श्री. श्री, भटांनीच दिला असेल असे असले तरी केवळ तुम्हाला तो नंबर माहीती आहे म्हणून फोनधारकाच्या परवानगी शिवाय तो जाहीर करणे, हे एखाद्याच्या खासगी गोष्टि उघड केल्या सारखे आहे, भारतात हे चालते, लोक तेव्ह्ढे गांभिर्याने घेत नाहीत ,कायदेकानूही तेव्हढे सक्षम नाहीत पण परदेशात असे कृत्य हा एक दखलपात्र गुन्हा होऊ शकतो. (ईमेल अ‍ॅड्रेस, रहिवासाचा पत्ता, अशा वरकरणी साध्या वाटणार्‍या गोष्टीही यात मोडतात).

>>>सुहास जी ही माहिती जाहिर आहे. धनुर्धारी मासिकात त्यांच्या लेखाखाली त्यांचे नाव पत्ता फोन नं ही माहिती प्रत्येक वेळी दिली असते.<<<

प्रकाशजी तुम्ही म्हणता तशी ही माहीती आधि पासूनच जाहीर (पब्लीक) असेल तर काही हरकत नाही, आणि तसे डिसक्लेमर मी माझ्या पोस्ट्च्या पहिल्याच वाक्यात टाकले होते.

खासगी माहीती उघड झाली तर या माहीतीचा कोण कसा दुरुपयोग करेल आणि कोणाला कसा व काय त्रास होऊ शकेल हे सांगता येणार नाही. ,आपण ते ठरवू शकत नाही . टेली मार्केटिंग वाले हा असा दुरुपयोग करतात हा आपला सर्वांचा रोजचा अनुभव आहे, 'गुगल' सारखी प्रतिष्ठीत (?) संस्था आपल्या 'सर्च' या खासगी गोष्टीचा किती चुकीच्या मार्गाने उपयोग करत आहे हे ही आपण पाहतो अनुभवतो आहोतच,

तेव्हा लोकांच्या सदसदविवेकबुद्धी वर न विसंबता होता होईतो आपल्या खासगी माहीतीचे संरक्षण करणे हिताचे आणि हे करताना कळतनकळत आपण दुसर्‍याची खासगी माहीती उघड करु नये हे ही ओघानेच आले.

मी परदेशात बरिच वर्षे वास्तव्य केले. आहे आणि 'आयडेंटीटी थेफ़्ट' या गंभिर गुन्ह्याची तयारी अशी खासगी माहीती गोळा करण्यातून होते हे मी बघितले आहे.

बाकि कोणाची माहीती उघड करायची , मुळात हेकृत्य माहीती उघड करणे असे आहे का , त्या व्यक्तीला ते हवेच होते इ. अंगाने आपण जे काही लिहले आहे ते आपले मत आहे, त्याबद्दल मला काही आक्षेप नाही, ते तुम्ही आणि ती संबघित व्यक्ती जाणे.

आपला अनुभव चांगला असेल पण सगळ्यांनाच चांगला अनुभव येईल असे नाही, आपल्या हातून कळत नकळत असे काही होऊ शकते आणी कदाचित त्याचे गंभिर परिणाम होऊ शकतात हे बर्‍याच जणांना माहीती नसते असा माझा अनुभव आहे म्हणून हा पंक्तीप्रपंच , आपल्याला दुखावण्याचा , टोचण्याचा हेतू नव्हता.

मला वाटते हा विषय आपण ईथेच थांबवूया , नाही तर व्हायचे काय मूळ चर्चेचा विषय बाजूला पडायचा आणी याच्यावरच रणधुमाळी !

तर मंड्ळी चर्चा पुढे चालू ठेऊया,विषय आहे: जन्मपत्रिके वरून स्त्री का पुरुष?

