मायक्रोवेव्हमधला केक

१. मैदा आणि बेकिंग पावडर एकत्र २ वेळा चाळून घ्यावे.
२. साखर आणि अंडी एकत्र फेटावे.
३. हळू हळू तेल घालत मिश्रण फेटावे. सगळे तेल घालून झाले की दूध घालून परत फेटावे.
४. मैदा+बेपा परत एकदा एकत्र चाळून घ्यावे.
५. एकावेळेस थोडेथोडे मैदा+बेपा वरील फेटलेल्या मिश्रणात घालून मिसळावे. फेटू नये. 8च्या आकारात फोल्ड करत मिसळावे.
६. सगळा मैदा+बेपा संपला की हे मिश्रण तयार केलेल्या मावेप्रुफ भांड्यात्(तयार केलेले भांडे-म्हणजे भांड्यास थोडे तेल्/बटर लावून मग त्यावरून मैदा भुरभुरवावा.) घालावे.
७. मायक्रोवेव्ह मोडवर हायपॉवरवर न झाकता ४ मिनिटे लावावे.
८. केक ओलसर दिसतो म्हणून अजून बेक करू नये. तसाच ४-५ मिनिटे मावेतच ठेवावा.
९. मग बाहेर काढून ५-१० मिनिटे थंड करावा. मगच प्लेटमध्ये काढावा.
१०. मग माझी आठवण काढत काढत खाऊन टाकावा.