वृक्ष-वल्ली आम्हा सोयरी (भाग १)

माबोवरील निसर्गाच्या गप्पांमुळे आजकाल रस्त्यावरुन जाताना नजर झाडांकडे लागतेच पण टिव्हिवर पण एखादे झाड कुठल्या कोपर्‍यात दिसले तरी ते कसले असेल ह्याचे कुतुहल लागते. ह्या अशाच कुतुहलातुन मागच्या आठवड्यातील रविवारी मी मुलीला आणि माझ्या भाच्यांना खेळण्यांच्या गार्डन मध्ये घेउन न जाता झाडे असलेल्या गार्डनमध्ये घेउन गेले. मी शाळेत असताना ह्या गार्डनमध्ये एक दोन वेळा गेले होते. पण बर्‍याच वर्षांच्या गॅपनंतर मी त्या रविवारी गेले आणि मला त्या बागेची दशा पाहुन खुप वाईट वाटल. सगळी जुनी बांधकाम तोडलेली दिसत होती. झाडांची निगा राखलेली दिसत नव्हती. फक्त त्या झाडांना जगण्यापुरते पाणि सोडण्याचे काम तिथे आता होत असेल. पुर्वी कुणीतरी भिवंडीवाला नावाचे इसम त्यांनी ही बाग फुलवली होती. ते मुंबईलाच राहायचे पण हौशीखातर त्यांनी ही बाग फुलवली होती. पुर्वी जवळजवळ ४ ते ५ एकरांची ही वाडी होती. आता अर्धी विकल्यासारखी वाटते. पुर्वी ह्या बागेत सुचिपर्णी वृक्षही होते पण आता ते नामशेष झाले आहेत. त्या झाडाच्या पानांना सुईसारखे टोक असायचे. आम्ही ती पाने घेउन दुसर्‍यांना टोचण्याचे उपदव्याप करायचो. जाऊदे. आता त्यातुन जे काही चांगल राहील आहे ते मी टिपल आहे.

सुरुवातीलाच मला हे झाड दिसले. हे कोकमाचे आहे का ?

ही त्याची फळे होती. कदाचित सुकलेली असतील ती झाडावरच.

हे सुवर्णपत्रीचेच झाड आहे का ? त्याला फळ लागल होत. (दिनेशदा, साधना, जिप्सी, विजय ह्यांना नक्की माहीत असणार)

पर्जन्य वृक्षाचे भले मोठे झाड. हे बघुन मला हत्तीचाच भास झाला.

त्याच्याच वरच्या खोडाला ही बांडगुळ आपल अस्तित्व टिकवुन आहेत.

सुपारीसारख्या झाडाला ही फळे लागली होती.

कैलाशपतीचे फुल

कैलाशपतीच्या कळ्या

कैलास पतीची फळे

ऑरेंज बिट्टी

बिट्टीचे फळ

फिशटेलचे झुंबर

ह्या बागेला टिकवुन ठेवण्यासाठी पाण्याची सोय करणारी बिच्चारी विहीर.

विहीरीला चिकटलेले सुंदर नेचे.

पाणी ओढणारा पंप

वनस्पतीतज्ञ दिनेशदा तसेच जाणकारांनी कृपया वरच्या झाडांची अजुन माहीती द्यावी.