सी. के. पी. पद्धतीचे मुगाचे बिरडे

संगमेश्वरी मिरच्या >> हे संकेश्वरी मिरच्या कर

परवा सिंडीकडे मुगाच्या साली आम्हाला काही सगळ्या काढता आल्या नाहित त्यामुळे मी जी आजोळुन सिकेपी आहे तिची, पक्षी माझी जात बुडली.

आरती, पुढच्या वेळी तुझ्या पद्धतीने बिरडं करुन पाहिन.

काल आयुष्यात पहिल्यांदा मूग सोलायचे धाडस केले. परत करेन का? माहिती नाही. पाककृती छानच आहे अर्थात

देऊ का झब्बू?

सीकेपी पध्दतीच्या बिरड्यांची रेसिपी टाकल्याबद्दल खास धन्यवाद -
एक (अर्धी) सीकेपी

आर्च, आधी तुझी जात सांग

ते मूग चांगले नव्हते गं अमृता (काय करावं बाई, सगळी कडे सांगत सुटलीये)

आरती, ये हुई ना बात. शेजारच्या काकुंनी लहानपणी भरपूर वेळा खाऊ घातलेय हे. त्यामुळे मूगाचे बिरडे म्हणजे असेच, असे माझे मत झाले.
पण कांदा कापणे, तो सवताळणे, ते खास हिरवे वाटण, ते आंबट वरण, ती गवारीची भाजी, त्या गूळपोळ्या, निनावं, कानवले.. सगळे करावे तर गुप्ते, सुळे, समर्थ, चौबळ, खोपकर, मथुरे, भिसे आदी मंडळीनीच.

सीकेपी म्हन्जे काय? हसु नका माला खरच महिति नाहि

सीकेपी म्हणजे चांद्रसेनिय कायस्थ प्रभु.

धणे + बडिशेप यांचे खास प्रमाण >>> ते काय तेही सांग की.

आरती, धन्यवाद!
जात बुडते - अगदी अगदी! खोलगट झाकण, खोबर्‍याची तपकीरी साल्..आईच्या हाताखाली काम करताना ह्या अगदी खास सुचना असायच्या

आई श्रावण सोमवारी हमखास मुगाचे बिरडे करायची, का हे कधी विचारले नाही, कारण मुगाचे बिरडे खुप आवडते मला. कृती वाचुन तर आत्त्ताच खावेसे वाटतेय.
पन्ना, मी पण अर्धी सीकेपी

पाकृ छानच आहे आणि त्याहीपेक्षा सवाई तुझी कॉमेन्ट्री!

आरती, मस्त रेसिपी. सीकेपी तिखट आणि सीकेपी मसाल्याची रेसिपी पण टाक ना.

वाव.. अगदी लांबलचक कृती आहे, बट वाचुन वाटले इट्स वर्थ इट....
कुठलाही पदार्थ अगदी निगुतीने करायचा ही सिकेप्यांची खासियत आहे बहुतेक...

वा चविष्ट आहे. मलाही मुगाच बिरड आवडत. पण आमच्या घरात माणसे जास्त असल्यामुळे बिरडही जास्त लागत. आणि त्यातुन मुगाच बिरड काढण म्हणजे फार किचकट काम. पण तुझी रेसिपी पाहील्यामुळे मला उत्तेजन आलय काढायला. आता ह्या सोमवारी करेन म्हणजे रवीवारचा अर्धा तास माझा बिरड काढण्यात जाणार.

सी के पी फारच नाजूक जात !!!
खिम्याच्या पॅटिसचे कव्हर पारदर्शक झाले नाही. वरुन टाकलेला रुपया, कानवल्याच्या खाजीत रुतला नाही, रुमाली वडीच्या बेसनाचा भगरा झाला, तरी जाते.

