मेथीची पातळ भाजी

मस्त! ही जळगावी पद्धत आहे.

तिथे आम्हाला होस्टेलच्या मेसमधे सगळ्या पालेभाज्या अशाच पद्धतीने मिळायच्या.

सोपी पद्धत आहे. मेथीची जुडी मिळाली की करून बघणार.

सही!!
मस्त आहे ही भाजी. शेंगदाण्याच्या कुटाची कधी केली नाहीये. आता मेथी आणली की हीच अशीच भाजी करणार.

येस्स आमच्या सासरीपण असते ही भाजी.

मस्त वाटतेय.
फक्त चार तास उशीरा पाहीली रेस्पी. नाहीतर आजच केली असती. आता परत मेथी आणली की करुन पहाणार

मस्त! माझी पण एक जळ्गावची रुममेट अशीच भाजी करायची नेहमी..

हो चनस! 'त्या' मुली गरमागरम पोळींचा बारीक चुरमा इतक्या फटाफट करायच्या की बघतच रहावं. मग त्याचं आळं करुन त्यात अशी भाजी किंवा वरण टाकायचं. आणि कालवुन खायचं. अप्रतिम चव!!

शेंगदाण्याचे वाटप हे खास धुळे / जळगाव / नाशिक / औरंगाबाद भागातले. छानच लागते.
इथे अंगोलात पण शेंगदाण्याचे वाटप लावून कोबीची भाजी करतात. दाणे भाजून त्याचे केलेले कोरडे रवाळ पिठ, इथे तयार मिळते.

छान आहे भाजी. मी डाळीत घालून पातळ करते. एकदा अशी करुन बघेन.

मस्त

मी मूगडाळीबरोबर मेथी शिजवते आणि मग अशाच पद्धतीने दाण्याचं कूट, लसूण, मिरची घालून करते. एका जुडीत बरीच भाजी होते मग.

वा, सुरेख अशी पातळ भाजी शेपूचीही करता येईल का असा विचार करतेय.

येस्स्स.. जळगावची आठवण आली.
यात मी थोडीशी तूरडाळ शिजवून मॅश करून घालते. भाजी छान मिळून येते.
ही भाजी मेथीची छान लागते पण याच ग्रेव्हीत कांदे उकडून घालता येतात. श्रा.घे. किंवा बीन्सपण मस्त लागतात.
कांदा अक्खा उकडून ऐन ग्रेव्हीत सोडायच्या वेळी पाकळ्या येतील अश्या हलक्याने चिरा द्यायच्या. ग्रेव्हीत सुंदर कमळे दिसतील कांद्याची पार्टीचा हिट्ट आयटेम आहे ही भाजी. वरून कच्च तेल आणि ज्वारीची भाकरी- आईच्या हातची - अहाहा!
यात चिकनपण भारी लागतं म्हणे.

यस्स, ही भाजी आमच्याकडचीच! आठवद्यातून एकदा होतेच.
पण एक बदल आहे, हि. मिरच्या पण भाजून घ्यायच्या वाटणात.

चिन्नू, एका पोस्टीत किती रेसिप्या दिल्यास?

याच ग्रेव्हीत तुरीची डाळ म्हणजे काय? तुरीची डाळ शिजवून ती दाणे, लसूण, मिरच्यांच्या वाटणात मिसळायची का?
याच ग्रेव्हीत कांदा उकडून म्हणजे काय? कांदा उकडून दाणे, लसूण, मिरच्यांबरोबर वाटायचा का?

ग्रेव्हीत सुंदर कमळे दिसतील कांद्याची >>>>

मंजुडि..अख्खे कांदे सोडायचे ग्रेव्हित

तोंपासू!!!
खूप आवडते!

आले आले.

कांदा सालपटं काढून उकडायचा आणि चिरा देऊन ग्रेव्हीत सोडा. तेव्हढा वेळ नसेल तर कांदा सालासकट गॅसवर भाजायचा व गरम ग्रेव्हामध्ये चिरा देऊन घालायचा. असे मुरलेले कांदे मस्त लागतात भाकरीबरोबर. घरीतर ही भाजी उरतच नाही, पण राहीलीच तर त्यात कांदे शोधावे लागतात लहान लहान कांदे घालून ही भाजी करायची.
कांद्याची पातही मस्त लागते.

हो, तुरीची डाळ शिजवून-मॅश करून घालयची भाजी मिळून यायला (वाटणात नव्हे :अओ:) . पण अगदी थोडीशीच. नाहीतर चव बदलते भाजीऐवजी वरण होतं मग ते. जर डाळ नसेल तर थोडे बेसन पाण्यात भिजवून ग्रेव्ही घट्ट करायची. पण हा अगदी शेवटचा ऑप्शन-यानेही चव बदलते.

मी चिकन खात नाही त्यामुळे त्याबद्दल काही सांगू शकत नाही. एकदा पार्टीला हा प्रकार केला तेव्हा एका मैत्रिणीकडून कळाले चिकनबद्दल. हौशी लोकांनी प्रयोग करून पहावा-आपल्या जबाबदारीवर!

मी मिरच्या भाजून घालते. तसेच वाटणात एखादी मिरीपण घालते. आईने दिलेला गरम मसालापण थोडासा. आणि लसणीची पातपण एक काडी वगेरे. वरून भरपूर कोथींबीर घालायची.

