Submitted by पुरंदरे शशांक on 11 April, 2012 - 00:47
चांदोबा......
आभाळात आहे का चांदोबाचे घर
घरात कुठे बसतो हा? फिरत असतो रात्रभर
किती याला मित्र! नी किती मैत्रिणी!
खेळत असेल खेळ; नि गात असेल गाणी!
खाऊ काय खात असतील सगळे हे मिळून?
दिसत नाहीत स्टॉल यांचे रस्ते भरभरून...
आई बरी ओरडत नाही याचे बकोट धरुन..
"अभ्यास कोण करणार?... झाले उंडारून ???"
अधूनमधून नक्कीच याची एक्झॅम येत असणार...
तरीच घरी बसतो आणि दिसत नाही आभाळात...
गुलमोहर:
शब्दखुणा:
शेअर करा
