Submitted by Admin-team on 30 January, 2012 - 20:49
मायबोली शीर्षकगीताचे प्रकाशन ही सर्व मायबोलीकरांसाठी व विशेषत: या गीताच्या निर्मितीशी संबंधित सर्वांसाठी अत्यंत आनंदाची व अभिमानाची गोष्ट आहे. या उपक्रमाच्या सुरुवातीपासून सहभागी असणार्‍या सर्व मायबोलीकरांचे आणि त्यांच्या कुटुंबियांचे हार्दिक अभिनंदन. या शीर्षकगीताची जी छोटी झलक होती, तिला जसा तुम्ही भरभरून प्रतिसाद दिलात, तसेच या संपूर्ण गीतालाही तुम्ही आपलेसे कराल, अशी आशा आहे.
-मायबोली.कॉम
मायबोली शीर्षकगीत ऐका:
या उपक्रमाचे मुख्य संयोजक योगेश जोशी यांचे मनोगत:
हे गीत खर्‍या अर्थाने मायबोलीकरांचे गीत असावे आणि त्याला जागतिक स्वरूप असावे ही संकल्पना प्रत्यक्षात साकारताना मुख्यत्वे तीन गोष्टींना प्राधान्य दिले होते. गीतकार उल्हास भिडे यांनी लिहिलेल्या अतिशय दर्जेदार गीताला व त्यातील शब्दांना न्याय देणे, या गीताला दिलेल्या संगीत साजाला न्याय देणे, आणि यात सहभागी झालेल्या मायबोलीकरांच्या प्रयत्नांना न्याय देणे. दर्जात कुठलीही तडजोड न करता या सर्वांचे संतुलन राखणे ही एक प्रकारे तिहेरी कसरतच होती. शिवाय हे गीत ऐकणार्‍याच्या ओठी सहज बसेल, मायबोलीकरांना सहज गुणगुणता येईल, खेरीज हे गीत सर्व "मायबोलीकर" वा मायबोलीकर नसलेल्या सर्वांच्या मनात रुजेल, अशा प्रकारे त्याला संगीतबद्ध करायचे हेच उद्दिष्ट डोळ्यापुढे ठेवून पुढील वाटचाल करायचे ठरवले होते. या गीताशी संबंधित सर्वांचे संपूर्ण सहकार्य व सहभाग केवळ यांमुळेच ही कसरत शक्य झाली आणि एकंदरीत मायबोली शीर्षकगीत कुण्या एकाचे न राहता सर्वांचे झाले हेच या गीताचे यश म्हणावे लागेल. किंबहुना यातील सहभागी ज्येष्ठ मायबोलीकरांचे शुभाशिर्वाद, समवयस्क मायबोलीकर गायकांचे प्रोत्साहन, बालगोपाळांनी आपल्या सुरांतून गुंफलेले मोती, सर्वांच्या कुटुबियांनी दिलेला पाठींबा, आणि मायबोली संस्थापक व अ‍ॅडमिन टीम यांनी वेळोवेळी केलेली मदत व मार्गदर्शन या "पंचम" संगमातून हे गीत जणू परिपूर्ण झाले आहे. ज्यांचे संगीत ऐकून आमच्या पिढीची कर्णेंद्रिये "सूर" समजू लागली आणि नादब्रह्माचे माझे दैवत- पंचम दा (आर.डी. बर्मन) यांचा जणू अशाप्रकारे आशीर्वाद या गीताला लाभला आहे असे मी मानतो.
यातील सहभागी जवळ जवळ सर्वच मायबोलीकर (एक दोन अपवाद वगळता) हे व्यावसायिक गायक नाहीत. त्या सर्वांनी आपापले दैनंदिन व्यवसाय, घर, जबाबदार्‍या हे सर्व संभाळून या गीतासाठी केलेली मेहनत व सर्व प्रकारे केलेली मदत, या सर्वाचे मोल माझ्या लेखी अधिक आहे. जगाच्या वेगवेगळ्या भागात वा शहरात राहणार्‍या तरीही "मायबोलीकर" या एका नात्याने एकाच मायबोली कुटुंबाचे सदस्य असलेल्या अशा या गीताशी संबंधित सर्वांचे योगदान याला "मायबोली स्पिरीट" असे म्हटले तर वावगे ठरू नये.
या जागतिक मायबोली गीताचा गेले जवळजवळ पाच महिने सुरू असलेला अद्भुत प्रवास आज अंतिम मुक्कामी पोहोचला आहे. या संपूर्ण प्रवासात या गीतातील प्रत्येक शब्द या गीताशी संबंधीत सर्वांनीच अक्षरशः जगला आहे हे सर्वांच्या अनुभव लेखनातून स्पष्ट होते.
या शीर्षकगीताच्या विस्मयजनक वाटचालीचे व्यापक स्वरूपः
जगभरातील पाच देशातील विविध शहरांमध्ये स्थायिक असलेले आणि वय वर्षे चार ते साठ या वयोगटातील असे २१ मायबोलीकर गायक, संगीतकार, संगीत संयोजक व वाद्यवृंद. मुंबई, पुणे, दुबई या शहरांतील स्टुडियोंमध्ये व ईंग्लंड, अमेरिका, कुवेतयेथिल मायबोलीकरांनी घरीच केलेले ध्वनिमुद्रण, अनेकविध वाद्यांचा वापर, तसेच आंतरजालावरील इमेल, वेबचॅट, स्काइप, सारख्या तत्सम तंत्रांच्या सहाय्याने या गीताच्या शब्द, सूर यांची झालेली देवाणघेवाण, सरावसत्रे, आणि शेवटी आंतरजालावरच (मायबोली.कॉम) या गीताचे होणारे प्रकाशन.