( दोन्ही ) रेसिपी एकदम मस्त !
सीकेप्यांच्या घरात स्वयंपाक करु न शकणारी मुलगी पैदाच होत नाही की काय अशी मला आता शंका येऊ लागली आहे

आमचं मुगाचं बिरडं (आईची पध्द्त)

हिंग मोहरी तडतडली की तिखट टाकायच आणि लगेच कांदा टाकायचा. तिखट जळू द्यायच नाही. तेलावर तिखट टाकलं की बिरड्याला लाल रंग येतो. ( बिरड्यावर लाल तवंग दिसतो.) कांदा थोडा पारदर्शक झाला की मोड आलेले, सालं काढलेले मूग टाकायचे. त्यावर हळद टाकायची. ते जरा सवताळले की लसूण आणि जिर्‍याचं वाटण लावायच. एक वाटी मोड अस लेल्या मुगासाठी ३-४ छोट्या पाकळ्या लसूण आणि अर्धा ते पाऊण टि स्पून जीरे पुरतात. वाटणाचा कच्च्या लसणाचा वास गेला की २ वाट्या पाणी टाकून मूग शिजवायचे. शिजले की कोकम किंवा चींच, गूळ आणि मिठ घालायच. मूग शिजले पाहिजेत पण मोडले नाही पाहीजेत. मोड्पण मोडले नाही पाहिजेत. शेवटी ओलं खोबर दालचीनीचा तुकडा घालून वाटायच. अगदी गुळगुळीत आणि ते आणि बारीक चिरलेली कोथींबीर टाकून उकळी आणायची. दाट, पातळ जसं हवं त्याप्रमाणे पाण्याच प्रमाण अ‍ॅडजस्ट करायचं. गरम गरम तूप भातावर मुगाच बिरडं एकदम मस्त लागतं. आमच्याकडे तिखटात धणे, बडिशोप वगैरे घालत नाहीत.

सवताळले >>>
मस्त शब्द आहे

सवताळणे हा पण खास सीकेपी शब्द आहे का :)?
लालु च्या रेसिपी मधे पहिल्यांदा वाचला, अता इथे !
बाकी आरती, आर्च, मेधा सगळ्यांच्या रेसिपिज छान आहेत , पण मुगाची सालं काढून दिली पाहिजेत कोणीतरी!
फक्त विदर्भातला नवर्‍याचा 'विदर्भ' टॅग बुडेल जर खोबरं घातलेली उसळ खाल्ली तर
मुळात पोळी भाता बरोबर उसळ खाणे हेच विदर्भातून हद्दपार करायला पुरेसं आहे , फक्त स्नॅक म्हणून खातात तिथे उसळी :).

फक्त स्नॅक म्हणून खातात तिथे उसळी >>>>>>> अगदि बरोबर.....पोळी भाता बरोबर उसळ खाणे हि कल्पना पन सहन होत नाहि विदर्भात.

रेसिपीबद्दल धन्यवाद, अवल. लिहिलेय पण मस्तच.

नक्तयाच्या बिरडयाची रेसिपीपण टाक ना.

वॉव.. अमेझिंग रेसिपी............
दिनेश

अमेझिंग..

मला जात बुडायची भिती नसल्याने काळ्या पाठीचे खोबरे आणि थोडी साले असलेले मुग वापरुन करेन.

फक्त ते ७-१० मिनिटे परतणे याला काही पर्याय आहे का?? आधीच्या जमान्यात सैपाक इतका फर्मास होत असे याचे मूळ या ७-१० मिनिटे परतण्यात आहे असे मला राहुन राहुन वाटते

नक्तयाच्या बिरडयाची रेसिपीपण टाक ना.

आता हे काय आणखी? हे कुठले कडधान्य??

नक्तयाच्या बिरडयाची >>> साधना, कडधान्य नविन नाही. मूगाचं बिरडं पण वेगळ्या पद्धतीनं करतात.

अवलच्या मूगाच्या धाग्यावर मी थोडक्यात आणि आठवेल तशी कृती लिहिली आहे बघ.