सुश्राव्य संगीत - तुंदिलतनु श्री गणेश! - केदार पावनगडकर

Submitted by संयोजक on 1 September, 2011 - 13:46

एकदंत, वक्रतुंड रूप गोड गोजिरे
तुंदिलतनू श्रीगणेश नृत्य करी साजिरे || धृ ||

ताल देतसे समीर, रुणझुणती घाग-या
चंचल चपला उतरे पावलांत नाच-या
सोनसाखळ्या चरणी, त्यांत जडविले हिरे
तुंदिलतनू श्रीगणेश नृत्य करी साजिरे || १ ||

मनमोहक हावभाव, मूक तरी बोलके
माय - तात गौरी-शिव पाहतात कौतुके
गिरकी घेता गणेश, सकल विश्वही फिरे
तुंदिलतनू श्रीगणेश नृत्य करी साजिरे || २ ||

सूर्य-चंद्र, गगन-धरा, गिरि-सागर दंगले
तीन लोक नृत्याच्या मोहिनीत रंगले
दिन-रजनी विसरुनिया काळ नर्तनी विरे
तुंदिलतनू श्रीगणेश नृत्य करी साजिरे || ३ ||

कवयित्री: क्रांति साडेकर
संगीत : प्रमोद देव
गायन : श्री केदार पावनगडकर
हार्मोनिअम : श्री केदार पावनगडकर
तबलासाथ : श्री सुहास कबरे
विषय: 
उपक्रम
शब्दखुणा: 
सुश्राव्य संगीत
श्रवणीय कार्यक्रम
मायबोली गणेशोत्सव सांस्कृतिक कार्यक्रम २०११
मायबोलीकरांची गाणी
Groups audience: 
मायबोली गणेशोत्सव २०११
Group content visibility: 
Public - accessible to all site users
शेअर करा

.

Submitted by संयोजक on 5 September, 2011 - 01:21

व्वा..............मस्तच !!
क्रांति.........काय सही शब्द आहेत गं.....!! "गणराज रंगी नाचतो" सारखं हे सुद्धा लोकप्रिय होणार Happy
अतिशय सुरेल आवाज !!!
देवकाका........ चाल आवडेश Happy

Submitted by जयवी -जयश्री अंबासकर on 5 September, 2011 - 02:51

छान.. शब्द, सूर, लय मस्त जुळलय..
(फक्त ध्वनिमुद्रणात खरखर येतीये त्यामूळे थोडे कानाला खटकते आहे. असो.)

Submitted by योग on 5 September, 2011 - 03:23

अत्यंत सुंदर झालेय गीत. Happy

माय - तात गौरी-शिव पाहतात कौतुके

गिरकी घेता गणेश, सकल विश्वही फिरे

सूर्य-चंद्र, गगन-धरा, गिरि-सागर दंगले

गीतकाव्याच्या दृष्टीने फ़ार उच्च कोटीच्या ओळी आहेत या. Happy

Submitted by अभय आर्वीकर on 5 September, 2011 - 08:10

क्रांति, गाण्याचे शब्द अतिशय आवडले.
प्रमोदकाका, चालही सुंदर आणि केदार ह्यांचं गायनही आवडलं. मनःपूर्वक धन्यवाद Happy

Submitted by अगो on 5 September, 2011 - 13:10

सही ! काय सुरेख आहे सगळेच... शब्द, चाल, गायन, साथ... वा वा !
क्रांति साडेकर, प्रमोद देव, केदार पावनगडकर, सुहास कबरे सर्वांना धन्यवाद !

Submitted by अवल on 9 September, 2011 - 10:30

समस्त प्रतिसादकांचे मनःपूर्वक आभार!
मागणी करताच अल्पावधीत इतकी सुंदर काव्यरचना करून दिल्याबद्दल क्रांतीचे खूप कौतुक वाटते.
हे गाणे आपल्या सुरेल आवाजात गाऊन दिल्याबद्दल केदारजी आणि उत्तम तबलासाथ केल्याबद्दल कबरेसाहेबांचेही मनःपूर्वक आभार!

मायबोलीने संधी दिल्यामुळेच इतक्या सुंदर गीताचा जन्म होऊ शकला आणि म्हणूनच मी मायबोली प्रशासनाचाही मनःपूर्वक आभारी आहे.

Submitted by प्रमोद देव on 11 September, 2011 - 08:53

अफाट! सही झाले आहे हे गाणे. क्रांती, केदार व प्रमोदकाका खरचं धन्यवाद. पण ध्वनीमुद्रन अजून चांगले करून घ्या. हे गाणे गाजेल ह्यात अजिबात शंका नाही.

Submitted by केदार on 11 September, 2011 - 09:48