लाल डबीतला पाच अवरणांखाली लपलेला मोती ?

परवा एक वेगळेच फळ पाहायला मिळाले. तळहाताच्या ओंजळीत मावेल इतके!

मध्यातून हळूच उकलले अन

आणि पूर्ण उघडले

नाही मी नाही अ‍ॅरेंज केली द्राक्ष यात निसर्गाची जादू पहा, फळाच्या टरफलाला ही काळी छोटी फळं लगडलीत.

ही सगळी छोटी फळं काढली तेव्हा हे टरफलही कित्ती सुंदर दिसले

त्यातले काळे छोटे फळ सोलले. वरचे हे लाल अवरण, त्याच्या आत काळे पांतळ साल, त्या आत पांढरे नाजूक साल, आतले काळे टणक अवरण, त्या आतले स्किन कलरचे पांतळ साल काढले अन, त्यातून निघाला हा मोती !

अन हा संपूर्ण सोललेला मोती !

माझी मैत्रीण कम मावशी जुनागडला गेल्या होत्या. तिथे त्यांना हे फळ दिसले. वेगळे म्हणून त्यांनी लगेच चौकशी केली. तेव्हा त्या फळवाल्याने हे पिस्त्याचे फळ आहे असे सांगितले. त्यांनी लगेच डझनभर खरेदी केली. आल्यावर आम्हा सगळ्यांना दाखवली. मी नेटवर सर्च केलं पण मला काही या फळाची माहिती सापडली नाही. पिस्त्याचे फळ नेटवरती खुपच वेगळे आढळले. कोणी माहिती द्याल का हे कसले फळ आहे ? चव मात्र अगदी पिस्त्यासारखीच आहे. अगदी थोडा फरक वाटतोय. पिस्ता अन काजू यांच्या मधली काहीशी. जागू, दिनेशदा आणि माहितगार प्लिज मदत करा ना .