Name: मँगो केक
Cook time: ४० मिनिटे
Yield: खाण्याप्रमाणे... साधारण १५-२० मेडियम पिस होतील

Submitted by ksmita on 3 September, 2010 - 11:00

प्रत्यक्षात लागणारा वेळ:

४० मिनिटे

लागणारे जिन्नस:

१ कप बारीक रवा
१ कप आंब्याचा रस - फ्रेश/पल्प/टीन ( मी टीन मधला वापरला संपवायचा होता म्हणून..)
१/२ कप साखर ( गोडीनुसार प्रमाण कमी-अधिक करावे.)
१/४ कप तेल (कनोला/रिफाईंड/melted unsalted butter हि वापरता येईल. )
१ टीस्पून बेकींग पावडर
१ टीस्पून बेकींग सोडा
१ टीस्पून वेलची पावडर (नाही टाकली तरी चालेल)
बदामाचे पातळ उभे स्लाईस सजावटीसाठी

क्रमवार पाककृती:

एका मोठ्या बोलमधे रवा, तेल, वेलची पावडर ,बेकींग पावडर,बेकींग सोडा एकत्र करा.
यात साख्रर आणि आंब्याचा रस घालून मिश्रण एकजिव करुन घ्या
बेकींग ट्रे /डिश्/पॅन जराचे तेल लावुन तयार ठेवा
बोलमधले सगळे मिश्रणं बेकींग ट्रेमधे घालून त्यावर बदामाचे काप पसरवा.
ओवनमधे ३७५ डिग्रि फॅरनहाईट्ला २०-२५ मिनिटे बेक करा.
टुथ पिक टेस्ट करुन बघा. केक तयार झाला असेल तर गार झाल्यावर कट करुन खा.