जवळ जवळ पंधरा वर्षांचा इतिहास व दर्जेदार साहित्यिक परंपरा असलेल्या "मायबोली.कॉम" या संकेतस्थळाची आजवरची ओळख ही "मायबोलीशी नातं सांगणार्‍या जगभरच्या पाऊलखुणा" अशी असली तरी या मायबोली शीर्षकगीतामुळे आजपासून "आंतरजालाच्या जागतिक नकाशावर मायबोलीच्या पाऊलखुणा" आता कायमस्वरूपी कोरल्या गेल्या आहेत, असेच एक मायबोलीकर म्हणून म्हणावेसे वाटते.
मायबोलीच्या इतिहासात या शीर्षकगीताच्या रूपाने फूल ना फुलाची पाकळी म्हणून एक कायमस्वरूपी ठेव या गीताशी संबंधीत सर्वांच्या नावाने कायम राहील या भावनेने नतमस्तक व्हायला होते आणि मायबोलीचा अभिमान वाटतो.
वर म्हटले तसे मुळात गीताचा आत्मा श्रीमंत आहे. त्याला सुरात साकारणारे कलाकार यांचे प्रयत्न व कार्यासक्ती तितकीच उल्लेखनीय आहे. त्यामुळे जर काही दोष, उणीव असेल तर या गीताचा संगीतकार व या टीमचा एक प्रतिनिधी या नात्याने त्या जबाबदारीची मला संपूर्ण जाणीव आहे. खरे तर कुठलीही कलाकृती (गीत, संगीत, चित्र, इ.) ही जास्ती जास्त वाचक, श्रोत्यांपर्यंत पोहचावी हेच कुठल्याही कलाकारासाठी सर्वात महत्वाचे असते. कलाकाराचा आणि त्याचबरोबर कलेचाही विकास होण्यात ही गोष्ट अत्यंत महत्त्वाची आहे यात दुमत नसावे. मायबोलीने असे जागतिक व्यासपीठ उपलब्ध करून दिल्याने आज हे गीत शब्दशः सातासमुद्रापार पोहोचले आहे. एखाद्या कलाकाराला अधिक काय हवे?
बाकी रसिक श्रोता हाच मायबाप सरकार असल्याने त्याचे मत, अभिप्राय, आवड, निवड सर्वच शिरसावंद्य!
मायबोली शीर्षकगीत हे निव्वळ गीत नसून एक विचार आहे, संकल्पना आहे, अनुभव आहे, अभिव्यक्तीचे प्रकटीकरण आहे. म्हणूनच निव्वळ शब्द, सूर, ताल, लय या चौकटीत न अडकता हे गीत रसिक श्रोत्यांच्या मनाच्या संवेदनातून हृदयाच्या गाभार्‍यात वसेल अशी प्रामाणिक सदिच्छा व्यक्त करतो.
-योग (योगेश जोशी)
वरील गीतातील गायक क्रमः (मूळ गीत ईथे आहे.)
[मायबोली.....] (भुंगा)
भाषा मराठमोळी, हर अंतरी फुलावी
घेऊन ध्यास आली उदयास मायबोली (अनिताताई, योग)
भाषा मराठमोळी, हर अंतरी फुलावी
घेउन ध्यास आली उदयास मायबोली ║धृ║ (समूह- मुंबई, पुणे, दुबई)
मिटवून अंतराला, जोडून अंतरांना
ही स्नेहजाल विणते, विश्वात मायबोली (अगो व पेशवा)
[विश्वात मायबोली] (भुंगा) ||१||
सदरांच्या पदरांनी, प्रत्यंगी नटलेली (अनिलभाई)
सदरांच्या पदरांनी, प्रत्यंगी नटलेली (अंबर व जयवी)
साहित्य वाङ्मयाची, ही खाण मायबोली (सई) ||२||
[युडलिंग (योग) आणि कोरस (अनिताताई, रैना)]
सार्‍या कलागुणांना, दे वाव मायबोली (प्रमोद देव व रैना)
सार्‍या नवोदितांची, ही माय मायबोली (प्रमोद देव, व रैना)
सार्‍या नवोदितांची, ही माय मायबोली (देविका, कौशल, सृजन व समूह- विवेक देसाई, भुंगा, प्रमोद देव)
ही माय मायबोली (सृजन)
भाषा मराठमोळी, हर अंतरी फुलावी (दिया व समूह)
घेउन ध्यास आली उदयास मायबोली (दिया व समूह) ||३||
चर्चा, मतांतरांची, अन् वादविवादांची (वर्षा व अनिताताई)
[मधले संवाद- भुंगा, रैना व योग]
चर्चा, मतांतरांची, अन् वादविवादांची (मिहीर)
परिणती सुसंवादी, घडविते मायबोली (मिहीर व समूह- विवेक देसाई, भुंगा, प्रमोद देव)
परिणती सुसंवादी, घडविते मायबोली (अनिताताई, सई, स्मिता, पद्मजा) ||४||
सहजीच जीवनाचा, अविभाज्य भाग झाली (योग व सारिका)
[हार्मनी समूह-भुंगा, प्रमोद देव, विवेक देसाई, पद्मजा, सई, स्मिता]
