प्रश्न आणि प्रश्न

नाही म्हणजे हे मायबोली, नेमकं आहे तरी काय?

हो ते सगळं ठीक आहे, तुम्ही हे दहा वर्ष करताय, पण त्याचा उद्देश काय?

तुम्ही सुरुवात कशी केली? प्लॅन काय होता आणि तो कितपत successful झाला?

पुढचा plan काय आहे? तो तुम्ही एकदा सांगून का नाही टाकत?

पैसे सुटतात का काही? का सगळ्या लष्कराच्या भाकर्‍या?

नाव मायबोली आणि मला तर कितीतरी पानं इंग्रजीत दिसतात ते कसं काय?

तुमची वेबसाईटची व्याख्या काय आहे हे स्पष्ट कराल का?

मला "वंदन करूनी धृतराष्ट्राचे, नंदन करूया महाराष्ट्राचे" हे गाणं मिळेल का?

खरंतर या कुठल्याही प्रश्नाचं माझ्याकडे याक्षणी उत्तर नाही. आणि उत्तर शोधुनही काढलं तरी ते महत्वाचं आहे का?

http://www.maayboli.com/about इथे म्हटल्याप्रमाणे
तुम्हाला, मायबोलीकरांना, मायबोली लाडकी वाटते, आपली वाटते. तुमची आपुलकी, जिव्हाळा आणि विश्वास संपादन करण्याचं भाग्य आम्हाला मिळालं यातंच सगळं आलं, नाही का?

-Admin