>>> किती सर्वसामान्य लोकांना अस वाटत की खर्‍या ज्योतिषाला पत्रिकेवरुन स्त्री की पुरुष, जिवंत की मृत हे सांगता यायला हवे? <<<<
माफ करा प्रकाशराव, पण मी एक ज्योतिषी म्हणून माझ्याकडे, स्वतःची /पोराबाळांची/बायकोची वगैरे कुंडली दाखवायला येणार्या लोकांना ते स्वतः/पोरेबाळे/बायको हे सर्व स्त्री की पुरुष, जिवंतहेत की मेलेत असे प्रश्न "ज्योतिषाकडून" कुंडलीद्वारे सोडवुन घ्यावेसे वाटत नाहीत, की नाही त्यांचे/त्यांच्या पोराबाळांचे/त्यांच्या बायकोचे लिंग काय आहे अन ते जिवंत आहेत की मेलेलेत हे कुंडलीवरुन जाणुन घ्यायची गरज पडत... , आजवर तरी असा अनुभव सामान्य लोकांकडून नाही आलाय.

तशा प्रकारची आव्हाने देण्याची (बे)अक्कल फक्त अन्निस/बुप्रा वाल्यांचीच असू श़कते....
हां, आता "माझे पती सौभाग्यवती" वगैरे टाईपच्या सेरियल्स जास्त बघण्यात आल्या असल्यास कुणा सोमागोम्यालाही हा प्रश्न पडू शकतो हे मला मान्य बर्का....

किती दिवस धागा वर ठेवणे अपेक्षित आहे तुम्हाला?

प्रकाशजी, प्रश्न फार ट्रीकी आहे. ट्रीकी म्हणजे खवचट, खोडसाळ ह्या अर्थी.

सामान्य लोकांना म्हणजे कोणाला? त्यांच्या वाटण्याने नक्की काय सिद्ध होईल? समजा ९० टक्के लोकांना असं वाटलं की जोतिषाला सांगता यायला पाहिजे तर पुढे काय?

कुंडलीवरुन स्त्रीपुरूष-जीवंतमृत सांगणे तेवढेच निरर्थक आहे जेवढे मार्कशीटवरुन कोणत्या कंपनीत नोकरी मिळेल हे सांगणे. बाकी ज्यांचे प्रश्न जेन्युइन असतात त्यांना उत्तरे मिळतात. परिक्षा पाहू जाता फळ मिळणे नाही.

डांगेअण्णा व लिंबूटिंबू सहमत...

ही कुंडली कुणाची आहे सांगता येईल का ?

कापोच्या कुणाची नाही, पण काल्/आजचि गोचर प्रश्न कुंडली असावी, सायंकाळचे ५ ते ६.३० ही वेळ दिली असावी.

ते चंद्र मंगळ शनि एकत्र आहेत ना, चंद्र जाईल हो पुढे, पण शनिमंगळ पुढले पाच/सहा महिने गोंधळ घालणार आहेत असे मेदिनीय ज्योतिषी म्हणताहेत.
बदल, अनपेक्षित बदल, दीर्घकालीन परिणाम करणारे बदल , उद्याच्या दूरगामी बदलांचा पाया रचणारे बदल....... मग ते राष्ट्राच्या द्रुष्टीने असो वा व्यक्तिच्या.... काही ना काही ठोस महत्वाच्या घटाना अनुभवास याव्यात असे हे ग्रहमान आहे.

किती सर्वसामान्य लोकांना अस वाटत की खर्‍या ज्योतिषाला पत्रिकेवरुन स्त्री की पुरुष, जिवंत की मृत हे सांगता यायला हवे?

मला तरी असं वाटत नाही. हे सांगता येत नाही म्हणजे तुमचे ज्योतिष्यशास्त्र झुटे असे वाटत नाही.
मूळ ज्योतिष्यशास्त्राची विशेष माहिती नाही. ते नक्की काय आहे हे जाणुन घेण्याची उत्सुक्ता मात्र आहे. मग ते खरे असो अथवा थोतांड.

