Name: मासे २२) करली/काटी
Cook time: २० मिनिटे
Yield: ५ ते ६ जणांसाठी
Cuisine: पारंपारीक मराठी
Ingredients: करली/काटी जर छोटी असतील तर त्यांची डोके; शेपुट काढुन; पोटातील घाण काढून तिन पाण्यांतुन धुवुन घ्यावीत. जर काटी मोठी असेल तर एक पुष्कळ होते. हया लांब काटीचे तुकडे तिरके करायचे म्हणजे काटे व्यवस्थित काढता येतात. कारण ह्याचे काटे तिरके पसरलेले असतात. ७-८लसुण पाकळ्या हिंग; हळद मसाला १ ते २ चमचे. मिठ तेल.

Submitted by जागू-प्राजक्ता-... on 15 March, 2011 - 07:14

प्रत्यक्षात लागणारा वेळ:

२० मिनिटे

लागणारे जिन्नस:

करली/काटी जर छोटी असतील तर त्यांची डोके, शेपुट काढुन, पोटातील घाण काढून तिन पाण्यांतुन धुवुन घ्यावीत. जर काटी मोठी असेल तर एक पुष्कळ होते. हया लांब काटीचे तुकडे तिरके करायचे म्हणजे काटे व्यवस्थित काढता येतात. कारण ह्याचे काटे तिरके पसरलेले असतात.
७-८लसुण पाकळ्या
हिंग, हळद
मसाला १ ते २ चमचे.
मिठ
तेल.

क्रमवार पाककृती:

तुकड्यांना पहिला हिंग, हळद, मिठ, मसाला लावुन घ्या. मग गरम गरम तव्यावर तेल सोडून तुकड्या तव्यात टाका. गॅस मिडीयम ठेवा. ५ मिनीटांची पलटा ५ मिनीटांत गॅस बंद करा आणि तयार व्हा काटे काढून चविष्ट मांस खायला. हाय काय नी नाय काय ? १० मिनीटांचा खेळ.

वाढणी/प्रमाण:

५ ते ६ जणांसाठी

अधिक टिपा:

काटी/करली नावावरुनच ह्याचा बोध होतो की ही काटेरी मच्छी आहे. छोटी करली दिसायला सुंदर असते. शेपुट व पर सोनेरी असतात. भरपुर काटे असतात ह्यात. त्यामुळे लहान मुलांच्या हातात देउच नका. त्यांना मांस काढून द्या. काटे भरपुर असल्याने अगदी हळू चविचविने खाण्याचा आनंद मिळतो. ही करली खुपच चविष्ट असते म्हणूनतर काटे काढण्याचा त्रास सहन करुनही आवडीने लोक खातात. करलीचे कालवणही छान लागते. इतर कालवणांप्रमाणेच हिचे कालवण करतात.

माहितीचा स्रोत:

आई

आहार:

पाककृती प्रकार:

प्रादेशिक:

शब्दखुणा:

Groups audience:

पाककृती आणि आहारशास्त्र

Group content visibility:

Public - accessible to all site users

शेअर करा

वा..... निकिता, कर्ली नी

वा..... निकिता, कर्ली नी तिस-याबद्दल वाचताना जीव हळहळला. आपल्या नशिबात आहे का कधी तिथली कर्ली नी तिस-या असे वाटुन गेले. नी माणकुराद वाचताना जीभ लाळेत तरंगायला लागली.

Submitted by साधना on 16 March, 2011 - 06:29