सुरु झाली सुट्टी रे

Submitted by पुरंदरे शशांक on 14 April, 2012 - 06:00

हुर्रे.... हुर्रे....
परिक्षा संपली रे

अभ्यासाला बुट्टी रे
सुरु झाली सुट्टी रे

चला लवकर खेळायला
बॅट बॉल काढा चला

घसरगुंडी, झोपाळा
खुणावती चला खेळा

सापशिडी, कॅरम, पत्ते
दुपारचे काम फत्ते

चित्रे काढू छानशी
करु दोस्ती रंगांशी

खेळून सगळे दमले फार
आईस्क्रीम मस्त गारेगार

भेळ - कैरी म्हणून बघा
तोंडाला पाणी धबाधबा
(भेळ-कैरी म्हणताक्षणी
तोंडाला सुटलं पाणीच पाणी)

गुलमोहर: 
बालकविता
शब्दखुणा: 
सुरु झाली सुट्टी रे
शेअर करा