एगलेस चॉकलेट केक इन कॉफी मग

भन्नाट आहे ही रेस्पी..
मी ८ दिवसात ३दा केली.
१) गव्हाचं पीठ - चॉकालेट सिरप
२) पार्लेजीचा चुरा-चॉकलेट सिरप
३) सुजाता मल्टीग्रेन आटा- चॉकलेत सिरप..

मैदा आणत नाही घरी, म्हणून जे आहे त्यात केला. जबरीच लागतंय प्रकरण.. म्हणजे गरमागरम केक, वरून थोडा चॉकलेत सिरप. अहाहा... थॅक्यु व्हेरी मच!!

बेकिंग पावडर आणि खाण्याचा सोडा(जो भजीसाठी वापरतो तो) म्हणजे एकच का?
जर नसेल तर खाण्याचा सोडा वापरला तर चालेल का? आणि किती?
जर प्रश्न बावळटासारखा असेल तरी प्लीज उत्तर द्या कारण माओ घेऊन ठेवलाय पण केक बनवायचे धाडसच होत नाही. हा केक बघुन वाटतय की हे प्रकरण जमण्यासारखे आहे.

जबरीच होतो हा केक. मी प्रमाण लिहून ठेवलं आहे. केक खाण्याचं क्रेव्हिंग* झालं की लगेच करून खाता येण्यासारखा आहे हा

बेकिंग पावडर आणि खाण्याचा सोडा(जो भजीसाठी वापरतो तो) म्हणजे एकच का?>> नाही, दोन्ही वेगवेगळे. केक करायचा असेल, तर बेपा घेऊन या. ती केकसाठी अनिवार्य आहे.

धन्यवाद पौर्णिमा

मी इनो वापरलं ! हिरवी बाटलीवालं!! आणि दोन चिमुट.. केक व्यवस्थित फुलला, सुरी कोरडी इत्यादी...

कार्व्हिंग? क्रेव्हिंग का?

हा केक कुकर मधे चांगला होईल का?

हो हो क्रेव्हिंग बदललं. धन्यवाद.

बेकिंग पावडरसाठी दर वेळी ईनो हा पर्याय चालतो का? का बेपा नसेल तर ईनो वापरा- असं असतं? भाप्र!

पौर्णिमा, माहीत नाही. मी इनो पहिल्यांदाच वापरलं..

काल केला होता हा केक. चवीला अफाट झाला होता. मी बेकिंग पावडर पावच चमचा वापरली तरी केक फुलून मगबाहेर आला होता.

पूनम, हो चालतो. मी केले आहेत फक्त इनो घालून केक.
पण हल्ली बर्‍याच केक्समध्ये बेकिंग पावडर आणि बेकिंग सोडा असे दोन्ही वापरायला सांगितलेले असते अशा वेळी बेकिंग सोड्याऐवजी इनो वापरुनही केलेले आहेत. बेपा कमी घेते मी. साधारण एक कप मैद्यासाठी अर्धा टिस्पून बेपा आणि दोन टीस्पून इनो.

ओके. धन्यवाद.
निल्सन वाचत असतील तर त्यांना पर्याय मिळालेला आहे. बेकिंग पावडर अनिवार्य नाही

सोडा आणि ईनो दोन्हीचा एक प्रकारचा वास आणि चव लागते मला -एस्प. गोड पदार्थात. त्यामुळे माझ्यापुरती बेकिंग पावडर केकसाठी अनिवार्य आहे असे लिहून मी इथे माझ्या बाजूने चर्चासमाप्ती करते.

माझं काय चुकलं?
काल मोठ्या हौशेने सर्व सामान गोळा केले. जास्त केक बनविण्याचा विचार होता पण म्हंटल आधी दिलेल्या मापाप्रमाणे बनवून बघु म्हणुन सेम तेच माप घेतले. मिश्रण तयार करुन कपात घातलं आणि मावे सेट केला. अर्ध्या मिनिटातच केक फुलून वर आला आणि त्याच बरोबर आंबुस वासपण. तरिही म्हंटल येत असेल केक बेक होताना असा वास, खावुन बघुया. म्हणुन ५ मि.नी मावेतुन काढुन पाहिला छान फुगला होता आणि कपाच्या सर्व बाजुने सुटला होता. मी एक तुकडा खाल्ला आणि लेकीला भरवला तर तिने थुंकूनच टाकला. केक दाताला चिकटत होता आणि वास सहन होत नव्हता. नवर्याने तर १० वेळा सुनावले असेल किती घाणेरडा वास येतोय. शेवटी केकला कचर्याचा डब्बा दाखवला आणि केक फसल्याचा राग नवर्याला.

