*** क्षितिजाकडे घेऊ भरारी

Submitted by अरविंद चौधरी on 10 July, 2012 - 12:35

*
कशी फेडू निसर्गाची उधारी ?
सदोदित द्यायची त्याची तयारी

रडावे मी कशाला प्राक्तनाला ?
मृगाक्षी हासता आली हुशारी

निराशा पाठ सोडीना जिवाची
तुझ्या हातामुळे आली उभारी

तुझे माधुर्य शब्दांना मिळाले
तुझ्या ओठांत गझलेची खुमारी

मिळाले पंख प्रीतीचे मला तव
अता क्षितिजाकडे घेऊ भरारी

---- अरविंद

गुलमोहर: 
मराठी गझल
शेअर करा

<<<मृगाक्षी हासता आली हुशारी...... याचे स्पष्टीकरण कळले नाही.>>>

मृगाक्षी----- मृगनयना

हुशारी--- मरगळ गेली नि मन प्रफुल्लित झाले

वाचल्याबद्दल धन्यवाद

Submitted by अरविंद चौधरी on 11 July, 2012 - 00:30

<<<मृगाक्षी हासता आली हुशारी...... याचे स्पष्टीकरण कळले नाही.>>>

मृगाक्षी----- मृगनयना>>>

बाकी या वृत्ताचे नांवही मृगाक्षीच आहे. प्रमिला मृगाक्षी

तुझे माधुर्य शब्दांना मिळाले
तुझ्या ओठांत गझलेची खुमारी>>> वा

Submitted by बेफ़िकीर on 11 July, 2012 - 00:32

अरविन्दजी बेहद्द अवडली ही गझल
धन्यवाद

या वृत्ताचे नांवही मृगाक्षीच आहे. प्रमिला मृगाक्षी>>>>>>>>

बेफीजी ही माहिती दिल्याबद्दल धन्यवाद

Submitted by वैवकु on 11 July, 2012 - 03:22