अमुच्या मनी विराजे, अभिजात मायबोली (योग, सारिका व सर्व गायक)
अमुच्या मनी विराजे, अभिजात मायबोली (पुरूष व स्त्री गायक)
अभिजात मायबोली (सर्व) ║५║
मायबोली.. (सर्व गायक)
संपूर्ण श्रेयनामावली:
गीतकारः ऊल्हास भिडे
संगीतकारः योग (योगेश जोशी)
गायकः
मुंबई: रैना (मुग्धा कारंजेकर), अनिताताई(अनिता आठवले), प्रमोद देव, भुंगा (मिलींद पाध्ये), सृजन (सृजन पळसकर- मायबोलीकर युगंधर व भानू यांचा मुलगा)
पुणे: विवेक देसाई, सई (सई कोडोलीकर), पद्मजा_जो (पद्मजा जोशी), स्मिता गद्रे, अंबर (अंबर कर्वे), सायबर मिहीर (मिहीर देशपांडे)
दुबई (सं. अरब अमिराती): देविका आणि कौशल केंभावी (मायबोलीकर श्यामली ची मुले), सारिका टेंबे (सौ. योग), दिया जोशी (योग व सारिका ची मुलगी), योग (योगेश जोशी), वर्षा नायर
कुवेतः जयवी-जयश्री अंबासकर
इंग्लंडः अगो (अश्विनी गोरे)
अमेरिका: पेशवा (जयवंत काकडे), अनिलभाई (अनिल सांगोडकर)
वाद्यवृंदः प्रशांत लळीत, विजू तांबे, ऊमाशंकर शुक्ल, जगदीश मयेकर, योग
संगीत संयोजकः प्रशांत लळीत
ध्वनिमुद्रण तंत्रज्ञः
झलक ऑडियो व्हिज्युअल टीम - आरती खोपकर (अवल), नंदन कुलकर्णी (नंद्या), हिमांशु कुलकर्णी (हिम्सकूल) आणि आरती रानडे (RAR) निर्मिती: maayboli.inc
*****
डाऊनलोड / Download:
मायबोलीचे शीर्षकगीत तुम्ही या दुव्यावरून तुमच्या संगणकावर/MP3 प्लेयरवर उतरवून घेऊ शकता.
रिंगटोनः
खास लोकाग्रहास्तव योगेश जोशी यांनी आपल्या शीर्षकगीताचे २ रींगटोन बनवले आहेत. ते तुम्ही खालील दुव्यांवर right click करून आपल्या संगणकांवर्/फोनवर साठवू शकता.
रींगटोन १ - आलाप
रींगटोन २ - ध्रुवपद
कायदेशीर सूचना:
१) संपूर्ण गाणं मायबोलीवरून डाऊनलोड करता येईल. गाण्याचे सगळे हक्क मायबोलिकडे असले तरी गाणं डाऊनलोड करणे, गाण्याची हवी तितकी वेळा कॉपी करणे, दुसर्‍याला देणे, कुठल्याहि माध्यमात (radio, TV etc), सार्वजनिक रित्या वाजवणे हे सगळे करण्याचा पूर्ण कायदेशीर परवाना असेल. कुणाचीही परवानगी लागणार नाही.
२) इतकेच नाहि तर कुणिही आपल्या ब्लॉगवरूनही त्याची प्रत Download साठी ठेवू शकतो. फक्त यासाठी काम केलेल्या सगळ्यांचा आदर म्हणून आणि त्यांना त्याचे श्रेय मिळावे म्हणून maayboli.com/sheershakgeet ही लिंक द्यावी लागेल.
३) गाण्याचे काहीच तुकडे दुसर्‍या कामात वापरणे, गाण्यात बदल करणे, वाजवण्याव्यतिरिक्त इतर कुठलाही आर्थिक फायदा मिळवणे (उदा. फक्त याच एकट्या गाण्याची सीडी करून विकणे), गाणे किंवा गाण्याचा भाग मायबोलीच्या कारणाव्यतिरिक्त इतर कुठेही जाहिरातीसाठी (किंवा इतर कुठल्याही कारणासाठी) वापरणे असे करता येणार नाही.
४) एखाद्या सीडी अल्बममधे इतर गाण्यांबरोबर जर मायबोली गीत समाविष्ट करायचे असेल तर खालील अटींनुसार परवानगी असेल. गाणे संपूर्ण असावे, आणि maayboli.com/sheershakgeet ही लिंक असावी आणि या गाण्याचे सर्व हक्क मायबोलीकडे आहेत याचा उल्लेख पॅकेजिंगवर असावा. पण वर २ मधे लिहल्याप्रमाणे फक्त या एका गाण्याचा (किंवा टीझरचा) अल्बम करता येणार नाही.
कदाचित मराठी गाण्यांच्या इतिहासात हे पहिलंच गाणं असेल की गाण्याचे मालकी हक्क असूनही रितसर हव्या तितक्या वेळा कॉपी करण्याची, वाजवण्याची कायदेशीर परवानगी दिली जाते आहे. त्यामुळे प्रत्येक प्रत आपोआप कायदेशीर असेल.