काय झालं असेल? प्लीज मदत करा.

चुकून बेकिंग पावडर ऐवजी खायचा सोडा वापरला होता का?

नाही. बेपाच घातलेली

मावे हाय पॉवर वर ठेऊन मायक्रोवेव मोडवर १ मिनिट ३० सेकंद ठेवावे. केक ओलसर दिसत असला तरी टेंशन न घेता त्याला मावे बंद करून अजून ४-५ मिनिटे तसाच मावेत ठेवावा.>>> हे कसे करायचे? माझ्या मावेला कन्व्हेक्शन नाही. तरी होऊ शकेल?
(केकच्या प्रतिक्षेत अधीर बाहुली)

सहेली, या केकला कन्व्हेक्शनची गरज नाही.
मायक्रोव्हेव मोडवरच शिजवायचे.
हा केक बेक होत नाही. शिजतो.

मावे हाय पॉवर वर ठेऊन मायक्रोवेव मोडवर १ मिनिट ३० सेकंद ठेवावे. >>>> हे कळत नाहीये. कोणीतरी सांगणार प्लीज?

सहेली, विशेश काही नाहीये. मावेचं दार उघडा, कप आत ठेऊन १.३० मिनिटं लिहून स्टार्ट करा. कुठलाही मोड व बाकी फंदात न पडता. ते झाल्यावर४-५ मिनिटं आतच राहूद्या कप. मग खा. (शक्यतो गरम , लगेच)

काल हा प्रयोग केला. मैदा नसल्याने कणीक वापरली. पण चमचे कोणते घ्यायचे यावर कफ्युज झाले. (टे.स्पू,टी.स्पू.इ.) जमेल, सुचेल तसे केले. जे बनले ते हलके नव्हते पण टेस्टी होते मस्त आणि पोट पण छान भरले.
आता एकेक प्रयोग करून पाहीन.
प्राची, बस्के धन्यवाद! अहो-जाहो नकोच प्लीज.

अरे वा! मस्त!

निल्सन, तुम्ही वापरलेल्या साहित्यातील कुठलातरी एक पदार्थ खराब(डेट एक्स्पायर्ड) झालेला असणार, म्हणून आंबूस वास आला. केक नासला असणार.

हम्म असेल कदाचित कारण कोको पावडर आणुन बरेच महीने झाले होते. असो. आज कॉफी पावडर घालुन बघते.

mast
1 st I prepare using small cup in cooker
then made large 1 for my daughter
today is her bday
I have put some dairy milk cream on it for decoration looking great and write her name with radish slices

काल ख्रिसमसच्या मुहुर्तावर लेकीबरोबर हा आणि सोप्पा केक (हाईड अ‍ॅन्ड सीक बिस्कीटांचा) केला. दोन्ही मस्त झाले होते,

मुख्य म्हणजे eggless असल्याने आजीला पण देता आला

मुलांच्या रोजच्याच make something nice या अत्यंत डोकेखाउ डिमांड्मधे काय सामाविष्ट करायचं हा एक प्रश्न असतो. आज ऑर्डरच्या पुर्ततेसाठी केक बनवला.

माझी modifications - ३ स्पुन मैद्याऐवजी ( २ स्पुन गव्हाचं पीठ + १ स्पुन मैदा), दुध एक चमचा जास्त घेतलं त्यामुळे केक अजिबात कोरडा झाला नाही, तेलाऐवजी साजुक तुप पातळ करुन घातलं (तेल सफोला वापरते, पण तरी उगीचच वास लागेल असं वाटलं). बाकी सेम हीच कृती. गरम केक आणि वॅनिला आइसक्रीम..... जेवण सुखासुखी विना रुसवा फुगवा झाली आहेत, म्हणजे केक यशस्वी. .

फोटो रिसाइझ करावे लागणार आहेत. आता उत्साह नाही. उद्या टाकेन.

आता कंटाळा आलेला असताना सुद्धा ही पोस्ट फक्त साक्षीला थँक्स म्हणण्यासाठी.