गोबी मांचुरीयन

१. प्रथम एका मोठया बाउल मध्ये मैदा चाळुन घ्यावा, त्यात थोडे कॉर्नफ्लॉवर घालावे. मग चवीपुरते मीठ, चिमुटभर हिंग आवडत असल्यास घालावे ( नाही घातले तरी चालते)
२. वरील मिश्रणात हळु हळु पाणी घालावे,याचा थिकनेस बटाटा भजी करताना जेवढा लागतो तेवढा ठेवावा, जास्त पातळ नाही किंवा जास्त घट्ट नाही
३. फ्लॉवरची फुले मध्यम आकारात काढुन घ्यावी व त्यांना मीठाच्या कोमट पाण्यात थोडयावेळ घालुन ठेवावे.
४. कढईत तेल गरम करावे व त्यामध्ये एक एक फ्लॉवरचे फुल घेउन ते मैदाच्या पीठात डीप करावे व कढईत सोडावे..... हलक्या सोनेरी रंगावर सर्व फुले तळुन घ्यावीत....
५. आता एका पॅन मध्ये थोडे तेल घालावे व त्यात बारीक चिरलेली मिरची (चिली सॉस वापरणार असाल तर इतर सॉस बरोबर घालावा) व कांदा घालावा.... तो हलका गुलाबी झाला की त्यात लसुन पेस्ट घालावी.
६. लसुन पेस्ट हलके परतुन झाली की त्यामध्ये ३ चमचे सोया सॉस व ६-७ चमचे टोमॅटो सॉस घालावा ( सोया सॉस कमी घालावा व टोमॅटो सॉस त्याच्या दुप्पट घालावा)
७. या मिश्रणात तळलेली फ्लॉवरची फुले (भजी) घालावीत व हलक्या हाताने ढवळावे..... सर्व फुलांना ते मिश्रण नीट लागले पाहीजे..... यावर बारीक चिरलेली कोथिंबिर भुरभुरुन डिश सर्व्ह करावी.
८. गोबी मांचुरीयन ही डिश स्टार्टर म्हणुन छान लागते. लहानांपासुन मोठयापर्यंत सर्वजन ही डिश आवडीने खातात. ही डिश गरम गरम खायला खुपच चविष्ट लागते.
९. जर तुम्हाला ही डिश मेन कोर्स मध्ये ठेवायची असेल व त्यावेळी जास्त ग्रेवी हवी असेल तर थोडे कॉर्नफ्लॉवर पाण्यात मिसळुन घ्यावे व सॉसबरोबर घालावे. गोबी मांचुरीयन ग्रेवी फ्राईड राईस, नुडल्सबरोबर मस्त लागते.
१०. अजुन थोडे वेरीएशन हवे असेल तर फोडणी देताना साधा कांदा न वापरता पातीचा कांदा वापरावा त्याने देखील छान चव येते.