-मायबोली.कॉम
मायबोली शीर्षकगीत ऐका:
या उपक्रमाचे मुख्य संयोजक योगेश जोशी यांचे मनोगत:
हे गीत खर्‍या अर्थाने मायबोलीकरांचे गीत असावे आणि त्याला जागतिक स्वरूप असावे ही संकल्पना प्रत्यक्षात साकारताना मुख्यत्वे तीन गोष्टींना प्राधान्य दिले होते. गीतकार उल्हास भिडे यांनी लिहिलेल्या अतिशय दर्जेदार गीताला व त्यातील शब्दांना न्याय देणे, या गीताला दिलेल्या संगीत साजाला न्याय देणे, आणि यात सहभागी झालेल्या मायबोलीकरांच्या प्रयत्नांना न्याय देणे. दर्जात कुठलीही तडजोड न करता या सर्वांचे संतुलन राखणे ही एक प्रकारे तिहेरी कसरतच होती. शिवाय हे गीत ऐकणार्‍याच्या ओठी सहज बसेल, मायबोलीकरांना सहज गुणगुणता येईल, खेरीज हे गीत सर्व "मायबोलीकर" वा मायबोलीकर नसलेल्या सर्वांच्या मनात रुजेल, अशा प्रकारे त्याला संगीतबद्ध करायचे हेच उद्दिष्ट डोळ्यापुढे ठेवून पुढील वाटचाल करायचे ठरवले होते. या गीताशी संबंधित सर्वांचे संपूर्ण सहकार्य व सहभाग केवळ यांमुळेच ही कसरत शक्य झाली आणि एकंदरीत मायबोली शीर्षकगीत कुण्या एकाचे न राहता सर्वांचे झाले हेच या गीताचे यश म्हणावे लागेल. किंबहुना यातील सहभागी ज्येष्ठ मायबोलीकरांचे शुभाशिर्वाद, समवयस्क मायबोलीकर गायकांचे प्रोत्साहन, बालगोपाळांनी आपल्या सुरांतून गुंफलेले मोती, सर्वांच्या कुटुबियांनी दिलेला पाठींबा, आणि मायबोली संस्थापक व अ‍ॅडमिन टीम यांनी वेळोवेळी केलेली मदत व मार्गदर्शन या "पंचम" संगमातून हे गीत जणू परिपूर्ण झाले आहे. ज्यांचे संगीत ऐकून आमच्या पिढीची कर्णेंद्रिये "सूर" समजू लागली आणि नादब्रह्माचे माझे दैवत- पंचम दा (आर.डी. बर्मन) यांचा जणू अशाप्रकारे आशीर्वाद या गीताला लाभला आहे असे मी मानतो.
यातील सहभागी जवळ जवळ सर्वच मायबोलीकर (एक दोन अपवाद वगळता) हे व्यावसायिक गायक नाहीत. त्या सर्वांनी आपापले दैनंदिन व्यवसाय, घर, जबाबदार्‍या हे सर्व संभाळून या गीतासाठी केलेली मेहनत व सर्व प्रकारे केलेली मदत, या सर्वाचे मोल माझ्या लेखी अधिक आहे. जगाच्या वेगवेगळ्या भागात वा शहरात राहणार्‍या तरीही "मायबोलीकर" या एका नात्याने एकाच मायबोली कुटुंबाचे सदस्य असलेल्या अशा या गीताशी संबंधित सर्वांचे योगदान याला "मायबोली स्पिरीट" असे म्हटले तर वावगे ठरू नये.
या जागतिक मायबोली गीताचा गेले जवळजवळ पाच महिने सुरू असलेला अद्भुत प्रवास आज अंतिम मुक्कामी पोहोचला आहे. या संपूर्ण प्रवासात या गीतातील प्रत्येक शब्द या गीताशी संबंधीत सर्वांनीच अक्षरशः जगला आहे हे सर्वांच्या अनुभव लेखनातून स्पष्ट होते.
या शीर्षकगीताच्या विस्मयजनक वाटचालीचे व्यापक स्वरूपः
जगभरातील पाच देशातील विविध शहरांमध्ये स्थायिक असलेले आणि वय वर्षे चार ते साठ या वयोगटातील असे २१ मायबोलीकर गायक, संगीतकार, संगीत संयोजक व वाद्यवृंद. मुंबई, पुणे, दुबई या शहरांतील स्टुडियोंमध्ये व ईंग्लंड, अमेरिका, कुवेतयेथिल मायबोलीकरांनी घरीच केलेले ध्वनिमुद्रण, अनेकविध वाद्यांचा वापर, तसेच आंतरजालावरील इमेल, वेबचॅट, स्काइप, सारख्या तत्सम तंत्रांच्या सहाय्याने या गीताच्या शब्द, सूर यांची झालेली देवाणघेवाण, सरावसत्रे, आणि शेवटी आंतरजालावरच (मायबोली.कॉम) या गीताचे होणारे प्रकाशन.
जवळ जवळ पंधरा वर्षांचा इतिहास व दर्जेदार साहित्यिक परंपरा असलेल्या "मायबोली.कॉम" या संकेतस्थळाची आजवरची ओळख ही "मायबोलीशी नातं सांगणार्‍या जगभरच्या पाऊलखुणा" अशी असली तरी या मायबोली शीर्षकगीतामुळे आजपासून "आंतरजालाच्या जागतिक नकाशावर मायबोलीच्या पाऊलखुणा" आता कायमस्वरूपी कोरल्या गेल्या आहेत, असेच एक मायबोलीकर म्हणून म्हणावेसे वाटते.
मायबोलीच्या इतिहासात या शीर्षकगीताच्या रूपाने फूल ना फुलाची पाकळी म्हणून एक कायमस्वरूपी ठेव या गीताशी संबंधीत सर्वांच्या नावाने कायम राहील या भावनेने नतमस्तक व्हायला होते आणि मायबोलीचा अभिमान वाटतो.