देशाची कुंडली पण असते काय?
म्हणजे बनवता येते का? त्यावरुन देशाचं भविष्य - होणार्‍या मुख्य उलाढाली वगैरे सांगता येतील का?

कापोच्या कुणाची नाही, पण काल्/आजचि गोचर प्रश्न कुंडली असावी, सायंकाळचे ५ ते ६.३० ही वेळ दिली असावी. >>> गोचर प्रश्न कुंडली हे काही कळाले नाही. या पत्रिकेसोबत आणखी काही हवे असल्यास ते देईन. ज्या व्यक्तीची कुंडली आहे तिला मी ओळखतो. (व्यक्ती हे लिंगनिरपेक्ष समजावे :फिदी:).

यावरून काय काय सांगता येतं एव्हढंच जाणून घ्यायचं आहे.

या कुंडली बद्दल काय सांगता येईल?

साधारण पणे १९६० सालाच्या आसपास ऑगस्ट महिन्यात जन्माला आलेल्या व्यक्तीची ही कुंडली आहे. ( साल चुकेल पण ऑगस्ट महिना चुकणार नाही हे सांगायला ज्योतिषाची आवश्यकता नाही असे घाटपांडे म्हणतील परंतु अंशात्मक पत्रीकेशिवाय जन्मतारिख आणि साल वर्तवता येत नाही ) स्वभावाने बहुदा तापट असावी. तुळ लग्नामुळे तापट असली तरी संयमी असावी. लग्नातील नेपच्युन आणि केतु यामुळे व्यक्तीमत्व गुढपणाकडे झुकते आहे. पुरुषाची पत्रीका असावी असा कयास आहे.

या व्यक्तीने बँक किंवा तत्सम आर्थीक उलाढाली होतात अश्या ठिकाणी आयुष्यभर नोकरी करुन व्यावसायीक उंची गाठली असावी. कर्केचा गुरु फसवा असतो त्यामुळे नोकरी संदर्भातले विधान चुकुही शकते.

सुर्य - शुक संयोगाने नाटकात काम करणे इ आवड असावी.

सप्तमातला राहु, सप्तमेश मंगळ तोही केतु आणि नेपच्युन याच्या योगात शिवाय शुक्र रवि, हर्षल च्या सानिध्यात यामुळे वैवाहीक जीवन फारसे सुखदायी नसावे. ह्या व्यक्तीच्या आयुष्यात अनेक स्त्रीया आल्या असाव्यात ( किंवा स्त्री असल्यास पुरुष ) हा पुरुष असल्यास याने अनेक भाबड्या स्त्रीयांना आपल्या नादी लावले असे म्हणले तर वावगे ठरु नये. महादशा अंतर्दशा नसल्यामुळे नेमके सांगता येणार नाही.

आयुष्यात अनेक शत्रुंचा सामना करुन त्यांना भुईसपाट करण्याचे कर्तुत्व ह्या व्यक्तीच्या ठायी आहे/होते. साम- दाम- सर्व मार्गाने इप्सीत साध्य करण्याची कला ह्या व्यक्तीकडे उपजत आहे.

सांगा काय बरोबर आहे ? ही व्यक्ती अस्तीत्वातच नाही असही कोणी म्हणेल. हाच मुद्दा महाराष्ट्र ज्योतिष परीषदेने लाऊन घरला होता. ज्योतीष शास्त्र नाही असे म्हणणार्‍या काही व्यक्ती आणि संस्था यांच्याशी महाराष्ट्र ज्योतिष परीषदेने काही अटींवर ( व्यक्ती हयात आहे किंवा नाही हा दावा ) स्विकारला होता.

ह्या संबंधीचा पत्रव्यवहार मज्योप च्या डोंबिवली कार्यालयात उपलब्ध आहे. ह्या अटी त्या व्यक्तींला/ संस्थेला मान्य होत्या किंवा नव्हत्या ह्याचा खुलासा कधीच झाला नाही.

