बिना भाजणीची थालिपीठं/वडे

सायो, छान आहे कल्पना. ताज्या मसाल्याचा स्वाद छान लागेल. माझ्याकडे बाजरीचे पीठ नसते पण ज्वारीचे नुसते थालिपीठ आमच्याकडे नेहेमी करतात. खरंतर भाजणी आमच्याकडे नसायचीच. नेहेमीच ज्वारीचे थालिपीठ. आता एकदा असे करून बघेन

एकदम आवडता प्रकार, बरोबर दही/ताक, लोणचं, चटणी
ज्वारीच्या पिठाची थालिपीठं भारी लागतात. मेथीदाणे भाजून वाटून घालायची आयडीया छाने.
रच्याकने,मक्याच्या पिठाची थालिपीठं पण मस्त लागतात.

छान आहे रेसिपि. मी सर्व पिठे मावेत थोडी भाजून घेते आयत्या वेळेस त्याने खरंच भाजणी होते त्याची व चवही आणिक चांगली येते.

आयडीया चांगली आहे.
मक्याच्या पिठाला स्वतःची चव असते त्यामुळे त्याचे वडे नि थालिपीठ दोन्ही छान होतात.

मस्तच

भाजणी नसेल तर खरंच मस्त ऑप्शन आहे.

यात कालची उरलेली आमटी, भाजी घातली की जो खरपूस खमंगपणा येतो त्याला तोड नाही.

अरे वा! मस्तच...
पण फोटो हवा बै!
सुमेधाची मावेत पीठं भाजून घेण्याची आयडीयाही मस्त आहे.

छान प्रकार. हिच पिठे हवीत असे नाही, कुठलिही पिठे मिसळून करता येतील.

यामधे काकडी, गाजर, कोथिंबीर, कुठलीही पालेभाजी घालता येते. पीठामधे चमचाचमचाभर बेसन, नाचणीचं पीठ, ओट्समील, रवा, मक्याचं पीठ इत्यादि घालून टाकते.

यामधे थोडीशी उपवासाची भाजणी घातली तर थालिपीठ छान थापता येतात.

थालीपीठं मी डायरेक्ट तव्यावर आणि कढईमधे थापते. लोखंडी तव्यावर आणि कढईमधे खूप छान खमंग होतात.

(ती फेमस तवा चर्चा करायची का आता?)

मस्त होतात अशी मिक्स पिठांची थालीपीठं.
मक्याच्या पिठात थोडी कणीक घालावी कारण मक्याचं पीठ जरा जड असते पचायला.
बारिक चिरून कोथिंबीर आणि मिरची, लसूण. खरपूस भाजली की भन्नाट लागतात!

चांगली आयडिया. सासूबाई नुसती ज्वारीच्या पिठाची (अर्थातच कांदा-कोथिंबीर, हिंग-हळद-तिखट-मीठ घालून) लावतात भाजणी संपली की.
पिठं भाजून घ्यायची नाहीत का - हेच विचारणार होते.

बाय द वे, चाँद पॅलेसजवळच्या सब्झी मंडीत आता केप्रची भाजणी (साधी, चकलीची आणि उपासाचीही) मिळते.

नंदिनी, थालिपिठाच्या धाग्यावर थालिपिठं लावण्याबद्दल चर्चा? वेडी की काय!

अरे वा .. छान आहे पर्याय भाजणी नसेल तर ..

भाजणी की भाजाणी?

चांगली आयड्या आहे. भाजणी संपली की करण्यात येइल.

भाजाणी सिंधी वाटतं थोडं ..

>> काल वाटलं की लाटताही येतील.

अरे बाप रे! अशी थालीपीठं लाटली तर छी थू होईल की ..

मस्त पीठं थोडी भाजून घेतली की खरच भाजणीचा फील येतो.

सायो छान रेसीपी. मीही करते अशी थालीपीठं, मात्र कधी ताजा मसाला भाजून घातला नव्हता. पुढच्या वेळेला तसं करुन बघेन.
पीठं मात्र नेहमी भाजून घेते. १ वाटी कणीक न घालता - चणाडाळ पीठ + तांदूळ पीठ + कणीक असं घेते.
आशूडीनी लिहील्याप्रमाणे शिळी आमटी, उसळ, भाजी, कोशिंबीर, भात जे काय आसेल ते लोटते त्यात. त्याप्रमाणे वरील पीठात बदल करते. म्हणजे आमटी, उसळ असेल तर च. डा. पीठ कॅन्सल. भात असेल तर तांदूळ पीठ कॅन्सल, वगैरे. (पोळी कुस्करुन घातली तर कणीक कॅन्सल का हा प्रश्न विचारु नै. पोळी कुस्करली की ती थालीपीठात न जाता तिची फो.पो. होते.)

थालिपीठाचं पीठ भिजवताना त्यात पिठलं घातलं तर ऑस्सम लागतात थालिपीठं.

आत्ता जेवायला थालीपीठं लावली. माझ्याकडे भाजणी आहे त्याचीच लावली
पण त्यात कालचं वरण + कोशिंबीर घातली.