वर म्हटले तसे मुळात गीताचा आत्मा श्रीमंत आहे. त्याला सुरात साकारणारे कलाकार यांचे प्रयत्न व कार्यासक्ती तितकीच उल्लेखनीय आहे. त्यामुळे जर काही दोष, उणीव असेल तर या गीताचा संगीतकार व या टीमचा एक प्रतिनिधी या नात्याने त्या जबाबदारीची मला संपूर्ण जाणीव आहे. खरे तर कुठलीही कलाकृती (गीत, संगीत, चित्र, इ.) ही जास्ती जास्त वाचक, श्रोत्यांपर्यंत पोहचावी हेच कुठल्याही कलाकारासाठी सर्वात महत्वाचे असते. कलाकाराचा आणि त्याचबरोबर कलेचाही विकास होण्यात ही गोष्ट अत्यंत महत्त्वाची आहे यात दुमत नसावे. मायबोलीने असे जागतिक व्यासपीठ उपलब्ध करून दिल्याने आज हे गीत शब्दशः सातासमुद्रापार पोहोचले आहे. एखाद्या कलाकाराला अधिक काय हवे?
बाकी रसिक श्रोता हाच मायबाप सरकार असल्याने त्याचे मत, अभिप्राय, आवड, निवड सर्वच शिरसावंद्य!
मायबोली शीर्षकगीत हे निव्वळ गीत नसून एक विचार आहे, संकल्पना आहे, अनुभव आहे, अभिव्यक्तीचे प्रकटीकरण आहे. म्हणूनच निव्वळ शब्द, सूर, ताल, लय या चौकटीत न अडकता हे गीत रसिक श्रोत्यांच्या मनाच्या संवेदनातून हृदयाच्या गाभार्‍यात वसेल अशी प्रामाणिक सदिच्छा व्यक्त करतो.
-योग (योगेश जोशी)
वरील गीतातील गायक क्रमः (मूळ गीत ईथे आहे.)
[मायबोली.....] (भुंगा)
भाषा मराठमोळी, हर अंतरी फुलावी
घेऊन ध्यास आली उदयास मायबोली (अनिताताई, योग)
भाषा मराठमोळी, हर अंतरी फुलावी
घेउन ध्यास आली उदयास मायबोली ║धृ║ (समूह- मुंबई, पुणे, दुबई)
मिटवून अंतराला, जोडून अंतरांना
ही स्नेहजाल विणते, विश्वात मायबोली (अगो व पेशवा)
[विश्वात मायबोली] (भुंगा) ||१||
सदरांच्या पदरांनी, प्रत्यंगी नटलेली (अनिलभाई)
सदरांच्या पदरांनी, प्रत्यंगी नटलेली (अंबर व जयवी)
साहित्य वाङ्मयाची, ही खाण मायबोली (सई) ||२||
[युडलिंग (योग) आणि कोरस (अनिताताई, रैना)]
सार्‍या कलागुणांना, दे वाव मायबोली (प्रमोद देव व रैना)
सार्‍या नवोदितांची, ही माय मायबोली (प्रमोद देव, व रैना)
सार्‍या नवोदितांची, ही माय मायबोली (देविका, कौशल, सृजन व समूह- विवेक देसाई, भुंगा, प्रमोद देव)
ही माय मायबोली (सृजन)
भाषा मराठमोळी, हर अंतरी फुलावी (दिया व समूह)
घेउन ध्यास आली उदयास मायबोली (दिया व समूह) ||३||
चर्चा, मतांतरांची, अन् वादविवादांची (वर्षा व अनिताताई)
[मधले संवाद- भुंगा, रैना व योग]
चर्चा, मतांतरांची, अन् वादविवादांची (मिहीर)
परिणती सुसंवादी, घडविते मायबोली (मिहीर व समूह- विवेक देसाई, भुंगा, प्रमोद देव)
परिणती सुसंवादी, घडविते मायबोली (अनिताताई, सई, स्मिता, पद्मजा) ||४||
सहजीच जीवनाचा, अविभाज्य भाग झाली (योग व सारिका)
[हार्मनी समूह-भुंगा, प्रमोद देव, विवेक देसाई, पद्मजा, सई, स्मिता]
अमुच्या मनी विराजे, अभिजात मायबोली (योग, सारिका व सर्व गायक)
अमुच्या मनी विराजे, अभिजात मायबोली (पुरूष व स्त्री गायक)
अभिजात मायबोली (सर्व) ║५║
मायबोली.. (सर्व गायक)
संपूर्ण श्रेयनामावली:
गीतकारः ऊल्हास भिडे
संगीतकारः योग (योगेश जोशी)
गायकः
मुंबई: रैना (मुग्धा कारंजेकर), अनिताताई(अनिता आठवले), प्रमोद देव, भुंगा (मिलींद पाध्ये), सृजन (सृजन पळसकर- मायबोलीकर युगंधर व भानू यांचा मुलगा)
पुणे: विवेक देसाई, सई (सई कोडोलीकर), पद्मजा_जो (पद्मजा जोशी), स्मिता गद्रे, अंबर (अंबर कर्वे), सायबर मिहीर (मिहीर देशपांडे)
दुबई (सं. अरब अमिराती): देविका आणि कौशल केंभावी (मायबोलीकर श्यामली ची मुले), सारिका टेंबे (सौ. योग), दिया जोशी (योग व सारिका ची मुलगी), योग (योगेश जोशी), वर्षा नायर
कुवेतः जयवी-जयश्री अंबासकर
इंग्लंडः अगो (अश्विनी गोरे)
अमेरिका: पेशवा (जयवंत काकडे), अनिलभाई (अनिल सांगोडकर)
वाद्यवृंदः प्रशांत लळीत, विजू तांबे, ऊमाशंकर शुक्ल, जगदीश मयेकर, योग
संगीत संयोजकः प्रशांत लळीत
ध्वनिमुद्रण तंत्रज्ञः
- नदीम- ईंम्पॅक्ट स्टुडीयो, सांताक्रुझ, मुंबई.
