चिऊताई रुसली

एक चिऊताई रुसली
झाडावर जाऊन बसली,

तिकडुन आली खारुताई
म्हणाली चल खेळू काही,
चिऊताईने फिरवली मान,
खारूताईचा केला अपमान,

मग आले ससोबाभाऊ
चिऊला म्हणे खातेस का खाऊ?
हातात पाहुन गाजर मुळा
चिऊ म्हणाली "चल वेडाखुळा",

येऊन म्हणाली कोकिळराणी
गाऊ का गीत, माझि गोड वाणी,
नाक फेंदारून चिऊताई म्हणे
मला नाय आवडत रागदारी गाणी,

राघुदादा मैनाताई घारूताई आले
सगळे येऊन रुसवा काढुन गेले,
चिऊताई तरी ढीम्मच राहिली
गाल मात्र तिचे जास्तच फुगले,

झाडावर होती एक मनीमाऊ
चिऊला म्हणाली ताई मी येऊ?
मनीमाऊला पाहून घाबरली चिऊ
म्हणाली," माऊ आता घरीच जाऊ".