अंडा करी

१. अंडी उकळून घ्यावीत. १५-२० मिनिटे लागतात. तोपर्यंत कांदे चिरून घ्यावेत. फार बारिक चिरले नाहीत तरी चालेल.
२. तेलावर कांदे सोनेरी रंगावर परतून घ्यावेत. त्यात खोबरं, आलं-लसूण पेस्ट घालून परतावे.
३. वरील मिश्रण + कोथिंबीर मिक्सरवरुन वाटून घ्यावे.
४. थोड्याशा तेलावर जिरं घालून मग त्यावर वाटण खमंग परतून घ्यावे.
५. हवे तेवढे पाणी घालून त्यात उकडलेली अंडी + मीठ + मालवणी / गरम मसाला + लाल तिखट घालून एक उकळी काढावी.
६. वरून आवडत असल्यास अजून कोथिंबीर घालावी.
७. पोळी / ब्रेड / भाताबरोबर ओरपावी