- जयदेव- साऊंड आइयडीयाझ, एरंडवणे, पुणे.
- संजय- नेहा ऑडीयो ईफेक्टस, दत्तवाडी, पुणे.
- मेरशाद- अल शिबाक मुझिक सेंटर, दुबई.
झलक ऑडियो व्हिज्युअल टीम - आरती खोपकर (अवल), नंदन कुलकर्णी (नंद्या), हिमांशु कुलकर्णी (हिम्सकूल) आणि आरती रानडे (RAR) निर्मिती: maayboli.inc
*****
डाऊनलोड / Download:
मायबोलीचे शीर्षकगीत तुम्ही या दुव्यावरून तुमच्या संगणकावर/MP3 प्लेयरवर उतरवून घेऊ शकता.
रिंगटोनः
खास लोकाग्रहास्तव योगेश जोशी यांनी आपल्या शीर्षकगीताचे २ रींगटोन बनवले आहेत. ते तुम्ही खालील दुव्यांवर right click करून आपल्या संगणकांवर्/फोनवर साठवू शकता.
रींगटोन १ - आलाप
रींगटोन २ - ध्रुवपद
कायदेशीर सूचना:
१) संपूर्ण गाणं मायबोलीवरून डाऊनलोड करता येईल. गाण्याचे सगळे हक्क मायबोलिकडे असले तरी गाणं डाऊनलोड करणे, गाण्याची हवी तितकी वेळा कॉपी करणे, दुसर्‍याला देणे, कुठल्याहि माध्यमात (radio, TV etc), सार्वजनिक रित्या वाजवणे हे सगळे करण्याचा पूर्ण कायदेशीर परवाना असेल. कुणाचीही परवानगी लागणार नाही.
२) इतकेच नाहि तर कुणिही आपल्या ब्लॉगवरूनही त्याची प्रत Download साठी ठेवू शकतो. फक्त यासाठी काम केलेल्या सगळ्यांचा आदर म्हणून आणि त्यांना त्याचे श्रेय मिळावे म्हणून maayboli.com/sheershakgeet ही लिंक द्यावी लागेल.
३) गाण्याचे काहीच तुकडे दुसर्‍या कामात वापरणे, गाण्यात बदल करणे, वाजवण्याव्यतिरिक्त इतर कुठलाही आर्थिक फायदा मिळवणे (उदा. फक्त याच एकट्या गाण्याची सीडी करून विकणे), गाणे किंवा गाण्याचा भाग मायबोलीच्या कारणाव्यतिरिक्त इतर कुठेही जाहिरातीसाठी (किंवा इतर कुठल्याही कारणासाठी) वापरणे असे करता येणार नाही.
४) एखाद्या सीडी अल्बममधे इतर गाण्यांबरोबर जर मायबोली गीत समाविष्ट करायचे असेल तर खालील अटींनुसार परवानगी असेल. गाणे संपूर्ण असावे, आणि maayboli.com/sheershakgeet ही लिंक असावी आणि या गाण्याचे सर्व हक्क मायबोलीकडे आहेत याचा उल्लेख पॅकेजिंगवर असावा. पण वर २ मधे लिहल्याप्रमाणे फक्त या एका गाण्याचा (किंवा टीझरचा) अल्बम करता येणार नाही.
कदाचित मराठी गाण्यांच्या इतिहासात हे पहिलंच गाणं असेल की गाण्याचे मालकी हक्क असूनही रितसर हव्या तितक्या वेळा कॉपी करण्याची, वाजवण्याची कायदेशीर परवानगी दिली जाते आहे. त्यामुळे प्रत्येक प्रत आपोआप कायदेशीर असेल.
विषय:
शब्दखुणा:
Groups audience:
Group content visibility:
Public - accessible to all site users
शेअर करा
खूप मस्त वाटतंय आज शीर्षकगीत
खूप मस्त वाटतंय आज शीर्षकगीत ऐकून. वर बर्‍याच जणांनी लिहिलं आहे तसे वेगवेगळे पोत असलेले आवाज हे ह्या गाण्याचं वैशिष्ट्य ठरलं आहे आणि एवढे गायक असले तरी गाण्याचा एकजिनसीपणा कुठेही कमी झाला नाहीये. योगने लिहिले आहे तसे मुळात गीताचा आणि चालीचाही आत्मा श्रीमंत आहे त्यामुळे गीत ऐकताना भरुन येणे अगदी साहजिक आहे.
सगळ्यांची मनोगतं वाचताना जाणवलं की इतरांनी किती अडचणींतून, व्यापांतून वेळ काढला गाण्यासाठी. त्यामानाने माझ्यासाठी बर्‍याच सहज झाल्या गोष्टी. घरच्याघरीच गाणं ऐकायला, शिकायला, गायला मिळालं. तरी जी काही किंचित धडपड केली ती सार्थकी लागली ह्याचं समाधान मिळतंय गाणं ऐकल्यावर
खूप छान झालय शीर्षकगीत. या
खूप छान झालय शीर्षकगीत. या उपक्रमात सहभागी झालेल्या समस्त मायबोलीकरांचे खूप खूप अभिनंदन. हे गाणं ऐकतानाच इतकी मजा येतेय तर ते शिकताना, गाताना किती मजा आली असेल. शिर्षकगीताची चाल, शब्द केवळ अप्रतिम.<< एवढे गायक असले तरी गाण्याचा एकजिनसीपणा कुठेही कमी झाला नाहीये. >> १००% अनुमोदन.
