Submitted by ग्लोरी on 3 December, 2011 - 04:36
आला ऋतु नवा बाई आला ऋतु नवा
पावसात ऊन आणि उन्हात गारवा
झुळुझुळु वाहे झरे
झुले गवताचे तुरे
डोळ्यांमधे भरे बाई फुलांचा ताटवा
हिरवी हिरवी झाली वाट
हिरवा हिरवा नदीकाठ
हिरव्यागार झाडावर पोपटाचा थवा
कोकिळेचा चढे सूर
साद देतात मयूर
रानभर पसरला गोडवा गोडवा
आला ऋतु नवा बाई आला ऋतु नवा
- ग्लोरी
गुलमोहर:
शब्दखुणा:
शेअर करा
सुंदर्,मोठ्यानाही आवडली की!
सुंदर्,मोठ्यानाही आवडली की!