अमेरिकन वॅफल्स

१. वॅफल मेकर प्रथम गरम करावा.

२. सर्व कोरडे पदार्थ(मैदा, कणिक, बेकिंग सोडा, बेकिंग पावडर, मीठ व साखर) एका भांड्यात एकत्र करुन मिसळावे.

३. अंडी व बटर दुसर्‍या भांड्यात एकत्र करुन फेटून घ्यावीत व नंतर त्यात ताक घालून थोडेसे घुसळावे.

४. वरील म्हणजे क्र. ३ मधल्या द्रव पदार्थांचे मिश्रण क्र. २ मधल्या कोरड्या पदार्थांच्या मिश्रणावर ओतावे(असे का? त्यामुळे सगळे पदार्थ एकत्र करताना आजुबाजूला सांडत/पडत नाहित) आणि अगदी थोडेसे(१०-१२ वेळा फिरवा)/थोडा वेळच(१-२ मि.) मिक्स करा. सगळ्यात महत्वाचे म्हणजे त्यानंतर ५ मिनिटे तसेच ठेऊन द्या(त्यात थोड्या गुठळ्या, कोरड्या कणकेची पावडर दिसली तरी चालेल, ते ५ मि. ठेवणे महत्वाचे आहे).

५. आता वॅफल मेकरवर व्हेजिटेबल स्प्रे चा एक हलकासा थर द्या आणि त्यानंतर मध्यम आकाराच्या डावाने क्र. ४ मधले मिश्रण त्यावर टाका(हे बरेचसे वॅफल मेकरच्या साईजवर पण अवलंबून असेल). वॅफल मेकरचे वरचे झाकण बंद करुन ते तांबूस होईपर्यंत शिजू द्यावेत(२-४ मि.)

व नंतर लगेच मेपल सिरप बरोबर वाढावेत.