भन्नाट!!! प्रत्येक
भन्नाट!!!
प्रत्येक माबोकराच्या मनातल्या भावना गितातुन प्रकट होत आहेत.
अभिमान आहे आम्हास, तुझा मायबोली!!!
फार फार मस्त! संगीत,
फार फार मस्त! संगीत, सगळ्यांचे आवाज, ही कंसेप्ट सगळंच झकास!
सर्व टीमचे अभिनंदन. योग, तुमचं विशेष कौतुक.
खुप छान! या प्रोजेक्टमध्ये
खुप छान! या प्रोजेक्टमध्ये सहभाग असणार्‍या सगळ्यांचे मनःपुर्वक अभिनंदन!!
या कानसेनाची संगीतकार योग यांना एक छोटिशी विनंतीवजा फर्माईशः वाचनात आलं कि सगळ्या गायकांकडुन संपुर्ण गाणं ध्वनीमुद्रित केलं आणि नंतर तुकडे जोडले. शक्य झाल्यास सई, पेशवा आणि दिया यांच्या स्वतंत्र आवाजातलं गाणं ऐकायला आवडेल.
डायरेक्टर्स कट, डिलिटेड सीन्स (मेकिंग ऑफ मायबोली शीर्षकगीत) या धर्तीवर...
इतकं छान वाटलं ना ऐकताना,
इतकं छान वाटलं ना ऐकताना, शब्दच नाहीत... अंगावर रोमांच आले माझ्या .... सगळ्यांचं खूप कौतूक, धन्स हे सुरेख गाणं दिल्याबद्दल.
धन्यवाद लोक्स! सर्व जण ईतके
धन्यवाद लोक्स! सर्व जण ईतके छान अभिप्राय देत आहात.. सर्वच अभिप्रायांतून बरच काही मोलाचं सापडत आहे.
शीर्षकगीत हे फक्त या टीम चं राहिलं नसून अखिल मायबोलीचं झालय हे वाचून खूप बरे वाटले- "याच साठी केला होता अट्टहास" !
मायबोली प्रशासनाने ठेवलेल्या विश्वास व जबाबदारीस आम्ही टीम बरेच अंशी खरे ऊतरलो या भावनेत किती सुकून आहे!
अप्रतिम, ऑफिस मधे दिवस भर काम
अप्रतिम, ऑफिस मधे दिवस भर काम करतांना खुपदा ऐकलं गाणं..वॉव.. रोमांचक...डोळे पाणावले..धन्यवाद माबो..धन्यवाद योग...हा क्षण अनुभवायला दिल्याबद्दल..ऊल्हास काका आणि सगळ्यांचेच कौतुक आणि अभिनंदन!!
गाणं सुरेखच जमलय .. सगळ्या
गाणं सुरेखच जमलय .. सगळ्या टिम चं अभिनंदन !
आणि हे पण टाकायची आयडिआ भारी
[मधले संवाद- भुंगा, रैना व योग]
हेमाशेपो' 'हजार मोदक' 'अनुमोदन' 'विषयाला धरून बोला' 'अ‍ॅडमिन ना वि.पु. करा' 'आता पुरे' 'हटकेश्वर' !!!
गाणं पाठ झालय इतक्या वेळा
गाणं पाठ झालय इतक्या वेळा एकलय..गोड चाल आहे.
फक्त.. जरा योडलिंग उगीच वाटले(जागा चुकली असे). ( .. हा प्रतिसाद म्हणजे '... खाणारा म्हणतो वातड' वाटेल.. तेव्हा राग नसावा स्पष्ट प्रतिसादाबद्दल)
सुरेख ! सर्वांचं हार्दिक
सुरेख ! सर्वांचं हार्दिक अभिनंदन !!!
श्रोत्यांच्या मनाच्या
श्रोत्यांच्या मनाच्या संवेदनातून हृदयाच्या गाभार्‍यात वसेल अशी प्रामाणिक सदिच्छा व्यक्त करतो.
>>> बस. अगदी हेच झालय.
पण शब्द, सूर, ताल, लय सगळच अगदी मस्त जुळुन आलय.
योग,
हे अस साता समुद्रापलीकडुन जमवायच, तुच करु जाणे.
-----^----- त्रिवार अभिनंदन.
बाकी सगळे गायक आहेतच. मला पण उगाचाच 'गायक' झाल्यासारख वाटतय.
आपली मायबोली आहेच अशी मस्त..
अ प्र ति म कसं जमवलं
अ प्र ति म
कसं जमवलं असेल हे सगळं? सोप्पं नक्कीच नाहीये. सगळ्या सगळ्यांचं अभिनंदन. ह्या अशा प्रोजेक्टमधे काम करायला मिळणं हीच मुळात अतिशय भाग्याची गोष्टं आहे...
योग, तुझं खास अभिनंदन. "गाणं" खरच सुंदर झालं आहे.
(दियाची "मायबोली"... भाsssरी)
मायबोलीवरच्या कवींची इतर
मायबोलीवरच्या कवींची इतर सुरेख गीते घेऊन या शीर्षक-गीतासकट एक 'मायबोली' गीतांचा संच काढायला हरकत नाही.
वा! गाणं ऐकून चेहर्‍यावर
वा! गाणं ऐकून चेहर्‍यावर आपोआप स्मित उमटतंय. अगोचा आणि सईचा आवाज विशेष आवडला मला.
