पक्ष्यांचा पक्ष....

एकदा सगळ्या पक्ष्यांनी मिळुन काढला पक्ष
जमिन सोडु माणसांसाठी आभाळ करु लक्ष्य
उंच उंच उडणारे गरुड झाले अध्यक्ष
हळुच म्हणाले घारीला "तू होना उपाध्यक्ष!"

शहामृग म्हणालं "मित्रांन्नो! मला उडता येत नाही,
सांगा तुमच्या पक्षाचा मज उपयोग आहे काही?"
"सांगा उपयोग आहे काही?".....

शहामृगाला पक्षाचा केला त्यांनी सचिव
चिमण्या कार्यकरत्यांची आनंदे चिवचिव

कोंबड्या म्हणाल्या, "आमचं कसं कराल रक्षण?"
अध्यक्ष म्हणाले "काळजी नको, देतो आरक्षण"

शिंपी म्हणाला "पक्षाचे झेंडे देईन शिवुन"
सुगरणीच्या खोप्यात करा आराम मस्त जेउन
पिक पिक पेंग्वीन झाले सामिल असले जरी दुर
खंड्याही सामिल झाला पाण्यात मारत सुर्रर्रर्रर्र....

बदक, हंस म्हणाले
"मित्रांन्नो, आम्हीतर पाण्यात रहातो,
तळ्याकाठच्या सभांना भरभरुन येतो "

घुबड म्हणालं "रात्रीला देईन मी पहारा"
वटवाघुळांनो गस्त घालत तुम्ही चक्करा मारा

पोपट म्हणाला "पक्षाचा करेन मी प्रचार"
कोकीळ, बुलबूल गाण्यातुन माडंतील आपले विचार
कावळ्यानां देउ केलं घोषणा द्यायच काम
कबुतरांना मात्र हवा आरामच आराम

तेवढ्यात कुठुन तरी मोठ्ठा आवाज झाला (... धडाम....!!!)
तेवढ्यात कुठुन तरी मोठ्ठा आवाज झाला
पक्ष सोडुन पक्ष्यांचा थवा तो उडाला....
पक्ष सोडुन पक्ष्यांचा थवा तो उडाला....

-सत्यजित.