खर तर मानव पृथ्वीकर असे नाव खरे आहे किंवा नाही ह्याचा शोध घेतल्या शिवाय ह्या पत्रीकेला आणि विषयाला हात घालायचा नव्हता. पण बोलकी पत्रीका समोर आल्यावर गप्प बसणे जमत नाही. बरेच वेळेला भविष्य चुकु शकते यामुळे फार झाल तर माझी बदनामी होईल. पण यामुळे ज्याला भविष्याबाबत प्रश्न आहे असा जातक ज्योतिषाकडे जायचे बंद करणार नाही याची खात्री आहे.

ही कुंडली असणारा मनुष्य मायबोली वर लिखाण करायला येणार नाही एवढच वाटते .

नितिनचंद्र, धन्यवाद!
ऑगस्ट महिना, पुरुष, तापट परंतु संयमी स्वभाव, हे बरोबर आहे.
बाकी सगळी गंमत आहे.

र.का.ने: मानव पृथ्वीकर हे टोपण नाव आहे. आवडीचे म्हणुन घेतलेले.

तूर्तास येणार्‍या प्रतिसांदांवर टिपणी करणार नाही, अजून प्रतिसाद येणार असतील तर त्यावर परिणाम नको म्हणुन.

या मनुष्याने भावंडांच्या माध्यमातून पैसा कमावला असावा .

मानव,

आपण ही व्यक्ती अस्तीत्वात आहात असे म्हणत आहात. धन्यवाद !

बाकी सगळी गंमत आहे म्हणायला आपण यांना ओळखता का ? असेल तर काय चुकले हे सांगा.

१) बँक किंवा तत्सम ठिकाणी नोकरी.

२) वैवाहीक जीवन फारसे सुखावह नाही.

३) ही व्यक्ती पुरुष असण्याची शक्यता जास्त.

४) नाटकात काम करण्याची किंवा नाटक आवडणे / अभिनय आवडणे.

५) शत्रुला भुईसपाट करण्याची कला

वरील पाच पैकी काय चुक आणि बरोबर ते सांगावे. शक्य असल्यास ह्या व्यक्तीचे नाव न जाहीर करता दुसर्‍या मायबोलीकराने यावर लिहावे. आव्हान करता तर मला ही परिक्षेचा रिझल्ट कळू द्या.

केवळ ज्योतिष शास्त्र नाही ह्या अशास्त्रीय गृहीतकावर अनेकांना वेठीस धरु नका.

प्रकाश घाटपांडेसाहेब,

कै. डॉ भा नी पुरंदरे ( जगभरात नावाजलेले गायनीक ) यांचे शल्य कौशल्य या आत्मचरित्रावर आपले काय म्हणणे आहे ? त्यांनी आपल्या आत्मचरीत्रातली पाच पाने ज्योतिष विषयाला दिलेली आहेत.

जगापुढे न आलेले सत्य ही सांगतो. कै. यशवंतराव चव्हाण यांना या विषयात रुची होती. पुण्यातील एका जेष्ठ ज्योतिषाने खाजगीत उलगडा केला ज्यांचे वडील मोठे नावाजलेले ज्योतिषी होते. जननिंदा नको किंवा तथाकथीत पुरोगाम्यांच्या बैठकीत जाता यावे म्हणुन कै यशवंतराव या ज्योतिषांकडे चर्चेला रात्री १२ नंतर जात.

प्रकाशजी,

मला यशवंतराव चव्हाणसाहेबांबद्दल आदर आहेच. मी चर्चा करत होतो ते चव्हाण साहेब यांच्या व्यासंगाबाबत. ओघाने चर्चा त्यांच्या कुंडलीबाबत होत असेलच. पण त्यांना ह्या विषयात रुची फक्त जातक ( प्रश्नकर्ता ) म्हणुन नाही तर एकंदरीतच कसा अभ्यास करतात याबाबत होती.