चावलचेंडू
भात म्हणजे जीव की प्राण, त्यामुळे तो कुठल्याही स्वरूपात आवडतो आणि त्यामुळे भाताचे निरनिराळे प्रयोग करायलाही आवडतात 
काल वर्षूताईने फोडणीच्या भाताचे प्रकार सुचवायला सांगितले आणि मला मी पूर्वी केलेल्या भाताच्या या प्रयोगाची आठवण झाली याच नामकरण मात्र आजच झालं 
Arancini हा एक इटालिअन पदार्थ - तळलेले स्टफ्ड (मीट सॉस) भाताचे गोळे. Arancini चा शब्दशः अर्थ - छोटी संत्री कारण हे गोळे तळल्यावर म्हणे संत्र्यासारखे दिसतात.
मुळ रेसिपी मधे आर्बोरिओ (रिसोटो राईस), मिन्स्ड बीफ, टॉमेटो सॉस आणि मोझरेला चीज वापरतात. अंडे व ब्रेडक्रम्ब्ज मधे घोळवुन हे गोळे तळतात.
माझे प्रयोगः
बाहेरील आवरणः
उरलेला भात,
मीठ,
कोथिंबीर,
आवडीचा मसाला - मी उरलेली रेडिमेड टिक्का पेस्ट वापरली होती.
आतिल सारणः
पनीर
थोडे किसलेले चीझ
मीठ
कोथिंबीर
थोडा चाट मसाला
इतर जिन्नसः
मैदा,
फेटलेले अंडे
ब्रेडक्रम्ब्ज
१. ओव्हन १८० डिग्री सेंटीग्रेड ला तापत ठेवा. बेकिंग ट्रे वर अ‍ॅल्युमिनियम फॉईल लावुन तयार ठेवा,
२. एका मोठ्या बोलमधे उरलेला भात + मसाला + कोथिंबीर + मीठ कालवुन घ्या. चव बघा.
३. दुसर्‍या बोल मधे पनीर + किसलेले चिझ + कोथिंबीर + मीठ + चाटमसाला एकत्र कालवुन त्याचे छोटे गोळे बनवा.
४. तीन छोटे पसरट बोल्स घेऊन एकात मैदा, दुसर्‍यात फेटलेले अंडे आणि तिसर्‍यात ब्रेडक्रम्ब्ज ठेवा.
५. आता कालवलेल्या भाताचा एक गोळा घेऊन त्यात खड्डा करा. या खड्ड्यात एक पनीरचा गोळा ठेवा आणि भाताच्या गोळ्याने पनीरचा गोळा कव्हर करा. कालवलेला भात मो़कळा झाला असेल तर गोळा तयार होणार नाही. त्यासाठी त्यात किंचित पाणी घाला.
६. असे भात+पनीर चे गोळे तयार करा.
७. आता एक एक गोळा पहिल्यांदा मैद्यात मग अंड्यात आणि शेवटी ब्रेडक्र्म्ब्ज मधे घोळवा आणि बेकिंग ट्रे वर ठेवा.
८. या गोळ्यांवर थोडे कुकिंग ऑइल स्प्रे करा आणि ट्रे मधल्या रॅकवर ओव्हन मधे ठेवा. लक्ष असु देत. मधे एक दोन वेळा टाँग्जने (चिमटा) गोळे हलकेच फिरवा.
९. बाहेरुन सोनेरी-तपकिरी रंग आला की बाहेर काढा.
१०. गरम गरम 'चावलचेंडू' टोमेटो केचप / चिली सॉस बरोबर गट्टम करा
- याला प्रमाण असे काहिही नाही. जेव्हढे आहे तेव्हढे संपवा
- तुमच्या मर्जीने जो हवा तो मसाला भातात घाला.
- तुमच्या मर्जीने पनीर + चीज, नुसते चीज, घट्ट मीट सॉस / खीमा काहिही सारण म्हणुन घाला.
- मी बेक केले आहेत, आप्पे पात्रात करुन बघायला हरकत नाही
- अंड्याऐवजी बाईंडिंग साठी काय वापरायचे हे तुम्हीच प्लिज सुचवा
लाजोजी उदास मत हो यार...
लाजोजी उदास मत हो यार...
शूम्पी, लोकं काय काय
शूम्पी, लोकं काय काय बोलतात... पण मला 'चावल चेंडू' हेच्च नांव आवडलय त्यामुळे परत तेच्च ठेवलं....
भात फार आवडत नाही भाताऐवजी
भात फार आवडत नाही भाताऐवजी काय वापरु(असा प्रश्न विचाराय्चा मोह टाळत आहे हे लक्षात घे )
<<<
शूम्पे,
किन्वा
लाजो,
मस्तं रेसिपी !
डीज्जे
डीज्जे
Pages