नागपंचमी स्पेशल --- पुरणाचे दिंड ----

मस्त!

साजुक तुप भरपूरच पाहिजे

येस्स.. साजुक तुपाशिवाय काय मज्जा... लवकर फोटु येवु देत...

पुणेरी पदार्थ कालच बहीणाबाई येऊन गेल्या त्यांच्या कडून कळला हा पदार्थ
मस्तच खायचाय एकदा !
आमच्याकडे उकडीचे मोदक असतात

मस्तच.
आई आज शगुनउंडे (मुगाच्या डाळीचे पुरण) करते. तो घमघमाट आणि साजुकतुपात लडबडलेले शगुनउंडे अहाहा तोंपासुच :लाळ गाळणारी बाहुली:

आमच्याकडे आज मोदक असतात आणि उकडलेले मिक्स कडधान्य.

शुभांगी मागच्या उंच माझा झोका ह्या सिरियल मध्ये शकुन उंडे ऐकल. तुझ्यासारखेच त्या रमेने वर्णन केले. आईला विचारून नक्की रेसिपी टाक त्याची.

वा... मस्त आहेत हे दिंडे. आज संध्याकाळी करतेच.

उप्स, हा पदार्थ विसरलेच होते पुर्णपणे. आज संध्याकाळी स्वयंपाकाच्या मावशींना करुन ठेवायला सांगते. अनेको वर्षांनी करणार आणि खाणार आहे.
चवीला कसा असतो ते आता आठवत नाही. लहानपणी एकदाच खाल्ला होता. माझ्या बाबांना अजिबात आवडायचा नाही, म्हणुन आमच्या घरी कधी झालाच नाही. नागपंचमी आली की बाबा आईला सांगायचे कि पुरणपोळी कर किंवा कडबु ( पुरणाच्या तळलेल्या करंज्या) कर, पण ती गाठोडी नकोत.

आमच्याकडेही पुरणाचे दिंडच करतात. अगदी निवाने सांगितले आहे तसेच.

देशावर चणाडाळ, गूळ, कणिक (गहू) यांचे प्रस्थ फार. कोकणात नारळ आणि तांदूळ. म्हणून सणावारचे पदार्थ सुद्धा याच साहित्यातून बनलेले.

नागपंचमीला भाजत, तळत नाहीत, वाटायचेसुद्धा नाही. मग पूरण्पोळी कशी करणार? म्हणून दिंड. त्याच्या चॉकोनी आकारावरून त्याला पाकिटे असेही म्हणतात.

गरमच खावीत, भरपूर तूप घालून.

मी फक्त ऐकलेत हे. आमच्याकडे तर लाटतही नाहीत या दिवशी, म्हणून उकडीचे मोदक असतात.

आज संध्याकाळी स्व.मावशींना करुन ठेवायला सांगते

आजवर 'स्व.' हे फक्त स्वर्गवासींच्या नावाआधी लावलेले वाचलेले. इथे वाचल्यावर एकदम दचकलेच..

साधना

अरे वा, मस्त. नाव ऐकले आहे पण खाल्ली नाहीत कधी. करुन बघायला पाहिजेत.
शकुनउंडे ह्या पदार्थाचा उल्लेख पं.महादेवशास्त्री जोशी ह्यांच्या 'घररिघी' ह्या कथेत वाचला आहे. त्यामध्ये मुगाच्या डाळीचे पुरण तांदुळाच्या पातळ पिठात बुडवून तळायचे आणि वरुन तूप घालून खायचे अशी कृती सांगितली होती. पण तळलेले उंडे नागपंचमीला कसे चालतील ? त्या कथेत ते ललितापंचमीला केलेले दाखवले आहेत

साधना, हे लक्षातच आलं नाही. मी पोस्ट एडिट केली माझी. बिचार्‍या मावशी !

निवा, थँक्स ! हा विसरलेला पदार्थ होता. अनेक वर्षांनी केला गेला. गेस, हा गरमच छान लागतो. रि-हीट करुनही छान लागणार नाही.

कणिकेचे उकडलेले पदार्थ कसे लागतात?

झंपी, उकडल्या उकडल्या तुपाबरोबर मस्त लागतात. गार झाल्यावर अगदी बंडु लागणार बहुतेक.

मस्त गं निवा....मी कधी केले आणि खाल्ले पण नाहीत... बघुया कधी तरी ट्राइन..

मनिमाऊ हो गं थंड झाले तर टंपडच लागतील.....
झंपी, एकदा मी उकडीचे मोदक करणार होते आणि अगदीच आयत्यावेळी लक्षात आलं की मोदकाचं पीठ समजत होते तो मैदा आहे मग नवरोबाच्या सल्ल्याने कणकेचे मोदक करून ते उकडवले प्रयोग म्हणून. गरम गरम तूप घालून चांगलेच लागले...थंड झाले की पुन्हा मायक्रोवेव्हमधे चटका दिला की बरोबर होतात..पण हा प्रयोग अर्थात पुन्हा नाही केला कारण उमो तांदळाच्याच पिठाचे चांगले...
पण तुझा प्रश्न असा जनरीक होता तर हे पण आठवलं...

असेच उकडून कडबू आकारात कडबू करतात