सगळ्या टिमच अभिनंदन!!!
सगळ्या टिमच अभिनंदन!!!
छानच. कल्पना, ग्लोबलाईज्ड
छानच. कल्पना, ग्लोबलाईज्ड टिमवर्क, गाणं, गायक, बालगायक अगदी सगळच छान जमून आलय.
सगळ्यांच अभिनंदन आणि कौतुक.
इतक्या वेगवेगळ्या देशातील आणि
इतक्या वेगवेगळ्या देशातील आणि खंडातील लोकांनी एकत्र येऊन गाणं बनवणं हा एक विक्रम आहे....खरच सुंदर.... ह्याची अधिक्रुत विक्रम म्हणून नोंद होइल का?
वॉव, एकदम झकास झालंय.
वॉव, एकदम झकास झालंय. सर्वांचं हार्दिक अभिनंदन !!!
>> (दियाची "मायबोली"... भाsssरी)
अनुमोदन !!
अभिनंदन! मस्त वाटतयं ऐकताना!
अभिनंदन! मस्त वाटतयं ऐकताना!
खूप सुंदर. झलक ऐकल्यावर पूर्ण
खूप सुंदर.
झलक ऐकल्यावर पूर्ण गाणं ऐकायची उत्सुकता होती.
सतार आणि बासरी अप्रतिम !
अगो, रैना, सई, भुंगा- यांचे आवाज विशेष आवडले.
छोट्या दियाचा आवाजही खूप गोड आहे.
ते मधले संवाद पण मस्तच !
ह्या गाण्याच्या निर्मितीत सहभाग घेतलेल्या सर्वांचं कौतुक वाटतं.
अभिनंदन आणि आभार !
सुरेख .. अगदी मराठमोळं झालंय
सुरेख ..
अगदी मराठमोळं झालंय गाणं .. आणि पुर्वी टिव्हीवर लोकसेवा संचार परिषदेच्या वगैरे फिल्म्स असायच्या त्याची आठवण झाली .. जगातल्या वेगवेगळ्या backdrops वर मराठ्मोळी वेषभूशा केलेल्या मायबोलीकरांचा व्हिडीयो केला की झालं ..
व्वॉव ! एकदम सुपर डुपर झालयं
व्वॉव ! एकदम सुपर डुपर झालयं मायबोली शीर्षकगीत.
सगळ्या सहभागी टीमचं खुप खुप कौतुक आणि धन्यवाद .
अतिशय अतिशय अतिशय अतिशय अतिशय
अतिशय अतिशय अतिशय अतिशय अतिशय अतिशय अतिशय अतिशय अतिशय अतिशय
(हे पानभर लिहलं तरी अपुरंच)
आवडलं हे शीर्षकगीत.
योग यांचं विषेश कौतूक. त्यांनी भयानक सुंदर कम्पोज केलयं. ते एक यशस्वी संगीतकार म्हणून नावारूपाला येवू शकतात. (आधीच असतील तर क्षमा असावी.)
उकाकांचा तर जवाब नही.
बाकी इतरांचं योगदानही सुरेख.
भुंग्याचा सुरूवातीचा 'मायबोली' असा जो आलाप की काय म्हणतात? तो आहे, तो तर भन्नाटच. योग यांचा 'योडलिंग' पण जबरदस्त. (तसलं किशोर कुमारांचं 'योडलिंग' मलापण करता येत होतं म्हटलं.
)
आणि हो छोट्या मुलांचा आवाजपण 'ग्गोड' आहे. गीतात योग्य वापर केल्याबद्दल पुन्हा योग यांचं कौतूक.
जबरदस्त झालंय शिर्षक गीत.
जबरदस्त झालंय शिर्षक गीत.
अभिनंदन._/\_
हे "मायबोली शीर्षकगीत", ०० ते ५८ सेकंद कट करुन मी माझ्या 'मोबाइल रिंगटोन्स' साठी वापरू शकतो का.?
सर्वांचे अभिनंदन. अजुन ऐकले
सर्वांचे अभिनंदन. अजुन ऐकले नाहिये. आधी डाउन्लोड करते. मस्त असणार यात शंकाच नायबा
मला अजुनही हे गाण ऐकायला मिळत
मला अजुनही हे गाण ऐकायला मिळत नाहीये
रविवार पर्यन्त वाट बघायला लागेल 
इमेल वर पाठवणे शक्य असेल तर jayvijayn@gmail.com वर पाठवा ना कोणीतरी , म्हणजे आजच पेनड्राईव वर घेऊन घरी ऐकवतो.
वेताळा, तू बनवलास रिन्ग टोन
वेताळा, तू बनवलास रिन्ग टोन की मलाही इमेल वरुन पाठव बर
लिंबुभौ मायबोली शिर्षक गीत
लिंबुभौ मायबोली शिर्षक गीत तुम्हाला पाठविले आहे. उतरवून घ्या पहा चालतेय का ते.?
सर्व टीमचे मनःपूर्वक अभिनंदन
सर्व टीमचे मनःपूर्वक अभिनंदन आणि खुप खुप खुप खुप धन्यवाद!!!!!!
पण गाणं ऐकताना खरंच डोळ्यात पाणी आलं. मायबोलीने आणि माबोकरानी आतापर्यंत काय काय दिलं ते सर्व आठवून गेलं. >>>>>>+१
अनिताताई तुमच्याबद्दल खरच आदर वाटतो.किती अ‍ॅक्टिव आहात तुम्हि.
>>>>>>>>>>>>>>>>>>>अगदी अगदी __/\__.
Pages