फोडणी देतांना तेल सढळ हाताने वापरावे. वाटण तेलात मस्त तेल सुटेपर्यंत परतावे. भाजी झाल्यावर अस्सा तवंग दिसला पायजेल तेलाचा

मी बर्‍याचदा वरण केले की या भाजीकरता थोडी डाळ काढून फ्रीज करते. मेथी नायतर कांदे असले की लग्गेच भाजी करायची. पोळ्या-भाकर्‍या करणारीचे हाल होतात मग

मुठभर तुरीची डाळ कुकर मध्ये शिजवून घ्यायची. शेंगदाणे, मिरच्या भाजून घ्यायच्या. आले, लसूण, शेंगदाणे,मिरच्या थोडे पाणी घालून मिक्सर मधून वाटून घ्यायचा. गरम तेलामध्ये जीरे, मोहरी ची फोडणी करून त्यात हि वाटलेली चटणी थोडीशी परतावायची . शिजवलेली डाळ घालून नीट मिक्स करून घ्यायचे. चिरलेली भाजी टाकून आवडीप्रमाणे पाणी घालून उकळी आणायची. चवीप्रमाणे मीठ घालायचे. पोळ्यांचा चुरा करायचा, भाजी टाकायची. आणि कला मस्त हाणायचा. लोणच्याचे सार न कांद्या बरोबर अगदी अप्रतिम.
ही आमची जळगाव/ भुसावल ची लेवा पाटील लोकांची पद्धत. अशी कुठलीही पालेभाजी करता येते. गिलकी, दोडकी, दुधी भोपळा पण.

कांदा सालपटं काढून उकडायचा आणि चिरा देऊन ग्रेव्हीत सोडा.> या ग्रेव्हीत मेथी असणार की नाही? की फक्त दाणे+लसूण+मिरच्या+जिर्‍याची ग्रेव्ही?

मंजुतै, मेथी+कांदाभाजीपण करता येते, नुसती मेथी, फक्त कांदापण घालता येतो. वर मनुने लिहीलय तसं गिलकी-दोडकी-दुधीपण (वेगवेगळी) घालता येतात. पण ही भाजी मेथीची किंवा कांद्याचीच छान लागते असं माझं मत.

बरं बरं चिन्नुतै.

आता मद्रासी कांदे मिळाले की अशी भाजी करून बघेन.

>>चवीप्रमाणे मीठ घालायचे. पोळ्यांचा चुरा करायचा, भाजी टाकायची. आणि कला मस्त हाणायचा. लोणच्याचे सार न कांद्या बरोबर अगदी अप्रतिम.
मनुबेन मिलाओ हात!
कलाचं फक्त काला कर. वरून कच्चं तेल मस्ट आहे काल्यावर.
मी या भाजीत आलं नाही घालत.

अल्पना, क्या याद दिला दी! आता करावीच लागेल ही भाजी.

<<शिजवलेली डाळ घालून नीट मिक्स करून घ्यायचे. चिरलेली भाजी टाकून आवडीप्रमाणे पाणी घालून उकळी आणायची. चवीप्रमाणे मीठ घालायचे. पोळ्यांचा चुरा करायचा, भाजी टाकायची. आणि कला मस्त हाणायचा. लोणच्याचे सार न कांद्या बरोबर अगदी अप्रतिम.<<

व्वा!काय आठवण करुन दिलीस!!
मी अजुनही गिलक्याची, दुधीची भाजी अशी करते. पण या फळभाज्यांबरोबर पोळीच पाहिजे.
पालेभाज्या असतील तर भाकरी.

चिन्नु नि मन्नु .. धन्स इतक्या व्हरायटीबद्द्ल..
कालच मेथी संपवली पुलाव करुन.. आता परत आणावं लागेल

वा! नक्की करून बघणार ही भाजी.

खानदेशातली पद्धत आहे बहुतेक हि, मी आमच्या डोंबिवलीला 'खानदेशी ठेचा' म्हणून पोळी-भाजी केंद्र आहे, त्यांच्याकडून आणली होती. बऱ्याच भाज्या ह्याप्रकाराने करतात त्यांच्याकडे, गवारपण ह्या पद्धतीने केलेली मिळते तिथे.

मी मेथीची डाळ-दाणे घालून थोडे डाळीचे पीठ लाऊन पातळ भाजी करते किंवा कढी करते ताक घालून.

माझी झटपट पद्धत : मेथी बारीक चिरून तेल आणि चिमूटभरच हळत घालून झाकण न लावता परतून मऊ करायची. मग त्या एकजीव झालेल्या गोळ्याला चमचाभर डाळीचं पीठ लावून आणि थोडं पाणी घालून पुन्हा घोटून घ्यायची. मग तुरीचं साधं वरण त्यात घालून ती पातळ करायची. उकळी आली आणि हवी तेवढी घट्ट/ पातळ असली की तिखट, मीठ आणि आवडत असेल तर ध-जि-पूड घालयची. गूळ घालायचा. अगदी शेवटी मोहरी-जिरे-हिंग-हळद आणि ठेचलेल्या/ बारीक चिरलेल्या लसणीची चळचळीत फोडणी. फोडणी दिल्यावर खमंगपणा कमी व्हायला नको म्हणून लगेच गॅस बंद.

आता अशीपण करून बघेन.

मेथी+कांदाभाजीपण करता येते, नुसती मेथी, फक्त कांदापण घालता येतो. वर मनुने लिहीलय तसं गिलकी-दोडकी-दुधीपण (वेगवेगळी) घालता येतात. पण ही भाजी मेथीची किंवा कांद्याचीच छान लागते असं माझं मत.
<<
काकू, मेथीच्या भाजीच्या बाफवर मेथी वगळून करायच्या भाजीची चर्चा करताय .. किमान वेगळा बाफ काढून तरी लिहा की